ಭಾರತೀಯ ನೌಕಾಪಡೆಯ ಅತ್ಯಂತ ಹಳೆಯ ಹೈಡ್ರೋಗ್ರಾಫಿಕ್ ಸರ್ವೆ ಹಡಗು INS ಸಂಧ್ಯಾಕ್​​ಗೆ ವಿದಾಯ

ಬಂದರು ನೌಕಾಪಡೆಯ ವಿಶಾಖಪಟ್ಟಣಂನ ನೌಕಾ ಡಾಕ್ ಯಾರ್ಡ್‌ನಲ್ಲಿ ಭಾರತೀಯ ನೌಕಾಪಡೆಯ ಅತ್ಯಂತ ಹಳೆಯ ಹೈಡ್ರೋಗ್ರಾಫಿಕ್ ಸರ್ವೆ ಹಡಗು 'ಐಎನ್‌ಎಸ್ ಸಂಧ್ಯಾಕ್' 40 ವರ್ಷಗಳ ಸೇವೆಯ ನಂತರ ಈಗ ದಡ ಸೇರಿದೆ.

ವಿಶಾಖಪಟ್ಟಣಂ(ಆಂಧ್ರಪ್ರದೇಶ):ಭಾರತೀಯ ನೌಕಾಪಡೆಯ ಅತ್ಯಂತ ಹಳೆಯ ಹೈಡ್ರೋಗ್ರಾಫಿಕ್ ಸರ್ವೆ ಹಡಗು ಐಎನ್ಎಸ್ ಸಂಧ್ಯಾಕ್ಗೆ ಜೂನ್ 4 ರಂದು ವಿಶಾಖಪಟ್ಟಣಂನ ನೇವಲ್ ಡಾಕ್ ಯಾರ್ಡ್​ನಲ್ಲಿ ನಡೆದ ಸರಳ ಸಮಾರಂಭದಲ್ಲಿ ವಿದಾಯ ಹೇಳಲಾಯಿತು.

ಸಮಾರಂಭದ ಮುಖ್ಯ ಅತಿಥಿಯಾಗಿ ಈಸ್ಟರ್ನ್ ನೇವಲ್ ಕಮಾಂಡ್‌ನ ಪ್ರಸ್ತುತ ಧ್ವಜ ಅಧಿಕಾರಿ ಕಮಾಂಡಿಂಗ್-ಇನ್-ಚೀಫ್ ವೈಸ್ ಅಡ್ಮಿರಲ್ ಅಜೇಂದ್ರ ಬಹದ್ದೂರ್ ಸಿಂಗ್ ಸಮ್ಮುಖದಲ್ಲಿ ಈ ಕಾರ್ಯಕ್ರಮ ನಡೆಯಿತು.

ನಾಲ್ಕು ದಶಕಗಳ ಸೇವೆಯ ಅವಧಿಯಲ್ಲಿ, 'ಐಎನ್ಎಸ್ ಸಂಧ್ಯಾಕ್' ಭಾರತೀಯ ಪರ್ಯಾಯ ದ್ವೀಪದ ಅಂಡಮಾನ್ ಸಮುದ್ರದ ಪಶ್ಚಿಮ ಮತ್ತು ಪೂರ್ವ ಕರಾವಳಿಗಳಲ್ಲಿ 200 ಕ್ಕೂ ಹೆಚ್ಚು ಪ್ರಮುಖ ಹೈಡ್ರೋಗ್ರಾಫಿಕ್ ಸಮೀಕ್ಷೆಗಳನ್ನು ಕೈಗೊಂಡಿದೆ. ನೆರೆಯ ರಾಷ್ಟ್ರಗಳಲ್ಲಿ ಸಹ ಸಮೀಕ್ಷೆಗಳನ್ನು ನಡೆಸಿದೆ.