ಪಾಟ್ನಾ : ಕೊರೊನಾ ವೈರಸ್ ಕೊಲ್ಲುವ ಯಂತ್ರವೊಂದನ್ನು ಇಲ್ಲಿನ IIT ಅಭಿವೃದ್ಧಿಪಡಿಸಿದೆ. ಮೊದಲ ಬಾರಿಗೆ, ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (ಐಐಟಿ) ಪಾಟ್ನಾ ಈ ಯಂತ್ರವನ್ನು ಅಭಿವೃದ್ಧಿಪಡಿಸಿದೆ. ಇದು ಕೊರೊನಾ ವೈರಸ್ ಅನ್ನು ನಾಶ ಮಾಡುವ ಸಾಮರ್ಥ್ಯ ಹೊಂದಿದೆ ಎಂದು ನಂಬಲಾಗಿದೆ.
ಅನೇಕ ಜೀವಗಳನ್ನು ಬಲಿ ತೆಗೆದುಕೊಂಡ ಮಾರಣಾಂತಿಕ ವೈರಸ್ ವಿರುದ್ಧ ಹೋರಾಡುವ ಉದ್ದೇಶದಿಂದ ಐಐಟಿ ಪಾಟ್ನಾದ ಇನ್‌ಕ್ಯುಬೇಶನ್ ಸೆಂಟರ್‌ನಲ್ಲಿ ಯಂತ್ರವನ್ನು ಅಭಿವೃದ್ಧಿಪಡಿಸಲಾಗಿದೆ.
ಈ ಯಂತ್ರವು ಜನರ ಜೀವ ಉಳಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ ಮತ್ತು ಇದನ್ನು ಪಾಟ್ನಾದ ಆಲ್ ಇಂಡಿಯಾ ಇನ್‌ಸ್ಟಿಟ್ಯೂಟ್ ಆಫ್ ಮೆಡಿಕಲ್ ಸೈನ್ಸ್ (ಎಐಐಎಂಎಸ್) ನಲ್ಲಿ ಪ್ರಯೋಗಕ್ಕೆ ಇಡಲಾಗಿದೆ.
ಈ ಯಂತ್ರವನ್ನು ಅಭಿವೃದ್ಧಿಪಡಿಸಿರುವ ತಂಡದ ಸದಸ್ಯರಲ್ಲಿ ಒಬ್ಬರು ಮತ್ತು ಐಐಟಿ ಪಾಟ್ನಾದ ಇನ್ಕ್ಯುಬೇಟರ್ ವರುಣ್ ಕುಮಾರ್ ಶಾಹಿ. ಈ ಬಗ್ಗೆ ಮಾತನಾಡಿದ ಅವರು, ಹೆಚ್ಚಿನ ಚಿಂತನೆ ಮತ್ತು ಸಂಶೋಧನೆಯ ನಂತರ ಇದನ್ನು ತಯಾರಿಸಿರುವುದರಿಂದ ಮಾನವ ದೇಹದ ಮೇಲೆ ಯಾವುದೇ ಅಡ್ಡ ಪರಿಣಾಮ ಬೀರುವುದಿಲ್ಲ ಎಂದು ಹೇಳಿದ್ದಾರೆ.
ನಾವು ಈ ಯಂತ್ರವನ್ನು ₹1.5 ಲಕ್ಷದಿಂದ ₹3.5 ಲಕ್ಷದವರೆಗೆ ಮೂರು ಮಾದರಿಗಳಲ್ಲಿ ಅಭಿವೃದ್ಧಿಪಡಿಸಿದ್ದೇವೆ. ಯಂತ್ರದ ಜೀವಿತಾವಧಿಯು ಕನಿಷ್ಠ ಹತ್ತು ವರ್ಷಗಳು ಮತ್ತು ಪ್ರತಿ ಮೂರು ತಿಂಗಳಿಗೊಮ್ಮೆ ಸೇವೆಯ ಅಗತ್ಯವಿರುತ್ತದೆ ಎಂದು ತಿಳಿಸಿದ್ದಾರೆ.
ಓದಿ: Xena 5.0: ವಿಪತ್ತು, ರಕ್ಷಣೆ ಜತೆ ಕೃಷಿ ವಲಯಕ್ಕೆ ವರದಾನ ಈ ರೋಬೋಟ್
