ನವದೆಹಲಿ: ಹೊಸ ವರ್ಷದ ಸಂಭ್ರಮಾಚರಣೆಯ ಮಧ್ಯೆ ಭುವಿಯೊಡಲಿಂದ ತಲ್ಲಣ ಉಂಟಾಗಿದೆ. ದೆಹಲಿ, ಹರಿಯಾಣ ಸೇರಿದಂತೆ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಭೂಕಂಪನವಾಗಿದೆ. ಕಳೆದ ರಾತ್ರಿ ಜನರು ಮನೆ, ಕಟ್ಟಡಗಳಿಂದ ಹೊರಗೋಡಿ ಬಂದು ಆತಂಕಗೊಂಡಿದ್ದಾರೆ.
ಹರಿಯಾಣದ ಜಜ್ಜರ್ನಲ್ಲಿ 3.8 ತೀವ್ರತೆಯ ಭೂಕಂಪ ದಾಖಲಾಗಿದೆ ಎಂದು ಭೂಕಂಪಶಾಸ್ತ್ರದ ರಾಷ್ಟ್ರೀಯ ಕೇಂದ್ರ ತಿಳಿಸಿದೆ. ಭೂಮಿಯ 5 ಕಿಮೀ ಆಳದಲ್ಲಿ ಕಂಪನದ ಅಲೆಗಳು ಉಂಟಾಗಿವೆ. ಜಜ್ಜರ್ನ 12 ಕಿ.ಮೀ ವ್ಯಾಪ್ತಿಯಲ್ಲಿ ಭೂಮಿ ಕಂಪಿಸಿದೆ. ಯಾವುದೇ ಜೀವ, ಆಸ್ತಿ ಹಾನಿಯಾದ ಬಗ್ಗೆ ವರದಿಯಾಗಿಲ್ಲ ಎಂಬ ಮಾಹಿತಿ ಸಿಕ್ಕಿದೆ.
ಈ ಹಿಂದೆ ಉತ್ತರಾಖಂಡದ ಉತ್ತರಕಾಶಿಯಲ್ಲಿ 3.1 ತೀವ್ರತೆಯ ಭೂಕಂಪನ ದಾಖಲಾಗಿತ್ತು. ಅದಾದ ಹತ್ತು ದಿನಗಳ ಬಳಿಕ ಮತ್ತೊಮ್ಮೆ ಇಲ್ಲಿಯೇ 3.1 ತೀವ್ರತೆಯಲ್ಲಿ ಭೂಮಿ ನಡುಗಿತ್ತು. ನೇಪಾಳ, ಇಂಡೋನೇಷ್ಯಾದಲ್ಲೂ ಭೂಕಂಪನವಾಗಿತ್ತು. ಇಂಡೋನೇಷ್ಯಾ ರಾಜಧಾನಿ ಮತ್ತು ಅಲ್ಲಿನ ಮುಖ್ಯದ್ವೀಪ ಜಾವಾದ ಇತರ ಭಾಗಗಳಲ್ಲಿ 5.8 ತೀವ್ರತೆಯ ಭೂಕಂಪ ಸಂಭವಿಸಿತ್ತು.
ಇದನ್ನೂ ಓದಿ: ಉತ್ತರಾಖಂಡ್ನ ಉತ್ತರಕಾಶಿಯಲ್ಲಿ ಮಧ್ಯರಾತ್ರಿ ಕಂಪಿಸಿದ ಭೂಮಿ
