ಮೇಷ: ಈ ವಾರದಲ್ಲಿ ನಿಮ್ಮ ಖರ್ಚುವೆಚ್ಚಗಳಲ್ಲಿ ಹೆಚ್ಚಳ ಉಂಟಾಗಲಿದೆ. ನಿಮ್ಮ ವೆಚ್ಚಗಳು ನಿಮ್ಮ ಹಣಕಾಸಿನ ಮಿತಿಯನ್ನು ಮೀರಿ ನಿಮಗೆ ಹೊರೆಯಾಗದಂತೆ ಹಾಗೂ ಸಮಸ್ಯೆಯನ್ನುಂಟು ಮಾಡದಂತೆ ನೀವು ನೋಡಿಕೊಳ್ಳಬೇಕು. ಹಣವನ್ನು ಉಳಿಸುವುದಕ್ಕಾಗಿ ನಿಮ್ಮ ನಿರ್ದಿಷ್ಟ ಅಗತ್ಯತೆಗಳಿಗೆ ಗಮನ ನೀಡಿ. ಉದ್ಯೋಗದ ವಿಚಾರದಲ್ಲಿ ಹೇಳುವುದಾದರೆ ನೀವು ಉತ್ತಮ ಫಲಿತಾಂಶ ಪಡೆಯಲಿದ್ದೀರಿ. ಆದರೆ ನೀವು ಕಠಿಣ ಶ್ರಮವನ್ನು ಪಡಬೇಕು. ನೀವು ವ್ಯವಹಾರದಲ್ಲಿ ತೊಡಗಿಸಿಕೊಂಡಿದ್ದರೆ ವಿದೇಶೀಯರು ಅಥವಾ ಬಹುರಾಷ್ಟ್ರೀಯ ಸಂಸ್ಥೆಗೆ ಕೆಲಸ ಮಾಡಿದರೆ ನಿಮಗೆ ಲಾಭದಾಯಕ ಎನಿಸಲಿದೆ. ಹೆಚ್ಚುವರಿ ಪುರಸ್ಕಾರಗಳನ್ನು ಪಡೆಯುವ ಸಾಧ್ಯತೆ ಇದೆ. ಈ ಸಂದರ್ಭದಲ್ಲಿ ನೀವು ಸಾರ್ವಜನಿಕ ವಲಯದಿಂದ ವಿಶೇಷ ಪ್ರಯೋಜನಗಳನ್ನು ಗಳಿಸುವ ಸಾಧ್ಯತೆ ಇದೆ. ನೀವು ಹಳೆಯ ಸಾಲವನ್ನು ತೆಗೆದುಕೊಂಡಿದ್ದರೆ ಅದರ ಮರುಪಾವತಿಯಲ್ಲಿ ನೀವು ಯಶಸ್ಸನ್ನು ಗಳಿಸಲಿದ್ದೀರಿ. ಕುಟುಂಬದಲ್ಲಿ ಸ್ವಲ್ಪ ಒತ್ತಡ ಹೆಚ್ಚಲಿದೆ. ವೈವಾಹಿಕ ಬದುಕಿನಲ್ಲಿ ಪರಿಸ್ಥಿತಿಯು ಚೆನ್ನಾಗಿದೆ. ನಿಮ್ಮ ಜೀವನ ಸಂಗಾತಿಯ ನೆರವು ನಿಮಗೆ ಲಭಿಸಲಿದ್ದು ಏನಾದರೂ ಹೊಸತನ್ನು ಮಾಡಲು ಅವರು ನಿಮಗೆ ಉತ್ತೇಜಿಸಲಿದ್ದಾರೆ.
ವೃಷಭ: ಈ ವಾರದಲ್ಲಿ ನಿಮ್ಮ ಆದಾಯದಲ್ಲಿ ಪ್ರಗತಿ ಉಂಟಾಗಲಿದೆ. ಕೆಲ ಹೊಸ ಯೋಜನೆಗಳಿಗಾಗಿ ನೀವು ಕೆಲಸ ಮಾಡಲಿದ್ದು ಇದು ನಿಮಗೆ ಲಾಭವನ್ನು ತಂದು ಕೊಡಲಿದೆ. ಖರ್ಚುವೆಚ್ಚಗಳು ಹಾಗೆಯೇ ಉಳಿಯಲಿದ್ದು ಇದು ನಿಮ್ಮ ಚಿಂತೆಗೆ ಕಾರಣವೆನಿಸಬಹುದು. ವಾರದ ನಡುವೆ ನಿಮ್ಮ ಮೊಗದಲ್ಲಿ ಚಿಂತೆ ಕಾಣಿಸಿಕೊಳ್ಳಬಹುದು. ಆದರೆ ಇದರಿಂದ ನೀವು ಹೊರಬರಬೇಕು. ಏಕೆಂದರೆ ಇದು ನಿಮ್ಮ ಕೆಲಸದ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರಬಹುದು. ನಿಮ್ಮ ಕೆಲಸದ ಮೇಲೆ ಗಮನ ನೀಡಿ. ವ್ಯವಹಾರ ನಡೆಸಲು ಈ ಸಮಯ ಅನುಕೂಲಕರ. ನಿಮ್ಮ ಪ್ರಯತ್ನಗಳನ್ನು ಹೆಚ್ಚಿಸಿ. ವೈವಾಹಿಕ ಬದುಕಿನ ಒತ್ತಡದ ನಡುವೆಯೂ ಪ್ರೇಮವು ನೆಲೆಸಲಿದ್ದು ಪರಸ್ಪರ ಅರಿತುಕೊಳ್ಳಲು ಯತ್ನಿಸಲಿದ್ದೀರಿ. ಇದರಿಂದಾಗಿ ಸಂಬಂಧ ಇನ್ನಷ್ಟು ಗಟ್ಟಿಗೊಳ್ಳಲಿದೆ. ಪ್ರೇಮ ಜೀವನದಲ್ಲಿ ಏರುಪೇರು ಕಾಣಿಸಿಕೊಳ್ಳಬಹುದು. ನಿಮ್ಮ ಕುಟುಂಬದ ಸದಸ್ಯರಿಂದ ನೀವು ವಿರೋಧ ಎದುರಿಸಬಹುದು. ನಿಮ್ಮ ಗೆಳೆಯರು ನಿಮಗೆ ಸಹಾಯ ಮಾಡಲಿದ್ದಾರೆ. ವಾರದ ಆರಂಭಿಕ ಭಾಗವು ಪ್ರವಾಸಕ್ಕೆ ಹೋಗಲು ಅತ್ಯುತ್ತಮ. ವಾರದ ನಡುವೆ ನಿಮ್ಮ ಆರೋಗ್ಯಕ್ಕೆ ಹೆಚ್ಚಿನ ಗಮನ ನೀಡಿ.
ಮಿಥುನ: ಈ ವಾರ ನಿಮಗೆ ಅತ್ಯುತ್ತಮ ಫಲ ದೊರೆಯಲಿದೆ. ನಿಮ್ಮಲ್ಲಿ ಸಾಕಷ್ಟು ಉತ್ಸಾಹ ಕಾಣಿಸಿಕೊಳ್ಳಲಿದ್ದು ಪ್ರತಿ ಕೆಲಸವನ್ನು ವೇಗವಾಗಿ ಪೂರ್ಣಗೊಳಿಸಲಿದ್ದೀರಿ. ನಿಮ್ಮ ಆರೋಗ್ಯದಲ್ಲಿ ಒಂದಷ್ಟು ಸುಧಾರಣೆ ಉಂಟಾಗಬಹುದು. ಅದೃಷ್ಟವು ನೆಲೆಸಲಿದ್ದು, ನಿಮ್ಮ ಕೆಲಸವು ಪೂರ್ಣಗೊಳ್ಳಲಿದೆ. ಉದ್ಯೋಗವಾಗಿರಲಿ ಅಥವಾ ವ್ಯವಹಾರವಾಗಿರಲಿ, ನೀವು ಉತ್ತುಂಗಕ್ಕೆ ಏರಲಿದ್ದು ಉತ್ತಮ ಸ್ಥಿತಿಯನ್ನು ತಲುಪಲಿದ್ದೀರಿ. ಆರ್ಥಿಕವಾಗಿ ನೀವು ಬಲ ಗಳಿಸಲಿದ್ದೀರಿ. ನಿಮ್ಮ ಖರ್ಚುವೆಚ್ಚಗಳು ನಗಣ್ಯ ಮಟ್ಟಕ್ಕೆ ಇಳಿಯಲಿದ್ದು ಇದು ನಿಮಗೆ ಸಾಕಷ್ಟು ಸಂತಸವನ್ನು ನೀಡಲಿದೆ. ಸಣ್ಣ ಮಟ್ಟಿನ ಪ್ರವಾಸಕ್ಕೆ ಹೋಗುವ ಅವಕಾಶ ದೊರೆಯಬಹುದು. ನೀವು ನಿಮ್ಮ ಕುಟುಂಬದ ಸದಸ್ಯರ ಸಹಕಾರ ಪಡೆಯಲಿದ್ದೀರಿ. ವೈವಾಹಿಕ ಬದುಕಿನಲ್ಲಿ ಸಂತಸ ನೆಲೆಸಲಿದೆ. ಪ್ರೇಮದ ಜೀವನದಲ್ಲಿ ಏರುಪೇರು ಕಾಣಿಸಿಕೊಳ್ಳಲಿದೆ. ನೀವು ಅಧ್ಯಯನದಲ್ಲಿ ತೊಡಗಿಸಿಕೊಂಡಿದ್ದರೆ, ಉನ್ನತ ಶಿಕ್ಷಣ ಪಡೆಯುತ್ತಿರುವ ವಿದ್ಯಾರ್ಥಿಗಳು ತಮ್ಮ ಅಧ್ಯಯನದಲ್ಲಿ ನಿರಂತರತೆ ಕಾಪಾಡಿಕೊಳ್ಳಲು ಯತ್ನಿಸಲಿದ್ದಾರೆ. ವಾರದ ಮೊದಲ ಮೂರು ದಿನಗಳು ಪ್ರಯಾಣಿಸಲು ಅತ್ಯುತ್ತಮ.
ಕರ್ಕಾಟಕ: ಈ ವಾರ ನಿಮಗೆ ಉತ್ತಮ ಫಲ ದೊರೆಯಲಿದೆ. ನೀವು ದೀರ್ಘ ಪ್ರಯಾಣಕ್ಕೆ ಹೋಗಲು ಯೋಜನೆ ರೂಪಿಸಬಹುದು. ಇದು ನಿಮಗೆ ಶಾಂತಿ ಮತ್ತು ತಾಜಾತನವನ್ನು ನೀಡಲಿದೆ. ಉದ್ಯೋಗಿದಲ್ಲಿರುವವರು ತಮ್ಮ ಕೆಲಸಕ್ಕೆ ಸಂಬಂಧಿಸಿದಂತೆ ತಮ್ಮ ಕುಟುಂಬದ ಸದಸ್ಯರ ನೆರವನ್ನು ತೆಗೆದುಕೊಳ್ಳಬೇಖು. ವ್ಯವಹಾರದಲ್ಲಿರುವವರು ತಮ್ಮ ವ್ಯವಹಾರದ ಕೆಲವು ವಿಚಾರಗಳ ಕುರಿತು ಕಾಳಜಿ ವಹಿಸಬೇಕು. ನಿಮ್ಮ ಕುಟುಂಬದ ಸದಸ್ಯರ ಅಗತ್ಯತೆಗಾಗಿ ಹಣ ಖರ್ಚಾಗಬಹುದು. ಹೀಗಾಗಿ ಯಾವುದೇ ಸಮಸ್ಯೆ ಎದುರಿಸದಂತೆ ಎಚ್ಚರಿಕೆಯಿಂದ ಕೆಲಸ ಮಾಡಿ. ಕುಟುಂಬದಲ್ಲಿ ಒಂದಷ್ಟು ಭಿನ್ನಾಭಿಪ್ರಾಯ ಉಂಟಾಗಬಹುದು. ಎಲ್ಲರನ್ನೂ ನಿಮ್ಮ ನಿಯಂತ್ರಣಕ್ಕೆ ಒಳಪಡಿಸುವ ಇಚ್ಛೆ ನಿಮ್ಮಲ್ಲಿ ಕಾಣಿಸಿಕೊಳ್ಳಬಹುದು. ವೈವಾಹಿಕ ಬದುಕಿನ ವಿಚಾರದಲ್ಲಿ ಈ ವಾರವು ಅಷ್ಟೊಂದು ಒಳ್ಳೆಯದಲ್ಲ. ಇದು ಕೌಟುಂಬಿಕ ಬದುಕಿನಲ್ಲಿ ಒತ್ತಡವನ್ನು ಹೆಚ್ಚಿಸಲಿದೆ. ಹೀಗಾಗಿ ಈ ವರ್ತನೆಯನ್ನು ತೋರಬೇಡಿ.
ಸಿಂಹ: ಈ ವಾರದಲ್ಲಿ ನೀವು ಹೊಸ ಉತ್ಸಾಹವನ್ನು ಬೆಳೆಸಿಕೊಳ್ಳಲಿದ್ದೀರಿ. ಉತ್ತಮ ಅದೃಷ್ಟ ಮತ್ತು ಕಠಿಣ ಶ್ರಮ ನಿಮ್ಮೊಂದಿಗೆ ಇದೆ. ನೀವು ತೀರ್ಥಯಾತ್ರೆಗೆ ಹೋಗಬಹುದು. ಕುಟುಂಬವು ಜೊತೆಗಿದ್ದರೆ ಮನಸ್ಸಿಗೆ ನೆಮ್ಮದಿ ದೊರೆಯಬಹುದು. ಹೀಗಾಗಿ ಅವರನ್ನೂ ಕರೆದುಕೊಂಡು ಹೋಗಿ. ನೀವು ಹೊರಗೆ ಹೋಗಿ ಆನಂದಿಸಲಿದ್ದೀರಿ ಹಾಗೂ ಶಾಂತತೆಯನ್ನು ಪಡೆಯಲಿದ್ದೀರಿ. ಆಗ ಮಾತ್ರವೇ ನಿಮ್ಮ ಕೆಲಸದಲ್ಲಿ ನಿರೀಕ್ಷಿತ ಫಲಿತಾಂಶ ದೊರೆಯಲಿದೆ. ಉದ್ಯೋಗದಲ್ಲಿರುವವರು ಒಂದಷ್ಟು ಓಡಾಟವನ್ನು ನಡೆಸಬೇಕಾದೀತು. ವ್ಯವಹಾರದಲ್ಲಿ ತೊಡಗಿಸಿಕೊಂಡಿರುವವರು ಎಲ್ಲಾ ಆಯ್ಕೆಗಳನ್ನು ಎಚ್ಚರಿಕೆಯಿಂದ ಪರಿಗಣಿಸಿ ಪರಿಸ್ಥಿತಿಯನ್ನು ಅರ್ಥ ಮಾಡಿಕೊಳ್ಳಬೇಕು. ಈ ವಾರದಲ್ಲಿ ಯಾವುದೇ ದೊಡ್ಡ ಹೂಡಿಕೆಯನ್ನು ಮಾಡಬೇಡಿ. ಸರಿಯಾಗಿ ವಿಶ್ಲೇಷಿಸಿದ ನಂತರವೇ ಮುಂದೆ ಹೋಗಿ. ಖರ್ಚಿನಲ್ಲಿ ವೃದ್ಧಿ ಉಂಟಾಗಲಿದೆ. ಆದಾಯವು ಸಾಧಾರಣ ಪ್ರಮಾಣದಲ್ಲಿ ಇರಲಿದೆ. ಇಬ್ಬರೂ ಪರಸ್ಪರ ಅರಿತುಕೊಳ್ಳುವ ಮನೋಭಾವವನ್ನು ಹೊಂದಿದ್ದರೆ ವೈವಾಹಿಕ ಜೀವನವು ಸಾಂಗವಾಗಿ ಮುಂದುವರಿಯುತ್ತದೆ. ನಿಮ್ಮ ಪ್ರೇಮ ಜೀವನದಲ್ಲಿ ಪರಿಸ್ಥಿತಿಯು ನಿಯಂತ್ರಣದಲ್ಲಿರುತ್ತದೆ. ನೀವಿಬ್ಬರೂ ಪರಸ್ಪರರ ಸಾಂಗತ್ಯವನ್ನು ಆನಂದಿಸಲಿದ್ದೀರಿ.
ಕನ್ಯಾ: ಆರೋಗ್ಯಕ್ಕಿಂತ ದೊಡ್ಡ ಸಂಪತ್ತು ಬೇರೆ ಯಾವುದೂ ಇಲ್ಲ. ಹೀಗಾಗಿ ಪ್ರತಿ ದಿನವೂ ಒಂದಷ್ಟು ಸಮಯವನ್ನು ನಿಮ್ಮ ಆರೋಗ್ಯಕ್ಕೆ ಮೀಸಲಿಡುವುದು ಅಗತ್ಯ. ಸ್ವಲ್ಪ ಜಾಗಿಂಗ್‌ ಮತ್ತು ಜಿಮ್‌ ಗೆ ನೀವು ಗಮನ ನೀಡಿದರೆ 70% ರಷ್ಟು ಆರೋಗ್ಯ ಸಮಸ್ಯೆಗಳು ದೂರವಾಗುತ್ತವೆ. ಈ ವಾರದಲ್ಲಿ ನಿಮಗೆ ವಿಪರೀತ ಖರ್ಚು ಉಂಟಾಗಬಹುದು. ನಿಮ್ಮ ಸಂಬಳವು ನಿಮ್ಮನ್ನು ಆಧರಿಸುವ ಕಾರಣ ನೀವು ಹೆಚ್ಚು ಚಿಂತಿಸುವ ಅಗತ್ಯವಿಲ್ಲ. ಆದರೆ ಭವಿಷ್ಯದಲ್ಲಿ ಸಮಸ್ಯೆ ಉಂಟಾಗದಿರಲು ಸ್ವಲ್ಪ ಹಣವನ್ನು ನೀವು ಹೂಡಿಕೆ ಮಾಡುವುದು ಒಳ್ಳೆಯದು. ನೀವು ಉದ್ಯೋಗದಲ್ಲಿದ್ದರೆ ಈ ವಾರದಲ್ಲಿ ನೀವು ಸಾಕಷ್ಟು ಶ್ರಮ ಪಡಬೇಕು. ಅಲ್ಲದೆ ನೀವು ಸಾಕಷ್ಟು ಪ್ರಯಾಣಿಸಬೇಕಾದೀತು. ನಿಮ್ಮ ಆರೋಗ್ಯವನ್ನು ಅಪಾಯದಲ್ಲಿ ಹಾಕಬೇಡಿ. ಆದರೆ ವಿಪರೀತ ಕೆಲಸ ಮಾಡಿದರೆ ನೀವು ಕಾಯಿಲೆಗೆ ತುತ್ತಾಗಬಹುದು. ವ್ಯಾಪಾರೋದ್ಯಮಿಗಳು ತಮ್ಮ ಹೊಸ ಯೋಜನೆಗಳ ಕುರಿತು ಹಳೆಯ ಮಿತ್ರರ ಸಹಯೋಗ ಪಡೆಯಬಹುದು. ನೀವು ವಿವಾಹಿತರಾಗಿದ್ದರೆ ಜೀವನ ಸಂಗಾತಿಯ ಜೊತೆಗಿನ ನಿಮ್ಮ ಸಂಬಂಧದಲ್ಲಿ ಸುಧಾರಣೆ ಉಂಟಾಗಲಿದ್ದು, ಕೌಟುಂಬಿಕ ಒತ್ತಡವು ಕಡಿಮೆಯಾಗಲಿದೆ.
ತುಲಾ: ನಿಮಗೆ ಈ ವಾರದಲ್ಲಿ ಸಾಮಾನ್ಯ ಫಲ ದೊರೆಯಲಿದೆ. ಕೆಲವು ನಿರ್ಣಾಯಕ ಕೆಲಸಗಳಲ್ಲಿ ನಿಮ್ಮ ಗೆಳೆಯರ ನೆರವು ನಿಮಗೆ ದೊರೆಯಲಿದೆ. ವ್ಯವಹಾರದಲ್ಲಿ ನೀವು ಶಕ್ತಿಯುತ ಸ್ಥಾನವನ್ನು ಗಳಿಸಲಿದ್ದೀರಿ. ನೀವು ಕಠಿಣ ಶ್ರಮ ಪಟ್ಟರೆ ನಿಮ್ಮ ಬೆಂಬಲಿಗರು ನಿಮಗೆ ಸಾಕಷ್ಟು ಸಹಾಯ ಮಾಡಲಿದ್ದಾರೆ. ಆದರೆ ಅತ್ಯಂತ ಪ್ರಮುಖ ವಿಷಯವೆಂದರೆ, ನೀವು ಹಿರಿಯ ನಾಗರಿಕರ ಮೌಲ್ಯಯುತ ಸಲಹೆಯನ್ನು ಪಡೆಯಲಿದ್ದೀರಿ. ಇದು ನಿಮ್ಮ ಪಾಲಿಗೆ ಅನುಕೂಲಕರ ಎನಿಸಲಿದೆ. ಆರೋಗ್ಯವು ಚೆನ್ನಾಗಿರಲಿದೆ. ವಿವಾಹಿತ ವ್ಯಕ್ತಿಗಳು ತಮ್ಮ ಕೌಟುಂಬಿಕ ಬದುಕಿನಲ್ಲಿ ಬದಲಾವಣೆಯನ್ನು ಮಾಡಲಿದ್ದಾರೆ. ಮನೆಗಾಗಿ ಶಾಪಿಂಗ್‌ ಮಾಡಲಿದ್ದಾರೆ ಹಾಗೂ ಹೊಸ ವಸ್ತುಗಳನ್ನು ಖರೀದಿಸಲಿದ್ದಾರೆ. ಇದು ಸಂತಸವನ್ನು ತರಲಿದೆ. ಕೌಟುಂಬಿಕ ಬದುಕು ಎಂದಿನಂತೆ ಮುಂದುವರಿಯಲಿದೆ. ಪ್ರಣಯ ಸಂಬಂಧದಲ್ಲಿರುವರಿಗೆ ಈ ವಾರವು ಉತ್ತಮ ಫಲ ನೀಡಲಿದೆ. ಪರಿಣಾಮಕಾರಿಯಾಗಿ ಅಧ್ಯಯನ ಮಾಡಲು ವಿದ್ಯಾರ್ಥಿಗಳಿಗೆ ಮಾರ್ಗದರ್ಶಕರ ಅಗತ್ಯವಿದೆ. ಸೋಮವಾರ ಹೊರತುಪಡಿಸಿ ವಾರದ ಉಳಿದ ದಿನಗಳು ಪ್ರಯಾಣಕ್ಕೆ ಅನುಕೂಲಕರ.
ವೃಶ್ಚಿಕ: ನಿಮಗೆ ಈ ವಾರದಲ್ಲಿ ಉತ್ತಮ ಫಲ ದೊರೆಯಲಿದೆ. ಜೀವನ ಸಂಗಾತಿಯ ಜೊತೆಗಿನ ಸಂಬಂಧವು ಚೆನ್ನಾಗಿರಲಿದೆ. ಮಗುವಿನ ಜೊತೆಗಿನ ಆಪ್ತತೆಯು ಹೆಚ್ಚಲಿದೆ. ಈ ವಾರವು ಉದ್ಯೋಗದ ವಿಚಾರದಲ್ಲಿ ಅನುಕೂಲಕರವಾಗಿದ್ದು, ವಿಪರೀತವಾಗಿ ಮಾತನಾಡುವುದರಿಂದ ನಿಮಗೆ ಸಮಸ್ಯೆ ಉಂಟಾಗಬಹುದು. ಹೀಗಾಗಿ ಎಚ್ಚರಿಕೆ ವಹಿಸಿ ಹಾಗೂ ಹೆಚ್ಚು ಪ್ರಯತ್ನ ಮಾಡಿ. ನಿಮ್ಮ ಬಾಸ್‌ ಜೊತೆಗೆ ನೀವು ವಾಗ್ವಾದಕ್ಕೆ ಇಳಿಯಬಹುದು. ವ್ಯವಹಾರದಲ್ಲಿ ತೊಡಗಿಸಿಕೊಂಡಿರುವವರಿಗೆ ಕೆಲವೊಂದು ಹೊಸ ಜನರೊಂದಿಗೆ ಸಂವಾದ ನಡೆಸುವ ಅವಕಾಶ ಲಭಿಸಬಹುದು. ಇದು ಅವರು ಯೋಚನೆಯ ಮೇಲೆ ಪ್ರಭಾವ ಹಾಕಲಿದೆ. ಪ್ರಸ್ತುತ ವ್ಯವಹಾರದೊಂದಿಗೆ ಇತರ ವ್ಯವಹಾರದ ಮೇಲೆಯೂ ಗಮನ ಹರಿಸಿ ಗಳಿಕೆಯನ್ನು ವೃದ್ಧಿಸಲು ಯತ್ನಿಸಲಿದ್ದೀರಿ. ಖರ್ಚುವೆಚ್ಚಗಳು ಉಂಟಾದರೂ ಆದಾಯವು ಚೆನ್ನಾಗಿರಲಿದೆ. ವಿವಾಹಿತ ವ್ಯಕ್ತಿಗಳ ಮನೆಯಲ್ಲಿನ ಒತ್ತಡವು ಕಡಿಮೆಯಾಗಲಿದೆ. ನಿಮ್ಮ ಸಾಂಗತ್ಯದಲ್ಲಿ ಪ್ರೇಮವು ವೃದ್ಧಿಸಲಿದೆ ಹಾಗೂ ಪ್ರೇಮ ಜೀವನದಲ್ಲಿ ಸುಧಾರಣೆ ಉಂಟಾಗಲಿದೆ. ನಿಮ್ಮ ಒತ್ತಡದ ಮಟ್ಟವನ್ನು ತಗ್ಗಿಸಿ. ಇಲ್ಲದಿದ್ದರೆ ಯಾವುದೇ ಪ್ರಗತಿ ಉಂಟಾಗದು.
ಧನು: ನಿಮ್ಮ ಪಾಲಿಗೆ ಈ ವಾರವು ಅನುಕೂಲಕರವಾಗಿದೆ. ನಿಮ್ಮ ಖಾಸಗಿ ಜೀವನದಲ್ಲಿ ಸಂತೃಪ್ತಿ ಅನುಭವಿಸಲಿದ್ದೀರಿ. ನಿಮ್ಮ ಪೋಷಕರ ಜೊತೆಗಿನ ಸಂಬಂಧದಲ್ಲಿ ಆಪ್ತತೆ ಕಾಣಿಸಿಕೊಳ್ಳಲಿದೆ. ಅಲ್ಲದೆ ನೀವು ಅವರತ್ತ ಸಾಕಷ್ಟು ಅನುರಾಗವನ್ನು ತೋರಲಿದ್ದೀರಿ. ಕೌಟುಂಬಿಕ ಆಸ್ತಿಯ ವಿಚಾರ ಎದುರಾಗಬಹುದು. ನೀವು ಉದ್ಯೋಗದಲ್ಲಿ ಯಾವುದೇ ಸಮಸ್ಯೆಯಿಲ್ಲದೆ ಮುಂದುವರಿಯಲಿದ್ದೀರಿ. ಇದರಿಂದಾಗಿ ನಿಮಗೆ ತೃಪ್ತಿ ದೊರೆಯಲಿದೆ. ವ್ಯವಹಾರವು ಯಶಸ್ವಿಯಾಗಿ ಮುಂದುವರಿಯಲಿದೆ. ವ್ಯವಹಾರದಲ್ಲಿರುವವರು ತಮ್ಮ ಪ್ರಯತ್ನದಿಂದಾಗಿ ಲಾಭ ಗಳಿಸಲಿದ್ದಾರೆ. ವಿವಾಹಿತ ವ್ಯಕ್ತಿಗಳು ಕೌಟುಂಬಿಕ ಜೀವನವನ್ನು ಆನಂದಿಸಲಿದ್ದಾರೆ. ನಿಮ್ಮನ್ನು ಸಂತುಷ್ಟರಾಗಿಸಲು ನಿಮ್ಮ ಜೀವನ ಸಂಗಾತಿಯು ಎಲ್ಲಾ ಪ್ರಯತ್ನವನ್ನು ಮಾಡಲಿದ್ದಾರೆ. ನಿಮ್ಮ ಪ್ರೇಮ ಜೀವನದ ಸ್ಥಿತಿಯು ಅನುಕೂಲಕರವಾಗಿದೆ. ನಿಮ್ಮ ಸಂಗಾತಿಯ ಅಗತ್ಯತೆಯನ್ನು ಈಡೇರಿಸಲು ಹಾಗೂ ಅವರನ್ನು ಭೇಟಿಯಾಗಲು ನಿಮ್ಮೆಲ್ಲ ಪ್ರಯತ್ನವನ್ನು ನೀವು ಮಾಡಲಿದ್ದೀರಿ. ನಿಮ್ಮ ಸುತ್ತಲಿನ ಪರಿಸರದಲ್ಲಿ ಸುಧಾರಣೆ ಉಂಟಾಗಲಿದೆ. ವಾರದ ಆರಂಭದಲ್ಲಿ ಪ್ರಯಾಣಿಸುವುದು ಒಳ್ಳೆಯದು. ವಿದ್ಯಾರ್ಥಿಗಳು ತಮ್ಮ ಉನ್ನತ ಶಿಕ್ಷಣಕ್ಕೆ ಹೆಚ್ಚಿನ ಗಮನ ನೀಡಬೇಕು.
ಮಕರ: ನಿಮ್ಮ ಪಾಲಿಗೆ ಈ ವಾರವು ಅನುಕೂಲಕರವಾಗಿದೆ. ವಾರದ ಆರಂಭದಲ್ಲಿ ಪ್ರಯಾಣವನ್ನು ಪರಿಗಣಿಸಬಹುದು. ನಿಮ್ಮ ಗೆಳೆಯರು ನಿಮ್ಮ ಬೆಂಬಲಕ್ಕೆ ಬರಲಿದ್ದು ಕೆಲಸದಲ್ಲಿ ಯಶಸ್ಸನ್ನು ಸಾಧಿಸಲು ಇದು ನಿಮಗೆ ಸಹಾಯ ಮಾಡಲಿದೆ. ಅವರ ನೆರವಿನ ಮೂಲಕ ವ್ಯವಹಾರದಲ್ಲಿ ಪ್ರಮುಖ ಕಾರ್ಯವನ್ನು ನೀವು ಕೈಗೆತ್ತಿಕೊಳ್ಳಬಹುದು. ಕೆಲಸದ ಸ್ಥಳದಲ್ಲಿಯೂ ಪರಿಸ್ಥಿತಿಯು ನಿಮಗೆ ಅನುಕೂಲಕರವಾಗಿದೆ. ಆದರೆ ಅಲ್ಲಿ ಕೆಲವೊಂದು ಅಡಚಣೆಗಳು ಎದುರಾಗಬಹುದು ಹಾಗೂ ನಿಮ್ಮ ವಿರುದ್ಧ ಶಿಸ್ತು ಕ್ರಮ ಕೈಗೊಳ್ಳುವ ಸಾಧ್ಯತೆಯೂ ಇದೆ. ಹಣಕಾಸಿನ ವಿಚಾರದಲ್ಲಿ ಈ ಸಮಯವು ದುರ್ಬಲವಾಗಿದೆ. ಹಣ ಕಳೆದುಕೊಳ್ಳುವ ಸಾಧ್ಯತೆ ಇದೆ. ಅನಿರೀಕ್ಷಿತ ವೆಚ್ಚ ಉಂಟಾಗಬಹುದು. ವೈವಾಹಿಕ ಜೀವನದಲ್ಲಿ ಸಂಘರ್ಷ ಉಂಟಾಗಬಹುದು. ಇದನ್ನು ನಿವಾರಿಸಲು ಯಾರಾದರೂ ಆಪ್ತರ ಸಹಾಯ ನಿಮಗೆ ಬೇಕಾದೀತು. ಪ್ರೇಮ ಜೀವನಕ್ಕೆ ಸಮಯವು ಚೆನ್ನಾಗಿದೆ. ಪ್ರಣಯವು ನೆಲೆಸಲಿದ್ದು, ಸಂಬಂಧದಲ್ಲಿ ಪರಸ್ಪರ ಹುಡುಕಾಟ ನಡೆಸಲಿದ್ದೀರಿ. ವಾರದ ಆರಂಭಿಕ ಮತ್ತು ಮಧ್ಯದ ದಿನಗಳು ಪ್ರಯಾಣಿಸಲು ಉತ್ತಮ. ವಿದ್ಯಾರ್ಥಿಗಳ ಪಾಲಿಗೆ ಸಮಯವು ಅನುಕೂಲಕರವಾಗಿಲ್ಲ.
ಕುಂಭ: ನಿಮ್ಮ ಪಾಲಿಗೆ ಈ ವಾರವು ಅನುಕೂಲಕರವಾಗಿದೆ. ಮನೆಯಲ್ಲಿ ಕುಟುಂಬದ ಅಗತ್ಯತೆಗಳನ್ನು ಪರಿಗಣಿಸಲಾಗುತ್ತದೆ. ಕುಟುಂಬದಲ್ಲಿ ಜನರು ಬಂದು ಹೋಗಲಿದ್ದಾರೆ. ವಿವಾಹಿತ ವ್ಯಕ್ತಿಗಳು ತಮ್ಮ ಕೌಟುಂಬಿಕ ಜೀವನವನ್ನು ಆನಂದಿಸಲಿದ್ದಾರೆ ಹಾಗೂ ಪರಸ್ಪರ ಆಕರ್ಷಣೆಯನ್ನು ಅನುಭವಿಸಲಿದ್ದಾರೆ. ನಿಮ್ಮ ಸಂಬಂಧದಲ್ಲಿ ಸಾಕಷ್ಟು ಹೊಸತನ ಮತ್ತು ತಾಜಾತನ ಕಾಣಿಸಿಕೊಳ್ಳಲಿದೆ. ಯಶಸ್ವಿ ಪ್ರಣಯ ಸಂಬಂಧಕ್ಕೆ ಸಮಯವು ಅನುಕೂಲಕರವಾಗಿದೆ. ಆದರೆ ಅವರ ಮನೋಸ್ಥಿತಿಯನ್ನು ಮೊದಲಿಗೆ ಅರಿತುಕೊಳ್ಳಿರಿ. ಉದ್ಯೋಗದಲ್ಲಿರುವ ಈ ವಾರವು ಅದೃಷ್ಟಶಾಲಿಯಾಗಿದೆ. ಈ ವಾರವು ವ್ಯಾಪಾರೋದ್ಯಮಿಗಳಿಗೆ ಸಂಪೂರ್ಣ ಸಂಗತತೆಯನ್ನು ನೀಡಲಿದ್ದು ಅವರು ಯಶಸ್ಸನ್ನು ಸಾಧಿಸಲಿದ್ದಾರೆ. ಇನ್ನಷ್ಟು ಪ್ರಯತ್ನಪಟ್ಟರೆ ಯಶಸ್ಸು ದೊರೆಯಲಿದೆ. ಹೀಗೆ ಈ ವಾರದಲ್ಲಿ ವ್ಯವಹಾರದಲ್ಲಿಯೂ ಯಶಸ್ಸು ದೊರೆಯಲಿದೆ. ಹೊಸ ಜನರು ನಿಮ್ಮ ಸಂಪರ್ಕಕ್ಕೆ ಬರಲಿದ್ದಾರೆ. ಕುಟುಂಬದ ಸದಸ್ಯರನ್ನು ಭೇಟಿಯಾಗುವ ಕಾರಣ ಸಂತಸ ಅನುಭವಿಸಲಿದ್ದೀರಿ. ವಾರದ ಮಧ್ಯದಲ್ಲಿ ಗೆಳೆಯರೊಂದಿಗೆ ಸಂಭ್ರಮಪಡುವ ಅವಕಾಶ ನಿಮಗೆ ದೊರೆಯಲಿದೆ. ಈ ವಾರದ ಆರಂಭದಿಂದ ನಡುವಿನ ದಿನಗಳ ತನಕ ಪ್ರಯಾಣಿಸಲು ಅನುಕೂಲಕರ.
ಮೀನ: ನಿಮ್ಮ ಪಾಲಿಗೆ ಈ ವಾರವು ಅನುಕೂಲಕರವಾಗಿದೆ. ವಾರದ ಆರಂಭದಿಂದಲೇ ನಿಮ್ಮ ಆದಾಯದಲ್ಲಿ ಹೆಚ್ಚಳ ಕಾಣಿಸಿಕೊಳ್ಳಲಿದೆ. ಖರ್ಚುವೆಚ್ಚವು ಮಧ್ಯಮ ಪ್ರಮಾಣದಲ್ಲಿದ್ದರೂ ನೀವು ಈ ಕುರಿತು ಚಿಂತಿಸುವ ಅಗತ್ಯವಿಲ್ಲ. ನಿಮ್ಮ ಆರೋಗ್ಯದಲ್ಲಿ ಕುಸಿತ ಕಂಡು ಬಂದರೂ ನೀವು ಆರೋಗ್ಯವನ್ನು ಕಾಪಾಡುವಲ್ಲಿ ಯಶಸ್ಸನ್ನು ಸಾಧಿಸಲಿದ್ದೀರಿ. ಆಗಾಗ್ಗೆ ಪ್ರಾಣಾಯಾಮವನ್ನು ಅಭ್ಯಸಿಸುವುದನ್ನು ಮುಂದುವರಿಸಿ ಹಾಗೂ ಕ್ಷಮತೆಯನ್ನು ಕಾಪಾಡಲು ಯತ್ನಿಸಿ. ನಿಮ್ಮ ಕೆಲಸದಲ್ಲಿ ನೀವು ಶೃದ್ಧೆಯಿಂದ ತೊಡಗಿಸಿಕೊಂಡರೆ ನೀವು ಯಶಸ್ಸನ್ನು ಸಾಧಿಸಲಿದ್ದೀರಿ. ಕಠಿಣ ಶ್ರಮ ಪಟ್ಟು ನಿಮ್ಮ ಸ್ಥಾನವನ್ನು ಗಟ್ಟಿಗೊಳಿಸಿ. ನೀವು ವ್ಯವಹಾರದಲ್ಲಿ ತೊಡಗಿಸಿಕೊಂಡರೆ ನಿಮ್ಮ ಬ್ಯಾಂಕ್‌ ಖಾತೆಯಲ್ಲಿ ಹಣವು ಹೆಚ್ಚಲಿದೆ. ನೀವು ಸಾಕಷ್ಟು ಹಣವನ್ನು ಗಳಿಸಲಿದ್ದೀರಿ. ನಿಮ್ಮ ವ್ಯವಹಾರ ಪಾಲುದಾರರ ಕಾರಣ ನಿಮಗೆ ಸಂತಸ ಲಭಿಸಲಿದೆ. ವಿವಾಹಿತ ವ್ಯಕ್ತಿಗಳು ಕೌಟುಂಬಿಕ ಬದುಕನ್ನು ಆನಂದಿಸಲಿದ್ದಾರೆ. ನಿಮ್ಮ ಜೀವನ ಸಂಗಾತಿಯು ನಿಮಗೆ ಅನೇಕ ಅದ್ಭುತ ಪ್ರಯೋಜನಗಳನ್ನು ಒದಗಿಸಲಿದ್ದಾರೆ. ಪ್ರಣಯ ಸಂಬಂಧದಲ್ಲಿರುವವರು ಈ ಸಮಯವನ್ನು ಚೆನ್ನಾಗಿ ಬಳಸಿಕೊಳ್ಳಲಿದ್ದಾರೆ. ನಿಮ್ಮ ಪ್ರೇಮಿಯೊಂದಿಗಿನ ಸಂಬಂಧವು ಗಟ್ಟಿಗೊಳ್ಳಲಿದೆ.
