ಮಹಿಳಾ ದಿನಾಚರಣೆ: ಹೀರೋಗಳನ್ನು ಹುಡುಕಬೇಡಿ, ನೀವೇ ಹೀರೋ ಎಂದ ಭಾರತೀಯ ಮಹಿಳಾ ಸೇನೆ!

ಬರಹಗಾರ ವರ್ಜೀನಿಯಾ ವೂಲ್ಫ್ ಅವರ ಪ್ರಸಿದ್ಧ ಉಲ್ಲೇಖವು ಹೀಗೆ ಹೇಳುತ್ತದೆ, "ನನ್ನ ಮನಸ್ಸಿನ ಸ್ವಾತಂತ್ರ್ಯದ ಮೇಲೆ ನೀವು ಹೊಂದಿಸಬಹುದಾದ ಯಾವುದೇ ಬಾಗಿಲು ಇಲ್ಲ, ಯಾವುದೇ ಲಾಕ್​ ಇಲ್ಲ. ಅದೇ ರೀತಿಯ ಭಾವನೆಯನ್ನು ಭಾರತೀಯ ಸೇನೆಯ ಮಹಿಳಾ ಅಧಿಕಾರಿಗಳ ಗುಂಪು ಹಂಚಿಕೊಂಡಿದೆ.

ನವದೆಹಲಿ: ಸೌತ್ ಬ್ಲಾಕ್​ನಲ್ಲಿ ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆಯ ಮುನ್ನಾದಿನದಂದು ಹಲವಾರು ಮಹಿಳಾ ಸೇನಾ ಅಧಿಕಾರಿಗಳು ಲಿಂಗ ಸಮಾನತೆ ಮತ್ತು ಮಹಿಳಾ ಸಬಲೀಕರಣದ ಕುರಿತು ತಮ್ಮ ಅಭಿಪ್ರಾಯಗಳನ್ನು ವ್ಯಕ್ತಪಡಿಸುತ್ತಾ, ತಮ್ಮ ಅನೇಕ ಸಾಧನೆಗಳನ್ನು ಸಾಧಿಸುವ ಪ್ರಯಾಣದಲ್ಲಿ ತಮ್ಮ ಸ್ವಂತ ಅನುಭವಗಳನ್ನು ಹಂಚಿಕೊಂಡರು. 15 ವರ್ಷಗಳಿಂದ ಸೇನೆಯಲ್ಲಿ ಸೇವೆ ಸಲ್ಲಿಸುತ್ತಿರುವ ಲೆಫ್ಟಿನೆಂಟ್ ಕರ್ನಲ್ ಅನಿಲಾ ಖಾತ್ರಿ ಅವರು ಸ್ಕೈಡೈವಿಂಗ್‌ನಲ್ಲಿ ಡೆಮೊ - ಜಂಪರ್ ಆಗಿ ಅರ್ಹತೆ ಪಡೆದ ಭಾರತೀಯ ಸೇನೆಯ ಏಕೈಕ ಮಹಿಳಾ ಅಧಿಕಾರಿಯಾಗಿದ್ದಾರೆ.

ಸಶಸ್ತ್ರ ಪಡೆಗೆ ಸೇರಲು ಮಹಿಳೆಯರು ‘ದೈಹಿಕವಾಗಿ ದುರ್ಬಲರು’ ಎಂಬ ಪರಿಕಲ್ಪನೆಯ ಬಗ್ಗೆ ಮಾತನಾಡುತ್ತಾ, ಮಹಿಳೆಯರು ತಮ್ಮನ್ನು ತಾವು ಪುರುಷರಿಗಿಂತ ಸಮಾನರು ಅಥವಾ ಉತ್ತಮರು ಎಂದು ಸಾಬೀತುಪಡಿಸುವ ಹೊರೆಯನ್ನು ಯಾವಾಗಲೂ ಹೊತ್ತುಕೊಳ್ಳಬೇಕಾಗಿಲ್ಲ. ತಮ್ಮ ಮಿತಿಗಳನ್ನು ತಾವು ತಿಳಿದಿದ್ರೆ ಮತ್ತು ತಾವು ಖಂಡಿತವಾಗಿಯೂ ಆ ಕಾರ್ಯ ಮಾಡುತ್ತೇವೆ ಎಂಬ ವಿಶ್ವಾಸ ಇದ್ರೆ ಸಾಕು. ಮಹಿಳೆಯರು ಕೇವಲ ತಮ್ಮ ಭಾವೋದ್ರೇಕಗಳನ್ನು ಬದುಕಬೇಕು ಮತ್ತು ಅದನ್ನು ನಿಜ ಜೀವನದಲ್ಲಿ ಮಾಡಲು ಶ್ರಮಿಸಬೇಕು ಎಂದರು.

ಓದಿ: ನಾನು ಕೀವ್​ನಲ್ಲಿಯೇ ಇದ್ದೇನೆ, ಅವಿತುಕೊಂಡಿಲ್ಲ: ಮತ್ತೆ ಸ್ಪಷ್ಟಪಡಿಸಿದ ಉಕ್ರೇನ್ ಅಧ್ಯಕ್ಷ

ಲೆಫ್ಟಿನೆಂಟ್ ಕರ್ನಲ್ ಖತ್ರಿ ಈಟಿವಿ ಭಾರತ್‌ ಜೊತೆ ಮಾತನಾಡಿ, ಭಾರತೀಯ ಸೇನೆಯಲ್ಲಿ ಲಿಂಗ ಪಕ್ಷಪಾತವಿದೆ. ನಾನು ಕೇವಲ 89 ಜಿಗಿತಗಳನ್ನು (ಸ್ಕೈಡೈವಿಂಗ್) ಮಾಡಿದ್ದೇನೆ ಮತ್ತು ನೀವು (ಮಾಧ್ಯಮ) ನನ್ನನ್ನು ಸಂದರ್ಶಿಸುತ್ತಿದ್ದೀರಿ. 3000 - 4000 ಜಿಗಿತಗಳನ್ನು ಹೊಂದಿರುವ ಪುರುಷರು ಇದ್ದಾರೆ. ಅವರು ನಮಗೆ ತರಬೇತಿ ನೀಡಿದ್ದಾರೆ. ಅವರನ್ನು ಎಂದಿಗೂ ಯಾರು ಸಂದರ್ಶಿಸಿಲ್ಲ ಎಂದರು.

ಮಹಿಳೆಯರು ಸ್ವತಂತ್ರ ಇಚ್ಛಾಶಕ್ತಿಯಿಂದ ಬದುಕಬೇಕು. ತಮ್ಮನ್ನು ತಾವು ಉತ್ತಮವೆಂದು ಸಾಬೀತುಪಡಿಸಿಕೊಳ್ಳಬೇಕು. ಸೇನೆ ಯಾರನ್ನೂ ಹೋಲಿಕೆ ಮಾಡುವುದಿಲ್ಲ ಎಂದು ಮೇಜರ್ ಸಿಂಗ್, ಲಿಂಗ ಪಕ್ಷಪಾತದ ವಿಷಯದ ಬಗ್ಗೆ ಹೇಳಿದರು.

ಪ್ರತಿಯೊಂದು ಕೆಲಸದಲ್ಲೂ ನೀವು ಸವಾಲುಗಳನ್ನು ಎದುರಿಸುತ್ತೀರಿ ಹಾಗೇ ಸೈನ್ಯದಲ್ಲೂ ಸಹ ಎದುರಿಸುತ್ತೇವೆ. ನೀವು ಒಂದು ಹಂತದಲ್ಲಿ ಸವಾಲನ್ನು ಎದುರಿಸುವುದನ್ನು ನಿಲ್ಲಿಸಬೇಕೆ ಅಥವಾ ನೀವು ಮುಂದುವರಿಸಬೇಕೆ ಎಂಬುದು ನಿಮಗೇ ಬಿಟ್ಟದ್ದು. ಆದ್ರೆ ನಾನು ಮುಂದುವರಿಯುತ್ತೇನೆ ಎಂದು ಲಿಮ್ಕಾ ಬುಕ್​ನಲ್ಲಿ ದಾಖಲೆ ಬರೆದಿರುವ ಮೇಜರ್​ ಅಂಕಿತಾ ಚೌಧರಿ ಹೇಳಿದರು. ಮೌಂಟ್ ಭಾಗೀರಥಿ 2ರ ಶಿಖರದಲ್ಲಿ 19,000 ಅಡಿ ಎತ್ತರದಲ್ಲಿ ಯೋಗ ಪ್ರದರ್ಶಿಸಿ ದಾಖಲೆ ಬರೆದಿದ್ದರು.

ಕ್ಯಾಪ್ಟನ್ ಪ್ರೀತಿ ಚೌಧರಿ ಅವರು ಮೂರು ವರ್ಷಗಳ ಹಿಂದೆ ಭಾರತೀಯ ಸೇನೆಯಲ್ಲಿ ನೇಮಕಗೊಂಡ ಈ ಅಧಿಕಾರಿಗಳಲ್ಲಿ ಅತ್ಯಂತ ಕಿರಿಯ ಅಧಿಕಾರಿಯಾಗಿದ್ದಾರೆ. ಈ ಆಲಿವ್ ಹಸಿರು ಸಮವಸ್ತ್ರದಲ್ಲಿ ತನ್ನನ್ನು ತಾನು ಭಾವಿಸಿಕೊಂಡಾಗಲೆಲ್ಲ ನನಗೆ ತುಂಬಾ ಹೆಮ್ಮೆಯಾಗುತ್ತದೆ ಎಂದು 'ಸ್ವರ್ಡ್ ಆಫ್ ಆನರ್' ಪ್ರಶಸ್ತಿಗೆ ಭಾಜನರಾಗಿರುವ ಕ್ಯಾಪ್ಟನ್ ಚೌಧರಿ ಹೇಳಿದ್ದಾರೆ.

ಓದಿ: ಉತ್ತರಪ್ರದೇಶ ಚುನಾವಣೆ 2022: ಕರ್ತವ್ಯ ನಿರತ ಕರ್ನಾಟಕ ಯೋಧ ಹಠಾತ್​ ಸಾವು!

ಇತರ ಸಾಧಕರಲ್ಲಿ ಲೆಫ್ಟಿನೆಂಟ್ ಕರ್ನಲ್ ಶಿಖಾ ಮೆಹ್ರೋತ್ರಾ ಅವರು ಉಪಗ್ರಹ ಚಿತ್ರಗಳ ವ್ಯಾಖ್ಯಾನದಲ್ಲಿ ಪರಿಣಿತರಾಗಿದ್ದಾರೆ ಮತ್ತು 2005 ರಲ್ಲಿ ನಿಯೋಜಿಸಲ್ಪಟ್ಟಿದ್ದಾರೆ. ಇಬ್ಬರು ಮೌಂಟ್ ಎವರೆಸ್ಟ್ ಶಿಖರಾರೋಹಣ ಮಾಡಿದ - ಲೆಫ್ಟಿನೆಂಟ್ ಕರ್ನಲ್ ಪೂನಮ್ ಸಾಂಗ್ವಾನ್ ಮತ್ತು ಲೆಫ್ಟಿನೆಂಟ್ ಕರ್ನಲ್ ನಮ್ರತಾ ರಾಥೋಡ್ ಸಹ ಇದ್ದಾರೆ.