ಮದುವೆಗೆ ಮುಂಚೆಯೇ ಇಬ್ಬರಿಗೆ ತಲಾ ಒಂದು ಮಗು ಕೊಟ್ಟು, ಒಂದೇ ಮಂಟಪದಲ್ಲಿ ಮದುವೆಯಾದ!

ದುರ್ಗೇಶ್ವರಿ ಹಾಗೂ ಸುನ್ನೋ ಭಾಯಿ ಇಬ್ಬರಿಗೂ ರಾಜನ್​ ಸಿಂಗ್​ ಮಗು ಕರುಣಿಸಿದ ವಿಷಯ ಮೂವರ ಕುಟುಂಬದವರಿಗೂ ಗೊತ್ತಾಗಿದೆ. ಆಗ ಗ್ರಾಮದಲ್ಲೇ ರಾಜಿ ಪಂಚಾಯಿತಿ ಮಾಡಿ ಒಂದೇ ಮಂಟಪದಲ್ಲಿ ಮದುವೆ ಮಾಡಿಸಲಾಗಿದೆ.

ಕೊಂಡಗಾಂವ (ಛತ್ತೀಸ್​ಘಡ): ಛತ್ತೀಸ್​ಘಡದಲ್ಲೊಂದು ವಿಚಿತ್ರವಾದ ಮದುವೆ ನಡೆದಿದೆ. ವ್ಯಕ್ತಿಯೊಬ್ಬ ಒಂದೇ ಮಂಪಟದಲ್ಲಿ ಇಬ್ಬರು ಯುವತಿಯರನ್ನು ಒಟ್ಟಿಗೆ ವಿವಾಹವಾಗಿದ್ದಾನೆ. ಇದೇನು ಹೊಸದಲ್ಲ ನಿಜ. ಆದರೆ, ಇದು ಬರೀ ಮದುವೆಯಲ್ಲ, ಒಂದು ರೀತಿಯಲ್ಲಿ ಒಬ್ಬ ತಂದೆ- ಇಬ್ಬರು ತಾಯಿಂದಿರ ಮದುವೆ!.

ಹೌದು, ಇದೇನಪ್ಪಾ ಎಂಬ ಗೊಂದಲ ಮೂಡಬಹುದು. ಆದರೆ, ಇಂತಹ ವಿಲಕ್ಷಣ ಮದುವೆಗೆ ಕೊಂಡಗಾಂವದ ಉಮ್ಲಾ ಗ್ರಾಮ ಸಾಕ್ಷಿಯಾಗಿದೆ. ಈ ಗ್ರಾಮದ ರಾಜನ್​ ಸಿಂಗ್​ ಸಲಾಮ್​ ಎಂಬಾತನ ಮದುವೆ ಅಡೇಂಗಾ ಗ್ರಾಮದ ದುರ್ಗೇಶ್ವರಿ ಮಕ್ರಂ ಜೊತೆಗೆ ನಿಶ್ಚಯವಾಗಿ ನಿಶ್ಚಿತಾರ್ಥವೂ ಆಗಿತ್ತು. ಆದರೆ, ಮದುವೆಗೆ ಮುಂಚೆಯೇ ರಾಜನ್​ ಸಿಂಗ್​ ಮನೆಗೆ ಬಂದು ದುರ್ಗೇಶ್ವರಿ ವಾಸವಿದ್ದಳು. ಕೆಲ ತಿಂಗಳ ಬಳಿಕ ಆಕೆ ಗರ್ಭಿಣಿಯಾಗಿ ಮಗುವಿಗೆ ಜನ್ಮ ನೀಡಿದ್ದಾಳೆ.

ಮತ್ತೊಬ್ಬಳೊಂದಿಗೂ ಪ್ರೇಮ: ದುರ್ಗೇಶ್ವರಿ ಜೊತೆಗೆ ನಿಶ್ಚಿತಾರ್ಥವಾಗಿ ಆಕೆ ಬಂದು ತನ್ನ ಮನೆಯಲ್ಲಿ ವಾಸವಾದ ಮೇಲೂ ರಾಜನ್​ ಸಿಂಗ್‌ಗೆ​ ಮತ್ತೊಬ್ಬಳ ಮೇಲೆ ಮನಸಾಗಿದೆ. ಅನ್ವಾರಿ ಗ್ರಾಮದ ಸುನ್ನೋ ಭಾಯಿ ಗೋಟಾ ಎಂಬಾಕೆಯನ್ನು ಪ್ರೀತಿಸಲು ಶುರು ಮಾಡಿ, ಆಕೆಯನ್ನೂ ಗರ್ಭಿಣಿ ಮಾಡಿದ್ದಾನೆ. ಅಂತೆಯೇ ಈಕೆಯೂ ಮಗುವಿಗೆ ಜನ್ಮ ನೀಡಿದ್ದಾಳೆ.

ಮದುವೆಗೆ ಇಬ್ಬರೂ ಒಪ್ಪಿದ್ರು: ದುರ್ಗೇಶ್ವರಿ ಹಾಗೂ ಸುನ್ನೋ ಭಾಯಿ ಇಬ್ಬರಿಗೂ ರಾಜನ್​ ಸಿಂಗ್​ ಮಗು ಕೊಟ್ಟಿರುವ ವಿಷಯ ಮೂವರ ಕುಟುಂಬವರಿಗೂ ಗೊತ್ತಾಗಿದೆ. ಆಗ ಗ್ರಾಮದಲ್ಲೇ ರಾಜಿ ಪಂಚಾಯಿತಿ ಮಾಡಿದ್ದಾರೆ. ಈ ವೇಳೆ ರಾಜನ್​ ಸಿಂಗ್​ನನ್ನು ಮದುವೆಯಾಗಲು ದುರ್ಗೇಶ್ವರಿ, ಸುನ್ನೋ ಭಾಯಿ ಇಬ್ಬರು ಕೂಡ ಒಪ್ಪಿಕೊಂಡಿದ್ದಾರೆ. ಅಂತೆಯೇ ಮದುವೆ ಆಮಂತ್ರಣ ಪತ್ರದಲ್ಲಿ ರಾಜನ್​ ಸಿಂಗ್ ಜೊತೆಗೆ ಇಬ್ಬರ ಹೆಸರು ಕೂಡ ಮುದ್ರಿಸಲಾಗಿದೆ.

ಮದುವೆ ಆಮಂತ್ರಣ

ಮಂಪಟದಲ್ಲಿ ಮಕ್ಕಳು ಹಾಜರ್​: ರಾಜನ್​ ಸಿಂಗ್​ ಜೊತೆಗೆ ದುರ್ಗೇಶ್ವರಿ ಹಾಗೂ ಸುನ್ನೋ ಭಾಯಿ ಮದುವೆ ಒಂದೇ ಮಂಪಟದಲ್ಲಿ ಜೂ.8ರಂದು ನೆರವೇರಿದೆ. ಈ ಸಂದರ್ಭದಲ್ಲಿ ಸುನ್ನೋ ಭಾಯಿ ತನ್ನ ಚಿಕ್ಕ ಮಗಳೊಂದಿಗೆ ಹಾಗೂ ದುರ್ಗೇಶ್ವರಿ ಕೂಡ ತನ್ನ ಚಿಕ್ಕ ಮಗಳೊಂದಿಗೆ ಮಂಟಪಕ್ಕೆ ಬಂದಿದ್ದಾರೆ. ತಾಳಿ ಕಟ್ಟುವ ಸಂದರ್ಭದಲ್ಲೂ ತಮ್ಮ ಮಕ್ಕಳನ್ನು ಮಡಿಲಿನಲ್ಲೇ ಈ ತಾಯಂದಿರು ಇಟ್ಟುಕೊಂಡಿದ್ದರು. ಜೊತೆಗೆ ಪಕ್ಕದಲ್ಲಿ ತಂದೆ ರಾಜನ್​ ಸಿಂಗ್ ಇದ್ದ!.

ಇದನ್ನೂ ಓದಿ: ಪ್ರೇಮ, ಮದುವೆ ಆಮೇಲೆ ದರೋಡೆ.. ವಾರ್ಷಿಕೋತ್ಸವದ ಬಳಿಕ ಯುವಕನಿಗೆ ಗೊತ್ತಾಯ್ತು ನಾನು 7ನೇ ಪತಿ ಅಂತಾ!