ಸರಣ್(ಬಿಹಾರ) : ವಿವಾಹ ಮಹೋತ್ಸವ ಸ್ವರ್ಗದಲ್ಲೇ ನಿಶ್ಚಯವಾಗಲಿದೆ ಅನ್ನೋದು ನಂಬಿಕೆ. ಆದ್ರೆ, ಇಲ್ಲೊಂದು ಜೋಡಿ ವಿವಾಹ ಮಾತ್ರ ಪತಿಯ ಸಮ್ಮುಖದಲ್ಲೇ ನಡೆದಿದೆ.
ಪತ್ನಿಯನ್ನ ಆಕೆಯ ಪ್ರಿಯಕರನ ಜೊತೆ ಪತಿಯೇ ವಿವಾಹ ಮಾಡಿಸಿರುವ ಪ್ರಸಂಗ ನಡೆದಿದೆ. ಬಿಹಾರದ ಸರಣ್ ಜಿಲ್ಲೆಯ ಛಾಪ್ರಾ ಗ್ರಾಮದಲ್ಲಿ ಈ ಪ್ರಸಂಗ ನಡೆದಿದೆ.ಈ ಜೋಡಿಯ ವಿವಾಹದ ವಿಡಿಯೋ ಈಗ ವೈರಲ್ ಆಗುತ್ತಿದೆ. ವಿವಾಹವಾಗಿ ಒಂದು ಮಗು ಪಡೆದಿದ್ದ ಜೋಡಿಯು ಈಗ ಬೇರೆಯಾಗುವ ನಿರ್ಧಾರ ಮಾಡಿದ್ದಾರೆ.
ವಿವಾಹವಾದ 6 ತಿಂಗಳಿನಿಂದ ಪತ್ನಿ ಬೇರೆ ಯುವಕನ್ನು ಪ್ರೀತಿಸುತ್ತಿದ್ದಳು. ಆತನು ಸಹ ವಿವಾಹವಾಗಿರುವುದು ತಿಳಿದಿದ್ದರೂ ಗೃಹಿಣಿಯ ಹಿಂದೆ ಬಿದ್ದಿದ್ದ. ಇದನ್ನು ಕಂಡ ಪತಿ ಅವರಿಬ್ಬರಿಗೂ ವಿವಾಹ ಮಾಡಿಸಿದ್ದಾನೆ.
ವಿಶೇಷವೆಂದರೆ ಈ ವಿವಾಹಕ್ಕೆ ಇಬ್ಬರ ಕಡೆಯಿಂದಲೂ ಸಮ್ಮತಿ ಇದ್ದು, ಸಂತೋಷದಿಂದಲೇ ಆತನ ಕೈಹಿಡಿಯುತ್ತಿರುವುದಾಗಿ ಪತ್ನಿ ಹೇಳಿದ್ದಾಳೆ. ಆದರೆ, ಪತಿ ವಿರುದ್ಧ ಕಿರುಕುಳ ಆರೋಪ ಮಾಡಿರುವ ಪತ್ನಿ, ನನಗೆ ನಿತ್ಯ ಕಿರುಕುಳ ನೀಡುತ್ತಿದ್ದ.
ಹೀಗಾಗಿ, ಬೇರೆಯಾಗುತ್ತಿದ್ದೇನೆ ಎಂದಿದ್ದಾಳೆ. ಈ ನಡುವೆ ಮಗುವನ್ನು ತಾನೇ ನೋಡಿಕೊಳ್ಳುವುದಾಗಿ ಪತಿ ಹೇಳಿದ್ದು, ನಾನು ಸಹ ಬೇರೊಂದು ಮಹಿಳೆಯ ಕೈಹಿಡಿಯುವುದಾಗಿಯೂ ಹೇಳಿದ್ದಾನೆ.
