ಕಿವಿಯಲ್ಲಿ ನೋವು, ಜುಮ್ ಎನ್ನುವ ಅನುಭವ, ಶಿಳ್ಳೆ ಹಾಕಿದ ರೀತಿಯ ಸದ್ದು ವಿಪರೀತವಾಗಿದೆಯಾ?... ಹಾಗಿದ್ದರೆ ಅದು ಕೊರೊನಾದ ಹೊಸ ರೂಪಾಂತರಿ ಒಮಿಕ್ರಾನ್ ಸೋಂಕಿನ ಲಕ್ಷಣವೇ ಸರಿ.
ಕೊರೊನಾದ ಹೊಸ ರೂಪಾಂತರಿ ಒಮಿಕ್ರಾನ್ ಸೋಂಕಿನ ಗುಣಲಕ್ಷಣಗಳು ಸಾಮಾನ್ಯವಾಗಿ ಜ್ವರದ ಲಕ್ಷಣಗಳಂತೆಯೇ ಇವೆ. ಇದರಿಂದ ಒಮಿಕ್ರಾನ್ ಅನ್ನು ಪತ್ತೆ ಹಚ್ಚುವಲ್ಲಿ ಸ್ವಲ್ಪ ಗೊಂದಲ ಉಂಟಾಗುವ ಸಾಧ್ಯತೆ ಇದೆ.
ಬ್ರಿಟನ್ನ ಸ್ಟ್ಯಾನ್ಫೋರ್ಡ್ ವಿಶ್ವವಿದ್ಯಾಲಯದ ವಿಜ್ಞಾನಿಗಳು ಒಮಿಕ್ರಾನ್ ಪತ್ತೆ ಹಚ್ಚುವ ಬಗ್ಗೆ ಅಧ್ಯಯನ ನಡೆಸಿದ್ದು, ಕಿವಿಯಲ್ಲಿ ಉಂಟಾಗುವ ಕಿರಿಕಿರಿಯಿಂದಲೂ ಒಮಿಕ್ರಾನ್ ಪತ್ತೆ ಮಾಡಬಹುದು ಎಂದು ಕಂಡುಕೊಂಡಿದ್ದಾರೆ.
ಒಮಿಕ್ರಾನ್ ತಳಿ ದೇಹದ ಹೃದಯ, ಮೆದುಳು, ಕಣ್ಣುಗಳಲ್ಲದೇ ಕಿವಿಯ ಮೇಲೂ ಪರಿಣಾಮ ಉಂಟು ಮಾಡುತ್ತಿದೆ. ವಿಶೇಷ ಮತ್ತು ಆತಂಕಕಾರಿ ಅಂಶವೆಂದರೆ ಹೊಸ ರೂಪಾಂತರಿಯು ಕೊರೊನಾ ಲಸಿಕೆ ಪಡೆದವರ ಮೇಲೂ ಸವಾರಿ ಮಾಡುತ್ತಿದೆ.
ಕಿವಿಯಲ್ಲಿ ನೋವುಂಟಾಗುವುದು, ಜುಮ್ ಎನಿಸುವಿಕೆ, ಗಂಟೆ ಅಥವಾ ಶಿಳ್ಳೆ ಹಾಕಿದ ರೀತಿಯ ಸದ್ದು ಕೇಳಿಸಿದರೆ ಅದು ಒಮಿಕ್ರಾನ್ನ ಲಕ್ಷಣಗಳಾಗಿವೆ. ನಿರ್ಲಕ್ಷ್ಯ ಮಾಡದೇ ಚಿಕಿತ್ಸೆಗೆ ಒಳಗಾಗಿ ಎಂದು ಅಧ್ಯಯನ ತಿಳಿಸಿದೆ.
ಸ್ಟ್ಯಾನ್ಫೋರ್ಡ್ ವಿಶ್ವವಿದ್ಯಾನಿಲಯದ ವಿಜ್ಞಾನಿಗಳು ಒಮಿಕ್ರಾನ್ ಸೋಂಕಿತರ ಮೇಲೆ ಅಧ್ಯಯನ ನಡೆಸಿದಾಗ ಸೋಂಕಿತರು ಕಿವಿಯಲ್ಲಿ ನೋವು, ಜುಮ್ಮೆನಿಸುವಿಕೆ ಮತ್ತು ಸದ್ದಾಗುವುದನ್ನು ಹೇಳಿಕೊಂಡಿದ್ದಾರೆ.
ಇದನ್ನೂ ಓದಿ: ಉತ್ತರ ಪ್ರದೇಶ ಚುನಾವಣೆ: ಕೈರಾನಾದಿಂದ ಮನೆ ಮನೆ ಪ್ರಚಾರ ಆರಂಭಿಸಿದ ಅಮಿತ್ ಶಾ
