ದೇಶದ ಮೊದಲ ಸ್ವದೇಶಿ ವಿಮಾನವಾಹಕ INS​ ವಿಕ್ರಾಂತ್ ಪರೀಕ್ಷಾರ್ಥ ಸಂಚಾರ- ವಿಡಿಯೋ

ವಿಕ್ರಾಂತ್ ಕುರಿತಂತೆ ಟ್ವೀಟ್​ ಮಾಡಿರುವ ಭಾರತೀಯ ನೌಕಾಪಡೆಯ ವಕ್ತಾರರು ದೇಶಕ್ಕೆ ಇದು ಹೆಮ್ಮೆಯ ಮತ್ತು ಐತಿಹಾಸಿಕ ಕ್ಷಣ ಎಂದಿದ್ದಾರೆ. ಭಾರತದಲ್ಲಿಯೇ ನಿರ್ಮಾಣವಾದ ಅತ್ಯಂತ ದೊಡ್ಡ ಮತ್ತು ಸಂಕೀರ್ಣವಾದ ವಿಮಾನವಾಹಕ ನೌಕೆ ಇದಾಗಿದೆ ಎಂದು ಬಣ್ಣಿಸಿದ್ದಾರೆ.

ಕೊಚ್ಚಿ(ಕೇರಳ): ಭಾರತದ ಸ್ವದೇಶಿ ನಿರ್ಮಿತ ವಿಮಾನವಾಹಕ ನೌಕೆ 1 (ಐಎಸಿ-1) ಅಥವಾ ಐಎನ್​ಎಸ್ ವಿಕ್ರಾಂತ್​ ಅರಬ್ಬಿ ಸಮುದ್ರದಲ್ಲಿ ತನ್ನ ಚೊಚ್ಚಲ ಪರೀಕ್ಷಾರ್ಥ ಸಂಚಾರವನ್ನು ಬುಧವಾರ ಆರಂಭಿಸಿದೆ. ಈ ಪ್ರಯೋಗ ನಾಲ್ಕು ದಿನಗಳ ಕಾಲ ಮುಂದುವರೆಯಲಿದೆ.

ಭಾರತೀಯ ನೌಕಾಪಡೆಯ ನೌಕಾ ವಿನ್ಯಾಸ ನಿರ್ದೇಶನಾಲಯ (ಡಿಎನ್​ಡಿ) ಐಎನ್​ಎಸ್ ವಿಕ್ರಾಂತ್​ ಅನ್ನು ವಿನ್ಯಾಸಗೊಳಿಸಿದ್ದು, ಕೊಚ್ಚಿನ್ ಶಿಪ್​ಯಾರ್ಡ್​ ಲಿಮಿಟೆಡ್​​ನಲ್ಲಿ ನಿರ್ಮಾಣಗೊಂಡಿದೆ. ಈ ವಿಮಾನ ವಾಹಕ ನೌಕೆ ಭಾರತದ ಮೊದಲ ಸ್ವದೇಶಿ ನಿರ್ಮಾಣದ ಪ್ರಯತ್ನವಾಗಿದೆ.

ವಿಕ್ರಾಂತ್​ ಭಾರತ ಸರ್ಕಾರದ ಆತ್ಮನಿರ್ಭರ ಭಾರತ್ ಮತ್ತು ಮೇಕ್ ಇನ್ ಇಂಡಿಯಾ ಯೋಜನೆಗಳ ಭಾಗವಾಗಿದೆ. ಈ ಕಾರಣದಿಂದಾಗಿ ಈ ನೌಕೆಯ ನಿರ್ಮಾಣಕ್ಕೆ ಬಳಸಲಾಗಿರುವ ಶೇಕಡಾ 76ರಷ್ಟು ಸಾಧನ, ಸಲಕರಣೆಗಳನ್ನು ಸ್ಥಳೀಯವಾಗಿ ಉತ್ಪಾದನೆ ಮಾಡಲಾಗಿದೆ ಎಂದು ನೌಕಾಪಡೆ ಹೇಳಿದೆ. ಈ ಮೂಲಕ ಸ್ವತಂತ್ರವಾಗಿ ವಿಮಾನವಾಹಕ ನಿರ್ಮಾಣ ಮಾಡುವ ಸಾಮರ್ಥ್ಯ ಹೊಂದಿರುವ ರಾಷ್ಟ್ರಗಳ ಪಟ್ಟಿಗೆ ಭಾರತ ಸೇರ್ಪಡೆಯಾಗಿದೆ.

ವಿಕ್ರಾಂತ್​ ನೌಕೆ ಹೇಗಿದೆ?

ವಿಕ್ರಾಂತ್​ ನೌಕೆಯು 262 ಮೀಟರ್ ಉದ್ದ, 62 ಮೀಟರ್ ಅಗಲ ಇದ್ದು, 59 ಮೀಟರ್ ಎತ್ತರ ಹೊಂದಿದೆ. ಸೂಪರ್‌ಸ್ಟ್ರಕ್ಚರ್‌ (ನೌಕೆಯ ಮೇಲ್ಭಾಗ)ದಲ್ಲಿ ಐದು ಡೆಕ್​ಗಳು ಸೇರಿದಂತೆ ಒಟ್ಟು 14 ಡೆಕ್‌ಗಳಿವೆ. 2,300ಕ್ಕೂ ಹೆಚ್ಚು ವಿಭಾಗಗಳಿದ್ದು, ಸುಮಾರು 1,700 ಜನರ ಸಿಬ್ಬಂದಿಗಾಗಿ ವಿಕ್ರಾಂತ್​ ವಿನ್ಯಾಸಗೊಂಡಿದೆ. ಮಹಿಳಾ ಅಧಿಕಾರಿಗಳಿಗೂ ವಿಶೇಷ ಕ್ಯಾಬಿನ್‌ ವ್ಯವಸ್ಥೆಯಿದೆ.

ವಿಕ್ರಾಂತ್ ನೌಕೆ ಗಂಟೆಗೆ 28 ನಾಟ್​ (knot) ವೇಗದಲ್ಲಿ ಚಲಿಸುವ ಸಾಮರ್ಥ್ಯ ಹೊಂದಿದೆ. (ಅಂದರೆ ಸರಿಸುಮಾರು ಒಂದು ಗಂಟೆಗೆ 51.86 ಕಿಲೋಮೀಟರ್​). ಗಂಟೆಗೆ 18 ನಾಟ್​ ವೇಗದಲ್ಲಿ (33.34 ಕಿಲೋಮೀಟರ್) ಸುಮಾರು 7,500 ನಾಟಿಕಲ್ ಮೈಲು (Nautical Miles)ಗಳನ್ನು (ಸುಮಾರು 13,890 ಕಿಲೋಮೀಟರ್​​) ತಲುಪುವ ಸಾಮರ್ಥ್ಯ ವಿಕ್ರಾಂತ್​​ಗಿದೆ.

ವಿಕ್ರಾಂತ್​ನ ವಿನ್ಯಾಸದ ಕೆಲಸವು 1999ರಲ್ಲಿ ಆರಂಭವಾಯಿತು. ಫೆಬ್ರವರಿ 2009ರಲ್ಲಿ ಕೀಲ್​ ಅನ್ನು (ಹಡಗಿನ ತಳಭಾಗ) ಹಾಕಲಾಯಿತು. ಮೊದಲಿಗೆ ಡಿಸೆಂಬರ್ 29, 2011ರಲ್ಲಿ ವಿಕ್ರಾಂತ್​ ಅನ್ನು ನೀರಿನ ಮೇಲೆ ತೇಲಿಸಲಾಯಿತು.

ವಿಕ್ರಾಂತ್ ಕುರಿತಂತೆ ಟ್ವೀಟ್​ ಮಾಡಿರುವ ಭಾರತೀಯ ನೌಕಾಪಡೆಯ ವಕ್ತಾರರು ದೇಶಕ್ಕೆ ಇದು ಹೆಮ್ಮೆಯ ಮತ್ತು ಐತಿಹಾಸಿಕ ಕ್ಷಣ ಎಂದಿದ್ದು, ಭಾರತದಲ್ಲಿಯೇ ನಿರ್ಮಾಣವಾದ ಅತ್ಯಂತ ದೊಡ್ಡ ಮತ್ತು ಸಂಕೀರ್ಣವಾದ ವಿಮಾನವಾಹಕ ನೌಕೆ ಇದಾಗಿದೆ ಎಂದು ಬಣ್ಣಿಸಿದ್ದಾರೆ.

• Proud & historic day for India as the reincarnated #Vikrant sails for her maiden sea trials today, in the 50th year of her illustrious predecessor’s key role in victory in the #1971war
  Largest & most complex warship ever to be designed & built in India.
  Many more will follow... pic.twitter.com/6cYGtAUhBK

  — SpokespersonNavy (@indiannavy) August 4, 2021 " class="align-text-top noRightClick twitterSection" data="

  Proud & historic day for India as the reincarnated #Vikrant sails for her maiden sea trials today, in the 50th year of her illustrious predecessor’s key role in victory in the #1971war
  Largest & most complex warship ever to be designed & built in India.
  Many more will follow... pic.twitter.com/6cYGtAUhBK

  — SpokespersonNavy (@indiannavy) August 4, 2021

  ">

  Proud & historic day for India as the reincarnated #Vikrant sails for her maiden sea trials today, in the 50th year of her illustrious predecessor’s key role in victory in the #1971war
  Largest & most complex warship ever to be designed & built in India.
  Many more will follow... pic.twitter.com/6cYGtAUhBK

  — SpokespersonNavy (@indiannavy) August 4, 2021

ವಿಕ್ರಾಂತ್ ನೌಕೆಯನ್ನು ಉನ್ನತ ಮಟ್ಟದ ಮೆಕ್ಯಾನಿಸಂ ಮೂಲಕ ವಿನ್ಯಾಸಗೊಳಿಸಲಾಗಿದೆ. ಈ ಪ್ರಯೋಗ ನಡೆಸಲಾಗುತ್ತಿದ್ದು, ಈ ವೇಳೆ ವಿಕ್ರಾಂತ್​ನ ಕಾರ್ಯಕ್ಷಮತೆ ಮತ್ತು ವಿವಿಧ ಭಾಗಗಳ ಕಾರ್ಯವನ್ನು ಸೂಕ್ಷ್ಮವಾಗಿ ಗಮನಿಸಲಾಗುತ್ತದೆ ಎಂದು ಟ್ವಿಟ್​ನಲ್ಲಿ ಸ್ಪಷ್ಟನೆ ನೀಡಿದ್ದಾರೆ.