ಪೊಲೀಸ್ ಕಸ್ಟಡಿಯಿಂದ ತಪ್ಪಿಸಿಕೊಂಡಿದ್ದ ಪಾತಕಿ ಫಜ್ಜಾ ಎನ್​ಕೌಂಟರ್​ನಲ್ಲಿ ಸಾವು

ದೆಹಲಿಯ ಜಿಟಿಬಿ ಆಸ್ಪತ್ರೆಯಿಂದ ತಪ್ಪಿಸಿಕೊಂಡಿದ್ದ ಕುಖ್ಯಾತ ಪಾತಕಿ ಕುಲದೀಪ್ ​ ಅಲಿಯಾಸ್​ ಫಜ್ಜಾ ನಿನ್ನೆ ರಾತ್ರಿ ನಡೆದ ಎನ್​ಕೌಂಟರ್​ ವೇಳೆ ಸಾವನ್ನಪ್ಪಿದ್ದಾನೆ.

ನವದೆಹಲಿ: ಆಸ್ಪತ್ರೆಯಿಂದ ಪೊಲೀಸ್ ಕಸ್ಟಡಿಯಿಂದ ತಪ್ಪಿಸಿಕೊಂಡಿದ್ದ ಗೋಗಿ ಗ್ಯಾಂಗ್​ನ ನಟೋರಿಯಸ್​ ರೌಡಿ ಕುಲದೀಪ್ ಮಾನ್ ​ಅಲಿಯಾಸ್​ ಫಜ್ಜಾ ಶನಿವಾರ ತಡರಾತ್ರಿ ರೋಹಿಣಿ ಸೆಕ್ಟರ್ 14 ರ ತುಳಸಿ ಅಪಾರ್ಟ್​ಮೆಂಟ್ ಬಳಿ ನಡೆದ ಎನ್​ಕೌಂಟರ್​ನಲ್ಲಿ ಸಾವನ್ನಪ್ಪಿದ್ದಾನೆ.

ಕಳೆದ ಗುರುವಾರ ದೆಹಲಿಯ ಜಿಟಿಬಿ ಆಸ್ಪತ್ರೆಯಲ್ಲಿ ತಪಾಸಣೆ ನಡೆಸಿ ಬಳಿಕ ಪೊಲೀಸ್​ ವಾಹನದ ಬಳಿ ಕರೆದೊಯ್ಯುವಾಗ ನಡೆದ ಗುಂಡಿನ ಕಾಳಗದ ವೇಳೆ ಆರೋಪಿ ಫಜ್ಜಾ ಪೊಲೀಸರ ಕಣ್ತಪ್ಪಿಸಿ ಎಸ್ಕೇಪ್​ ಆಗಿದ್ದ. ಜಿಟಿಬಿ ಆಸ್ಪತ್ರೆಯಿಂದ ತಪ್ಪಿಸಿಕೊಂಡ ಫಜ್ಜಾ ನಿನ್ನೆ ನಡೆದ ಎನ್‌ಕೌಂಟರ್‌ನಲ್ಲಿ ಸಾವನ್ನಪ್ಪಿದ್ದಾನೆ.