ಕೊಲ್ಹಾಪುರ (ಮಹಾರಾಷ್ಟ್ರ): ಎರಡು ದಿನಗಳ ಹಿಂದೆ ಮೌಂಟ್ ಎವರೆಸ್ಟ್ ಏರುವ ತನ್ನ ಕನಸನ್ನು ಕೊಲ್ಲಾಪುರದ ಯುವತಿ (20) ಕಸ್ತೂರಿ ಸಾವೇಕರ್ ಕೊನೆಗೂ ಈಡೇರಿಸಿಕೊಂಡಿದ್ದಾಳೆ. ಜಗತ್ತಿನ ಅತಿ ಎತ್ತರದ ಮತ್ತು ಅತ್ಯಂತ ಕಷ್ಟಕರವಾದ ಪರ್ವತವಾದ ಮೌಂಟ್ ಎವರೆಸ್ಟ್ ಅನ್ನು ಏರಿ ಕೊನೆಗೂ ತಮ್ಮ ಕನಸನ್ನು ಈಡೇರಿಸಿಕೊಂಡಿದ್ದಾರೆ. ಈ ಮೂಲಕ ಕೊಲ್ಲಾಪುರ ಜಿಲ್ಲೆಗೆ ಕೀರ್ತಿ ತಂದಿದ್ದಾರೆ.
ಮೇ 9 ರಂದು ಮೌಂಟ್ ಎವರೆಸ್ಟ್ ಏರಲು ಆರಂಭಿಸಿದ ಇವರು ಮೇ 14 ರಂದು ಎವರೆಸ್ಟ್ ಮೇಲೆ ತ್ರಿವರ್ಣ ಧ್ವಜವನ್ನು ಹಾರಿಸಿ ಕೊಲ್ಹಾಪುರಕ್ಕೆ ಹೆಸರು ತಂದಿದ್ದಾರೆ. ದುರಂತ ಎಂದರೆ ಆರ್ಥಿಕ ಸಮಸ್ಯೆಯಿಂದ ತುಂಬಾನೆ ಕಷ್ಟಪಟ್ಟಿದ್ದಾರೆ. ಜೊತೆಗ ಈಗಲೂ ಅದರಿಂದ ನರಳುತ್ತಿದ್ದಾರೆ.
ಮೌಂಟ್ ಎವರೆಸ್ಟ್ ಏರಲು ಭಾರಿ ವೆಚ್ಚ: ಮೌಂಟ್ ಎವರೆಸ್ಟ್ ಏರಲು ಸುಮಾರು 50 ಲಕ್ಷ ರೂ. ಬೇಕು. ಆದರೆ, ಮಗಳ ಹಠ ಕಂಡು ಕಸ್ತೂರಿ ಸಾವೇಕರ್ ಅವರ ತಂದೆ ದೀಪಕ್ ಸಾವೇಕರ್ ಅವರಿಗೆ ಅನೇಕರು ಸಹಾಯ ಮಾಡಿದ್ದರು. ಕೆಲವು ಉದಾರಿಗಳು ಸಹ ಅವರಿಗೆ ಉಚಿತವಾಗಿ ಹಣ ನೀಡಿದ್ದರು. ಇದೆಲ್ಲವನ್ನೂ ಸೇರಿ ಒಟ್ಟು 28 ಲಕ್ಷದ 56 ಸಾವಿರ ರೂ. ಆಗಿತ್ತು.
ಆದರೆ, ಉಳಿದ ಹಣದ ಅಗತ್ಯತೆ ತುಂಬಾನೆ ಇತ್ತು. ಮಗಳ ಹಠದ ನಡುವೆ ತಂದೆ ಎಲ್ಲವನ್ನೂ ಮರೆತು ಸಾರ್ವಜನಿಕರಲ್ಲಿ ಹಾಗೂ ಸಂಘ ಸಂಸ್ಥೆಗಳಲ್ಲಿ ಹಣ ನೀಡುವಂತೆ ಮನವಿ ಮಾಡಿ ಹೇಗೋ ಒಟ್ಟುಗೂಡಿಸಿ ಮಗಳ ಕನಸನ್ನ ನನಸಾಗಿಸುವುದರ ಜೊತೆಗೆ ಜಿಲ್ಲೆಗೆ ಕೀರ್ತಿ ತರುವಂತೆ ಮಾಡಿದ್ದಾರೆ.
ಇದನ್ನೂ ಓದಿ: ಭೀಕರ ಅಪಘಾತ: ಡೀಸೆಲ್ ಟ್ಯಾಂಕರ್, ಟ್ರಕ್ ನಡುವೆ ಡಿಕ್ಕಿಯಾಗಿ 9 ಜನರ ಸಜೀವ ದಹನ
ಎವರೆಸ್ಟ್ ಏರಿದ ಖುಷಿ ಒಂದೆಡೆ ಆದರೆ, ಮಾಡಿದ ಸಾಲವನ್ನು ತೀರಿಸಬೇಕಾಗಿರುವುದು ಇನ್ನೊಂದೆಡೆ ದೊಡ್ಡ ಶಿಖರವನ್ನೇ ಏರಿದಂತೆ. ಈ ಕಾರಣಕ್ಕೆ ಈ ಸಾಧಕಿ ಆರ್ಥಿಕ ಸಹಕಾರಕ್ಕೆ ಮನವಿ ಮಾಡಿದ್ದಾರೆ.
ಬ್ಯಾಂಕ್ ಖಾತೆ ಹೆಸರು: ಕರ್ವೀರ್ ಹೈಕರ್ಸ್, ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಖಾತೆ ಸಂಖ್ಯೆ: 39214749732, IFSC ಕೋಡ್: SBIN0017527
