ಇಡುಕ್ಕಿ (ಕೇರಳ): ರಾಜ್ಯದಲ್ಲಿ ಭಾರಿ ಮಳೆಯಾಗುತ್ತಿದ್ದು, ಹಲವೆಡೆ ಭೂಕುಸಿತ ಸಂಭವಿಸಿದೆ. ಇಡುಕ್ಕಿಯ ಪುಲ್ಲುಪಾರದಲ್ಲಿ ಸಂಭವಿಸಿದ್ದ ಭೂ ಕುಸಿತದಲ್ಲಿ ಸಿಲುಕಿದ್ದ ಪ್ರಯಾಣಿಕರನ್ನು ಕೆಎಸ್ಆರ್ಟಿಸಿ(ಕೇರಳ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆ) ಬಸ್ನ ನೌಕರರೊಬ್ಬರು ರಕ್ಷಿಸಿದ್ದಾರೆ.
ಭೂ ಕುಸಿತದಲ್ಲಿ ಸಿಲುಕಿದ್ದ ಕುಟುಂಬವನ್ನು ರಕ್ಷಿಸಿದ ಕೆಎಸ್ಆರ್ಟಿಸಿ ಸಿಬ್ಬಂದಿ!
ಭೂಕುಸಿತದಲ್ಲಿ ಸಿಲುಕಿದ್ದ ಗುಜರಾತ್ ಮೂಲದ ಬಿಪಿನ್ ಕುಮಾರ್ ಪಟೇಲ್ ಮತ್ತು ಕುಟುಂಬವನ್ನು ಕೆಎಸ್ಆರ್ಟಿಸಿ ಬಸ್ ಸಿಬ್ಬಂದಿ ಜೈಸನ್ ಜೋಸೆಫ್ ರಕ್ಷಿಸಿದ್ದಾರೆ.
ಕುಮಿಲಿ-ಮುಂಡಕಾಯಂ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಭೂಕುಸಿತ ಸಂಭವಿಸಿದ್ದು, ಬಿಪಿನ್ ಕುಮಾರ್ ಪಟೇಲ್, ಪತ್ನಿ, ಪುತ್ರ, ಚಾಲಕ ಸಿಲುಕಿದ್ದರು. ಈ ವೇಳೆ ಅದೇ ಮಾರ್ಗದಲ್ಲಿ ಬಂದ ಜೈಸನ್ ಎಲ್ಲರನ್ನೂ ರಕ್ಷಿಸಿ ಪೀರುಮೇಡು ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿದ್ದಾರೆ.
