71 ದಿನಗಳ ಬಳಿಕ ದೇಶದಲ್ಲಿ ಅತೀ ಕಡಿಮೆ ಕೋವಿಡ್​ ಕೇಸ್​ ವರದಿ... ನಿನ್ನೆ 3,303 ಮಂದಿ ಸಾವು

ಭಾರತದಲ್ಲಿ ಇಲ್ಲಿಯವರೆಗೆ 2,80,43,446 ಮಂದಿ ಕೊರೊನಾ ವೈರಸ್​ನಿಂದ ಚೇತರಿಸಿಕೊಂಡಿದ್ದು, 10,26,159 ಕೇಸ್​ಗಳು ಮಾತ್ರ ಸಕ್ರಿಯವಾಗಿವೆ.

ನವದೆಹಲಿ: 71 ದಿನಗಳ ಬಳಿಕ ಭಾರತದಲ್ಲಿ ಅತೀ ಕಡಿಮೆ ಅಂದರೆ 80,834 ಕೊರೊನಾ ಸೋಂಕಿತರು ಶನಿವಾರ ಪತ್ತೆಯಾಗಿದ್ದು, 3,303 ರೋಗಿಗಳು ಸಾವನ್ನಪ್ಪಿದ್ದಾರೆ.

ಕಳೆದ 24 ಗಂಟೆಗಳಲ್ಲಿ 1,32,062 ಮಂದಿ ಸೋಂಕಿನಿಂದ ಗುಣಮುಖರಾಗಿ ಅಸ್ಪತ್ರೆಯಿಂದ ಹೊರ ಬಂದಿದ್ದಾರೆ ಎಂದು ಕೇಂದ್ರ ಆರೋಗ್ಯ ಸಚಿವಾಲಯ ಮಾಹಿತಿ ನೀಡಿದೆ.

ದೇಶದಲ್ಲೀಗ ಒಟ್ಟು 2,94,39,989 ಸೋಂಕಿತರಿದ್ದು, ಈ ಪೈಕಿ 10,26,159 ಕೇಸ್​ಗಳು ಮಾತ್ರ ಸಕ್ರಿಯವಾಗಿವೆ. 2,80,43,446 ಮಂದಿ ಇಲ್ಲಿಯವರೆಗೆ ವೈರಸ್​ನಿಂದ ಚೇತರಿಸಿಕೊಂಡಿದ್ದು, ಮೃತರ ಸಂಖ್ಯೆ 3,70,384ಕ್ಕೆ ಏರಿಕೆಯಾಗಿದೆ. ಭಾರತದ ಕೋವಿಡ್​ ಸಾವಿನ ಸಂಖ್ಯೆ ಇದಕ್ಕಿಂತಲೂ ಐದರಿಂದ ಏಳು ಪಟ್ಟು ಹೆಚ್ಚಿದೆ ಎಂದು 'ದಿ ಎಕನಾಮಿಸ್ಟ್' ಅಂತಾರಾಷ್ಟ್ರೀಯ ನಿಯತಕಾಲಿಕೆ ವರದಿ ಮಾಡಿದ್ದು, ಈ ಮಾಹಿತಿಯು ಸಂಪೂರ್ಣ ತಪ್ಪೆಂದು ಕೇಂದ್ರ ಆರೋಗ್ಯ ಸಚಿವಾಲಯ ಹೇಳಿದೆ.

ಇದನ್ನೂ ಓದಿ: 'ಅಧಿಕೃತ ಸಂಖ್ಯೆಗಿಂತ ದೇಶದಲ್ಲಿನ ಕೋವಿಡ್ ಸೋಂಕಿತರ​ ಸಾವು 7 ಪಟ್ಟು ಹೆಚ್ಚಿದೆ' - ವರದಿ ತಳ್ಳಿಹಾಕಿದ ಭಾರತ

• #LargestVaccineDrive pic.twitter.com/LGpssYwMb3

  — Ministry of Health (@MoHFW_INDIA) June 12, 2021 " class="align-text-top noRightClick twitterSection" data="

  #LargestVaccineDrive pic.twitter.com/LGpssYwMb3

  — Ministry of Health (@MoHFW_INDIA) June 12, 2021

  ">

  #LargestVaccineDrive pic.twitter.com/LGpssYwMb3

  — Ministry of Health (@MoHFW_INDIA) June 12, 2021

25 ಕೋಟಿ ಡೋಸ್​ ವ್ಯಾಕ್ಸಿನೇಷನ್​

ಜನವರಿ 16ರಿಂದ ಈವರೆಗೆ ದೇಶಾದ್ಯಂತ ಕೊರೊನಾ​ ಲಸಿಕೆಯ 25,31,95,048 ಡೋಸ್​ಗಳನ್ನು ಜನರಿಗೆ ನೀಡಲಾಗಿದೆ. ಇದರಲ್ಲಿ 20 ಕೋಟಿಗೂ ಅಧಿಕ ಮಂದಿ ಮೊದಲ ಡೋಸ್​ ಮಾತ್ರ ಪಡೆದಿದ್ದು, ಸುಮಾರು 5 ಕೋಟಿ ಜನರು ಎರಡೂ ಡೋಸ್​ಗಳನ್ನು ಹಾಕಿಸಿಕೊಂಡಿದ್ದಾರೆ.