ಕಾನ್​ಸ್ಟೇಬಲ್ ಹತ್ಯೆ ಪ್ರಕರಣದ ಆರೋಪಿ ಎನ್​​ಕೌಂಟರ್​​ನಲ್ಲಿ ಹತ

ಕಾಸ್​​​ಗಂಜ್​​ ಎಸ್​ಪಿ ಮನೋಜ್ ಕುಮಾರ್ ಸೋಂಕರ್ ಮಾತನಾಡಿ, ಪೊಲೀಸರು ಗುಂಡು ಹಾರಿಸುವ ಮುನ್ನ ಸಿಂಗ್ ಪೊಲೀಸ್ ತಂಡದ ಮೇಲೆ ಹಲ್ಲೆ ನಡೆಸಿದ್ದಾನೆ.

ಉತ್ತರ ಪ್ರದೇಶ: ಕಾಸ್​​ಗಂಜ್ ಕಾನ್‌ಸ್ಟೇಬಲ್ ಕೊಲೆ ಪ್ರಕರಣದ ಪ್ರಮುಖ ಆರೋಪಿ ಹಿಸ್ಟರಿ-ಶೀಟರ್ ಮೋತಿ ಸಿಂಗ್​ನನ್ನು ಇಂದು ಮುಂಜಾನೆ ಉತ್ತರ ಪ್ರದೇಶ ಪೊಲೀಸರು ಎನ್​​ಕೌಂಟರ್ ಮಾಡಿದ್ದಾರೆ.

ಹೆಚ್ಚಿನ ಚಿಕಿತ್ಸೆಗಾಗಿ ಆರೋಪಿಯನ್ನು ಆಸ್ಪತ್ರೆಗೆ ದಾಖಲಿಸಿದರೂ, ಚಿಕಿತ್ಸೆ ಫಲಕಾರಿಯಾಗದೇ ಸಾವನ್ನಪ್ಪಿದ್ದಾನೆ. ಸಿಂಗ್​​​ನನ್ನು ಬಂಧಿಸಲು 12 ಜನ ಪೊಲೀಸರ ತಂಡ ರಚಿಸಿದ್ದು, ಪೊಲೀಸ್ ಠಾಣೆಯಿಂದ ದರೋಡೆ ಮಾಡಿದ ಪಿಸ್ತೂಲ್ ಸಹ ವಶಪಡಿಸಿಕೊಳ್ಳಲಾಗಿದೆ.

ಕಾಸ್​​​ಗಂಜ್​​ ಎಸ್​ಪಿ ಮನೋಜ್ ಕುಮಾರ್ ಸೋಂಕರ್ ಮಾತನಾಡಿ, ಪೊಲೀಸರು ಗುಂಡು ಹಾರಿಸುವ ಮುನ್ನ ಸಿಂಗ್ ಪೊಲೀಸ್ ತಂಡದ ಮೇಲೆ ಹಲ್ಲೆ ನಡೆಸಿದ್ದಾನೆ. ಇದಕ್ಕೂ ಮುನ್ನ, ಫೆಬ್ರವರಿ 10 ರಂದು ಕಾಸ್​​ಗಂಜ್ ಪೊಲೀಸರು ಸಿಂಗ್ ಸೋದರ ಸಂಬಂಧಿ ಎಲ್ಕರ್ ಸಿಂಗ್​ನನ್ನು ಎನ್​ಕೌಂಟರ್​ ಮಾಡಿದ್ದರು.

ಆರೋಪಿ ತಾಯಿ ಸಿಯಾರಾನಿ, ಸಹಚರರಾದ ನವಾಬ್ ಮತ್ತು ಗುಡು ನನ್ನು ಬಂಧಿಸಿದ್ದರು. ಸಿಂಗ್‌ಗೆ ವಾರೆಂಟ್ ನೀಡಲು ಪೊಲೀಸ್ ತಂಡ ನಾಗ್ಲಾ ಧೀಮರ್ ಗ್ರಾಮಕ್ಕೆ ಹೋದಾಗ ಕಾನ್‌ಸ್ಟೇಬಲ್​​ ದೇವೇಂದ್ರನನ್ನು ಹೊಡೆದು ಕೊಂದಿದ್ದು, ಸಬ್ ಇನ್​ಸ್ಪೆಕ್ಟರ್ ಗಂಭೀರವಾಗಿ ಗಾಯಗೊಂಡಿದ್ದರು.