ತಿರುಪತಿ ತಿಮ್ಮಪ್ಪನ ಸ್ಥಿರಾಸ್ತಿ ಹರಾಜಿಗೆ ಟಿಟಿಡಿ ಆದೇಶ

ಆಂಧ್ರಪ್ರದೇಶ: ತಮಿಳುನಾಡಿನಲ್ಲಿರುವ ಟಿಟಿಡಿ ದೇವಸ್ಥಾನದ 23 ಆಸ್ತಿಗಳನ್ನು ಬಹಿರಂಗ ಹರಾಜಿಗೆ ಆದೇಶ ಜಾರಿಯಾಗಿದೆ. ಫೆ. 29 ರಂದು ನಡೆದ ಧರ್ಮಕರ್ತ ಮಂಡಳಿ ಸಮಾವೇಶದಲ್ಲಿ ಈ ನಿರ್ಧಾರವನ್ನು ತೆಗೆದುಕೊಳ್ಳಲಾಗಿದೆ.

ತಮಿಳುನಾಡಿನಲ್ಲಿರುವ 23 ಪ್ರಾಂತ್ಯಗಳಲ್ಲಿನ ಸ್ಥಿರಾಸ್ತಿಯ ಹರಾಜಿನ ಪ್ರಕ್ರಿಯೆಗಾಗಿ 2 ತಂಡಗಳಲ್ಲಿ ಎಂಟು ಮಂದಿ ಅಧಿಕಾರಿಗಳನ್ನು ಟಿಟಿಡಿ ನೇಮಿಸಿದೆ. ದೇವಸ್ಥಾನದ ಸ್ವತ್ತುಗಳನ್ನು ಸಾರ್ವಜನಿಕವಾಗಿ ಬಹಿರಂಗಪಡಿಸುವ ನಿಯಮಗಳನ್ನು ಅಂತಿಮಗೊಳಿಸಲು ಅಧಿಕಾರಿಗಳಿಗೆ ಸೂಚನೆ ನೀಡಲಾಗಿದೆ.