ಸಿವಾನ್(ಬಿಹಾರ): ಜನಪ್ರತಿನಿಧಿಗಳು ಸಾರ್ವಜನಿಕ ಕಾರ್ಯಕ್ರಮಗಳಲ್ಲಿ ಕಾಣಿಸಿಕೊಳ್ಳುವುದು ಸಾಮಾನ್ಯ. ಕೆಲವೊಮ್ಮೆ ಅವರು ಕಾರ್ಯಕ್ರಮಗಳಲ್ಲಿ ಡ್ಯಾನ್ಸ್ ಮಾಡುವ ವಿಡಿಯೋಗಳು ಆಗಾಗ್ಗೆ ವೈರಲ್ ಆಗುತ್ತವೆ. ಈಗ ಅಂತಹದ್ದೇ ವಿಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಸಿವಾನ್ ನಗರದ ವಾರ್ಡ್ ಸದಸ್ಯ ಆರ್ಕೆಸ್ಟ್ರಾ ಯುವತಿಯೊಂದಿಗೆ ಡ್ಯಾನ್ಸ್ ಮಾಡಿದ್ದು, ಆ ಡ್ಯಾನ್ಸ್ ಸಾಕಷ್ಟು ಮೆಚ್ಚುಗೆ ವ್ಯಕ್ತವಾಗಿದೆ.
ಬಿಹಾರದ ಸಿವಾನ್ ಜಿಲ್ಲೆಯ ಮಾರ್ವಾ ಬ್ಲಾಕ್ ವಾರ್ಡ್ ಸಂಖ್ಯೆ 12ರ ಸದಸ್ಯ ಅನಿಲ್ ಕುಮಾರ್ ಪಾಸಿ ಡ್ಯಾನ್ಸ್ ಮಾಡಿದ್ದಾನೆ. ಮದುವೆ ಸಮಾರಂಭದ ವಿಡಿಯೋ ಇದಾಗಿದೆ ಎಂದು ಸ್ಥಳೀಯರು ಮಾಹಿತಿ ನೀಡಿದ್ದು, ಮದುವೆ ಸಮಾರಂಭಕ್ಕೆ ಆರ್ಕೆಸ್ಟ್ರಾ ಹುಡುಗಿಯರನ್ನೂ ಆಹ್ವಾನಿಸಲಾಗಿದ್ದು, ಈ ವೇಳೆ ಓರ್ವ ಯುವತಿ ಜೊತೆ ಅನಿಲ್ ಕುಮಾರ್ ಡ್ಯಾನ್ಸ್ ಮಾಡಿದ್ದಾರೆ.
ಅಕ್ರಮವಾಗಿ ಮದ್ಯ ಮಾರಾಟ ಆರೋಪದ ಮೇಲೆ 7 ನವೆಂಬರ್ 2021ರಂದು ಅನಿಲ್ ಕುಮಾರ್ ಪಾಸಿ ಅವರನ್ನು ಪೊಲೀಸರು ಬಂಧಿಸಿದ್ದರು. ಪೊಲೀಸ್ ದಾಳಿ ವೇಳೆ ಅನಿಲ್ ಕುಮಾರ್ ಮನೆಯಲ್ಲಿ 6 ಲೀಟರ್ ಮದ್ಯ ವಶಪಡಿಸಿಕೊಳ್ಳಲಾಗಿತ್ತು.
ಇದನ್ನೂ ಓದಿ: ಪ್ರೀತಿಯ ಪುತ್ರನ ಸವಿನೆನಪಿಗಾಗಿ ಪ್ರತಿಮೆ ನಿರ್ಮಿಸಿದ ವೃದ್ಧ ಪೋಷಕರು
