Watch... ಬೋರ್​ವೆಲ್​ನಿಂದ ಭಾರಿ ಪ್ರಮಾಣದ ಬೆಂಕಿ..

ಬೋರ್​ವೆಲ್​ನಿಂದ ಭಾರಿ ಪ್ರಮಾಣದ ಬೆಂಕಿ ಕಾಣಿಸಿಕೊಂಡ ಘಟನೆ ಆಂಧ್ರಪ್ರದೇಶದ ಕೋಣಸೀಮ ಜಿಲ್ಲೆಯಲ್ಲಿ ನಡೆದಿದೆ.

ವಿಜಯವಾಡ, ಆಂಧ್ರಪ್ರದೇಶ: ಡಾ. ಬಿ.ಆರ್. ಅಂಬೇಡ್ಕರ್ ಕೋಣಸೀಮ ಜಿಲ್ಲೆಯ ಶಿವಕೋಡು ಎಂಬಲ್ಲಿ ಬೋರ್‌ವೆಲ್‌ನಿಂದ ಬೆಂಕಿ ಕಾಣಿಸಿಕೊಂಡಿದ್ದು, ಅಧಿಕಾರಿಗಳು ಮತ್ತು ಅಗ್ನಿಶಾಮಕ ಸಿಬ್ಬಂದಿ ಅದನ್ನು ನಿಯಂತ್ರಣಕ್ಕೆ ತಂದಿದ್ದಾರೆ. ಆದರೆ, ಈ ಬೆಂಕಿ ಕಾಣಿಸಿಕೊಳ್ಳಲು ಗ್ಯಾಸ್ ಪೈಪ್‌ಲೈನ್ ಸೋರಿಕೆ ಕಾರಣವಲ್ಲ. ಅಲ್ಲಿ ನಿಜವಾದ ಪೈಪ್‌ಲೈನ್ ಇಲ್ಲವೇ ಇಲ್ಲ ಎಂದು ಆಯಿಲ್ ಅಂಡ್​​​​ ನ್ಯಾಚುರಲ್‌ ಗ್ಯಾಸ್ ಕಾರ್ಪೊರೇಷನ್‌(ಒಎನ್‌ಜಿಸಿ) ಮಾಹಿತಿ ನೀಡಿದೆ. ಭೂಮಿಯ ಪದರಗಳಲ್ಲಿ ಅನಿಲ ಮತ್ತು ನೀರಿನಿಂದ ಈ ಬೆಂಕಿ ಕಾಣಿಸಿಕೊಂಡಿರಬಹುದು. ಗುಂಡಿಯನ್ನು ಆಳವಾಗಿ ಅಗೆದಿದ್ದರಿಂದ ಈ ಪ್ರಮಾಣದಲ್ಲಿ ಬೆಂಕಿ ಹೊತ್ತಿಕೊಂಡಿದೆ ಎಂದು ಅಂದಾಜು ಮಾಡಿರುವ ಸಿಬ್ಬಂದಿ, ಸದ್ಯ ಬೆಂಕಿಯನ್ನು ನಿಯಂತ್ರಣಕ್ಕೆ ತಂದಿದ್ದಾರೆ.

• Andhra Pradesh | Fire erupts from an underground gas pipeline in Sivakodu, Dr. BR Ambedkar Konaseema district; no casualties reported in the incident till now. pic.twitter.com/xfRhl99Xx4

  — ANI (@ANI) July 15, 2023 " class="align-text-top noRightClick twitterSection" data="

  Andhra Pradesh | Fire erupts from an underground gas pipeline in Sivakodu, Dr. BR Ambedkar Konaseema district; no casualties reported in the incident till now. pic.twitter.com/xfRhl99Xx4

  — ANI (@ANI) July 15, 2023

  ">

  Andhra Pradesh | Fire erupts from an underground gas pipeline in Sivakodu, Dr. BR Ambedkar Konaseema district; no casualties reported in the incident till now. pic.twitter.com/xfRhl99Xx4

  — ANI (@ANI) July 15, 2023

ಆದರೆ, ಭೂಮಿಯ ಆಳದಲ್ಲಿ ಹಾದು ಹೋಗಿರುವ ಗ್ಯಾಸ್ ಪೈಪ್‌ಲೈನ್‌ ಸೋರಿಕೆಯಿಂದ ಈ ಬೆಂಕಿ ಕಾಣಿಸಿಕೊಂಡಿದೆ ಎಂದು ಸ್ಥಳೀಯರು ಶನಿವಾರ ಬೆಳಗ್ಗೆ ಆತಂಕ ವ್ಯಕ್ತಪಡಿಸಿದ್ದರು. ಈ ಸುದ್ದಿ ತಿಳಿದು ಸ್ಥಳಕ್ಕೆ ಬಂದ ಆಯಿಲ್ ಅಂಡ್​​ ನ್ಯಾಚುರಲ್‌ ಗ್ಯಾಸ್ ಕಾರ್ಪೊರೇಷನ್‌(ಒಎನ್‌ಜಿಸಿ) ಹಾಗೂ ಅಗ್ನಿಶಾಮಕ ಸಿಬ್ಬಂದಿ ಆ ಬೆಂಕಿ ನಂದಿಯನ್ನು ನಂದಿಸಿದ್ದಾರೆ. ಆದರೆ, ಇದು ಗ್ಯಾಸ್ ಪೈಪ್‌ಲೈನ್ ಸೋರಿಕೆಯಿಂದ ಆದ ಪ್ರಮಾದವಲ್ಲ. ಕಾರಣ ಇಲ್ಲಿ ಯಾವುದೇ ಗ್ಯಾಸ್​ ಪೈಪ್​ಲೈನ್​ ಹೋಗಿಲ್ಲ. ಬೋರ್‌ವೆಲ್‌ನಿಂದಲೇ ಹೊರಬರುತ್ತಿರುವ ಗ್ಯಾಸ್​ ಆಗಿದೆ ಎಂದು ತಿಳಿಸಿದ್ದಾರೆ.

ರೈತರೊಬ್ಬರು ಶುಕ್ರವಾರ ತಮ್ಮ ಜಮೀನಿನಲ್ಲಿ ಕೊಳವೆ ಬಾವಿ ಕೊರೆಸಿದ್ದು ಅದೇ ಜಾಗದಲ್ಲಿ ಒಎನ್‌ಜಿಸಿ ಪೈಪ್​ಲೈನ್ ಹಾದು ಹೋಗಿದೆ. ಕೊಳವೆ ಬಾವಿ ಕೊರೆಸುವಾಗ ಗ್ಯಾಸ್ ಪೈಪ್ ಲೈನ್ ಸೋರಿಕೆಯಾಗಿದೆ ಎಂದು ಸ್ಥಳೀಯರು ಆತಂಕ ವ್ಯಕ್ತಪಡಿಸಿದ್ದರು. ಈ ಅಚ್ಚರಿಯನ್ನು ಸಂಬಂಧಿಸಿದ ಸಿಬ್ಬಂದಿಗೆ ತಲುಪಿಸಿದ್ದರು. ಆದರೆ, ಇದನ್ನು ಅಲ್ಲಗಳೆದಿರುವ ಸಿಬ್ಬಂದಿ, ಹಲವು ಗಂಟೆಗಳ ಪ್ರಯತ್ನದ ಬಳಿಕ ಭೂಮಿಯಿಂದ 20 ಅಡಿ ಎತ್ತರಕ್ಕೆ ಚಿಮ್ಮಿ ಬರುತ್ತಿದ್ದ ಬೆಂಕಿಯನ್ನು ನಿಯಂತ್ರಣಕ್ಕೆ ತಂದಿದ್ದಾರೆ. ಇದರಿಂದ ಸ್ಥಳೀಯರು ಕೂಡ ನಿಟ್ಟುಸಿರು ಬಿಟ್ಟಿದ್ದಾರೆ.

ಇದನ್ನೂ ಓದಿ: Lightning Strikes: ಸಿಡಿಲಿಗೆ 24 ಮಂದಿ ಬಲಿ, ಹಲವರಿಗೆ ಗಾಯ.. ಬಿಹಾರಕ್ಕೆ ಇಂದು ಕೂಡ ಭಾರಿ ಗುಡುಗು ಸಿಡಿಲಿನ ಮಳೆಯ ಎಚ್ಚರಿಕೆ

ಇತ್ತೀಚೆಗೆ ಕರ್ನಾಟಕದ ಹುಬ್ಬಳ್ಳಿಯ ಕುಸುಗಲ್ ರಸ್ತೆ ಮಧುರಾ ಕಾಲೋನಿ ಹಿಂಬದಿಯಲ್ಲಿ ಸಿಎನ್​ಜಿ ಗ್ಯಾಸ್ ಪೈಪ್​ ಲೈನ್​ನಲ್ಲಿ ಸೋರಿಕೆ ಉಂಟಾಗಿ ಬೆಂಕಿ ಹೊತ್ತಿಕೊಂಡ ಘಟನೆ ನಡೆದಿತ್ತು. ವಿಟ್ಟು ಬಾಯಿ ಕಲ್ಯಾಣ ಮಂಟಪ ಪಕ್ಕದ ಫುಟ್ ಪಾತ್ ಹತ್ತಿರ ನೆಲದಡಿ ಇರುವ ಗ್ಯಾಸ್ ಪೈಪ್​ ಲೈನ್​ನಲ್ಲಿ ಇದ್ದಕ್ಕಿದ್ದಂತೆ ಸೋರಿಕೆ ಉಂಟಾಗಿತ್ತು. ಸೋರುತ್ತಿದ್ದ ಗ್ಯಾಸ್‌ಗೆ ಅಚಾನಕ್‌ ಆಗಿ ಬೆಂಕಿ ಹೊತ್ತಿಕೊಂಡಿತ್ತು.

ಇದನ್ನು ಗಮನಿಸಿದ ಅಕ್ಕ - ಪಕ್ಕದವರು ಪೊಲೀಸ್ ಮತ್ತು ಅಗ್ನಿಶಾಮಕ ದಳದವರಿಗೆ ಮಾಹಿತಿ ನೀಡಿದ್ದರು. ಸುದ್ದಿ ತಿಳಿದು ಸ್ಥಳಕ್ಕೆ ಬಂದ ಸಿಬ್ಬಂದಿ ಮುಂದಾಗುವ ದೊಡ್ಡ ಅನಾಹುತವೊಂದನ್ನು ತಪ್ಪಿಸಿದ್ದರು. ಒಂದು ಪಕ್ಕದಲ್ಲಿಯೇ ಕಲ್ಯಾಣ ಮಂಟಪ, ಮತ್ತೊಂದು ಪಕ್ಕದಲ್ಲಿ ಅಪಾರ್ಟ್​​​ಮೆಂಟ್ ಇದ್ದು ಅಗ್ನಿಶಾಮಕ ದಳದವರು ಸಕಾಲಕ್ಕೆ ಆಗಮಿಸಿ ಬೆಂಕಿ ನಂದಿಸಿದ್ದರು. ಇವರ ಸಕಾಲ ಕಾರ್ಯಕ್ಕೆ ಸ್ಥಳೀಯರು ಮೆಚ್ಚುಗೆ ವ್ಯಕ್ತಪಡಿಸಿದ್ದರು.

ಇದನ್ನೂ ಓದಿ: ಬೆಂಗಳೂರು: ಹಸೆಮಣೆ ಏರಬೇಕಿದ್ದ ಜೋಡಿ... ಗ್ಯಾಸ್ ಗೀಸರ್ ಸೋರಿಕೆಯಾಗಿ ಬಾತ್ ರೂಂನಲ್ಲೇ ಸಾವು!