ಕ್ರೈಂ ಬ್ರಾಂಚ್ ಪೊಲೀಸ್‌ ಇನ್ಸ್​ಪೆಕ್ಟರ್ ಮೇಲೆ ಹಲ್ಲೆ, ಕಾರಿನೊಂದಿಗೆ ಪರಾರಿ

ಕ್ರೈಂ ಬ್ರಾಂಚ್ ಇನ್ಸ್​ಪೆಕ್ಟರ್ ಮೇಲೆ ಹಲ್ಲೆ ನಡೆಸಿದ ದುಷ್ಕರ್ಮಿಗಳು ಅವರ ಕಾರಿನೊಂದಿಗೆ ಪರಾರಿಯಾದ ಘಟನೆ ಕನೌಜ್‌ನಲ್ಲಿ ನಡೆದಿದೆ.

ಕನೌಜ್(ಉತ್ತರ ಪ್ರದೇಶ): ಕ್ರೈಂ ಬ್ರಾಂಚ್​ ಪೊಲೀಸ್ ಇನ್ಸ್​ಪೆಕ್ಟರ್‌ವೋರ್ವರ ಮೇಲೆ ದುಷ್ಕರ್ಮಿಗಳು ಹಲ್ಲೆ ನಡೆಸಿ ಅವರು ಪ್ರಯಾಣಿಸುತ್ತಿದ್ದ ಕಾರಿನೊಂದಿಗೆ ಪರಾರಿಯಾಗಿರುವ ಘಟನೆ ಕನೌಜ್‌ನ ಸದರ್ ಕೊತ್ವಾಲಿಯ ಪನ್ವಾರ ಬಳಿ ನಡೆದಿದೆ.

ಅಧಿಕಾರಿ ಅವಧೇಶ್ ಕುಮಾರ್ ಅವರನ್ನು ಕ್ರೈಂ ಬ್ರಾಂಚ್​ನ ಇನ್ಸ್​ಪೆಕ್ಟರ್ ಆಗಿ ನಿಯೋಜಿಸಲಾಗಿತ್ತು. ಪ್ರಕರಣವೊಂದರಲ್ಲಿ ಸಾಕ್ಷ್ಯ ಸಂಗ್ರಹಿಸಲು ಒರೈ ಎಂಬಲ್ಲಿಂದ ಬದೌನ್​ಗೆ ತೆರಳುತ್ತಿದ್ದರು. ಸದರ್ ಕೊತ್ವಾಲಿಯ ಜಲಾಲ್ಪುರ್ ಪನ್ವಾರದ ಮೇಲ್ಸೇತುವೆಯ ಬಳಿ ಕಾರು ನಿಲ್ಲಿಸಿ ಶೌಚಕ್ಕಾಗಿ ತೆರಳಿದ್ದಾರೆ. ಅಷ್ಟರಲ್ಲಿ ಅಲ್ಲಿಗೆ ಧಾವಿಸಿದ ದುಷ್ಕರ್ಮಿಗಳು ಅವರ ಮೇಲೆ ಹಲ್ಲೆ ನಡೆಸಿ, ಕಾರಿನೊಂದಿಗೆ ಪರಾರಿಯಾಗಿದ್ದಾರೆ.

ಸ್ಥಳಕ್ಕಾಗಮಿಸಿದ ಪೊಲೀಸರು ಇನ್ಸ್​ಪೆಕ್ಟರ್ ಅವರ​ನ್ನು ಖಾಸಗಿ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಪ್ರಕರಣದ ತನಿಖೆ ನಡೆಯುತ್ತಿದೆ.

ಇದನ್ನೂ ಓದಿ: ಭಾರತದೊಳಗೆ ನುಗ್ಗಲು ಯತ್ನ: ಪಾಕ್ ನುಸುಳುಕೋರನ ಹತ್ಯೆ, ಮತ್ತೋರ್ವನ ಬಂಧನ