ಮುಂಬೈನಲ್ಲಿ 'ವ್ಯಾಕ್ಸಿನ್ ಮುಗಿದಿದೆ​': ಫಲಕ ನೋಡಿ ಹಿಂದಿರುಗುತ್ತಿರುವ ಜನರು

ಕೋವಿಶೀಲ್ಡ್ ಲಸಿಕೆ ಖಾಲಿಯಾದ ಕಾರಣ ಮುಂಬೈನ ಬಿಕೆಸಿ ಜಂಬೋ ವ್ಯಾಕ್ಸಿನೇಷನ್ ಕೇಂದ್ರದ ಹೊರಗೆ 'ವ್ಯಾಕ್ಸಿನ್​ ಔಟ್​ ಆಫ್​ ಸ್ಟಾಕ್​' ಎಂಬ ಫಲಕಗಳನ್ನನು ಹಾಕಲಾಗಿದೆ.

ಮುಂಬೈ (ಮಹಾರಾಷ್ಟ್ರ): ಮುಂಬೈನ ಬಿಕೆಸಿ ಜಂಬೋ ವ್ಯಾಕ್ಸಿನೇಷನ್ ಕೇಂದ್ರದ ಹೊರಗೆ 'ವ್ಯಾಕ್ಸಿನ್​ ಔಟ್​ ಆಫ್​ ಸ್ಟಾಕ್​' ಎಂಬ ಫಲಕಗಳನ್ನು ಹಾಕಿದ್ದು, ಲಸಿಕೆ ಪಡೆಯಲು ಬಂದ ಜನರು ಹಾಗೆಯೇ ವಾಪಸ್ಸಾಗುತ್ತಿದ್ದಾರೆ.

ಇದಕ್ಕೆ ಪ್ರತಿಕ್ರಿಯೆ ನೀಡಿರುವ ಬಿಕೆಸಿ ಜಂಬೋ ಲಸಿಕಾ ಕೇಂದ್ರದ ಡೀನ್ ರಾಜೇಶ್ ದೇರೆ, ನಾವು ಕೋವಿಶೀಲ್ಡ್ ಲಸಿಕೆಯ 350-400 ಡೋಸ್​ಗಳನ್ನು ಪಡೆದಿದ್ದೆವು, ಅದನ್ನು ನೀಡಿದ್ದೇವೆ. ಲಸಿಕೆ ಖಾಲಿಯಾಗಿರುವುದು ನಿನ್ನೆ ರಾತ್ರಿ ನಮ್ಮ ಗಮನಕ್ಕೆ ಬಂದಿದೆ. ಇಂದು ಸಂಜೆಯೊಳಗೆ ಲಸಿಕೆ ತಲುಪಲಿದೆ ಎಂದು ಮಾಹಿತಿಯನ್ನು ನಾವು ಸ್ವೀಕರಿಸಿದ್ದೇವೆ. ಹೀಗಾದಲ್ಲಿ ನಾವು ನಾಳೆ ವ್ಯಾಕ್ಸಿನೇಷನ್ ಪ್ರಾರಂಭಿಸುತ್ತೇವೆ ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ಮುಂಬೈನಿಂದ ವಿಶಾಖಪಟ್ಟಣಂಗೆ ಹೊರಟ ಮೊದಲ 'ಆಕ್ಸಿಜನ್ ಎಕ್ಸ್‌ಪ್ರೆಸ್' ರೈಲು

ಸುಮಾರು 2000 ಕೋವಾಕ್ಸಿನ್ ಡೋಸ್​ಗಳು ಲಭ್ಯವಿದ್ದು, ಎರಡನೇ ಡೋಸ್​ ಹಾಕಿಸಿಕೊಳ್ಳುವವರಿಗೆ ಮಾತ್ರ ಸದ್ಯ ನೀಡಲಾಗುತ್ತಿದೆ ಎಂದು ರಾಜೇಶ್ ದೇರೆ ತಿಳಿಸಿದ್ದಾರೆ.

ಇತ್ತ ಲಸಿಕಾ ಕೇಂದ್ರದ ಹೊರಗಡೆ ಪೊಲೀಸರು ವ್ಯಾಕ್ಸಿನ್​ ಖಾಲಿಯಾಗಿರುವ ಕುರಿತು ಮೈಕ್​ ಹಿಡಿದು ಸಾರ್ವಜನಿಕರಿಗೆ ಮಾಹಿತಿ ಮುಟ್ಟಿಸುತ್ತಿದ್ದಾರೆ.