ನವದೆಹಲಿ: ಕೇಂದ್ರದ ಕೋವಿಡ್ ವ್ಯಾಕ್ಸಿನೇಷನ್ ಡ್ರೈವ್ ಬಗ್ಗೆ ಹೆಚ್ಚುತ್ತಿರುವ ಟೀಕೆಗಳ ಮಧ್ಯೆ, ಕೇಂದ್ರ ಸಚಿವ ಪ್ರಕಾಶ್ ಜಾವಡೇಕರ್ ಮಾತನಾಡಿದ್ದು, ಈ ವರ್ಷದ ಅಂತ್ಯದ ವೇಳೆಗೆ ಭಾರತ ತನ್ನ ಇಡೀ ಜನಸಂಖ್ಯೆಗೆ ಲಸಿಕೆ ನೀಡಲಿದೆ ಎಂದು ಹೇಳಿದ್ದಾರೆ.
ಭಾರತದ ಜನಸಂಖ್ಯೆಯ ಶೇ 3ಕ್ಕಿಂತಲೂ ಕಡಿಮೆ ಜನರು ಈಗಾಗಲೇ ಲಸಿಕೆ ಹಾಕಿಸಿಕೊಂಡಿದ್ದಾರೆ ಅಥವಾ ಕೋವಿಡ್ ಲಸಿಕೆಯ ಎರಡೂ ಡೋಸ್ ಸ್ವೀಕರಿಸಿದ್ದಾರೆ ಎಂದರು.
ಭಾರತದ ವ್ಯಾಕ್ಸಿನೇಷನ್ 2021ರ ಅಂತ್ಯಕ್ಕೂ ಮೊದಲೇ ಪೂರ್ಣಗೊಳ್ಳುತ್ತದೆ. 2.16 ಬಿಲಿಯನ್ ಡೋಸ್ ಹೊಂದಿರುವ 1.08 ಬಿಲಿಯನ್ ಜನರಿಗೆ 2021ರ ಡಿಸೆಂಬರ್ ಮೊದಲು ಹೇಗೆ ಲಸಿಕೆ ನೀಡಲಾಗುತ್ತದೆ ಎಂಬುದರ ಬಗ್ಗೆ ಆರೋಗ್ಯ ಸಚಿವಾಲಯವು ನೀಲನಕ್ಷೆ ನೀಡಿದೆ. ರಾಹುಲ್ಜಿ, ನೀವು ವ್ಯಾಕ್ಸಿನೇಷನ್ ಬಗ್ಗೆ ಕಾಳಜಿವಹಿಸುತ್ತಿದ್ದರೆ, ಕಾಂಗ್ರೆಸ್ ಪಕ್ಷದ ಬಗ್ಗೆ ಗಮನ ಕೊಡಿ. ಕಾಂಗ್ರೆಸ್ ಆಡಳಿತದ ರಾಜ್ಯಗಳಲ್ಲಿ ಅವ್ಯವಸ್ಥೆ ಇದೆ. ಮೇ 1ರಿಂದ 18-44 ವರ್ಷದ ಮಕ್ಕಳಿಗೆ ನೀಡಲಾದ ಕೋಟಾವನ್ನು ಅವರು ತೆಗೆದುಕೊಳ್ಳುತ್ತಿಲ್ಲ ಎಂದು ರಾಹುಲ್ ಗಾಂಧಿ ಅವರ ಟೀಕೆಗೆ ಪ್ರತಿಕ್ರಿಯಿಸಿದ್ದಾರೆ.
ಇದನ್ನೂ ಓದಿ: ಅಮೇಥಿಗೆ ಸ್ಮೃತಿ ಇರಾನಿ ದಿಢೀರ್ ಭೇಟಿ; ಕೊರೊನಾ ಹೋರಾಟದ ಸಿದ್ಧತೆ ಪರಿಶೀಲನೆ
ಲಸಿಕೆ ವಿತರಣೆಯ ಪ್ರಸ್ತುತ ದರದಲ್ಲಿ 300 ಮಿಲಿಯನ್ ಜನರಿಗೆ ಲಸಿಕೆ ನೀಡಲು ಭಾರತವು 2022ರ ಫೆಬ್ರವರಿವರೆಗೆ ತೆಗೆದುಕೊಳ್ಳುತ್ತದೆಎಂದು ಕೆಲ ಮಾಧ್ಯಮಗಳ ವರದಿಗಳು ತಿಳಿಸಿವೆ.
ಪ್ರಸ್ತುತ ವ್ಯಾಕ್ಸಿನೇಷನ್ ವೇಗದಲ್ಲಿ ಸಾಗಿದರೆ ಸಂಪೂರ್ಣ ಇನಾಕ್ಯುಲೇಷನ್ ಪ್ರಕ್ರಿಯೆಯು ಪೂರ್ಣಗೊಳ್ಳಲು 2024ರವರೆಗೆ ತೆಗೆದುಕೊಳ್ಳುತ್ತದೆ. ಪ್ರಧಾನಿ ತಮ್ಮ ಕಾರ್ಯಗಳ ಮೂಲಕ ಕೋವಿಡ್ಗೆ ಜಾಗವನ್ನು ಸೃಷ್ಟಿಸಿದರು. ಎರಡನೇ ಅಲೆಗೆ ಅವರೇ ಕಾರಣ ಎಂದು ರಾಹುಲ್ ಗಾಂಧಿ ಆರೋಪಿಸಿದ್ದರು.
