ಅಹಮದಾಬಾದ್: ಇಲ್ಲಿನ ಮೊಟೆರಾ ಸ್ಟೇಡಿಯಂನಲ್ಲಿ ನಡೆದ ನಮಸ್ತೆ ಟ್ರಂಪ್ ಕಾರ್ಯಕ್ರಮದಲ್ಲಿ ಮಾತನಾಡಿದ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು ಬಾಲಿವುಡ್ ಬಗ್ಗೆ ಮೆಚ್ಚುಗೆಯ ಮಾತುಗಳನ್ನಾಡಿದ್ದಾರೆ.
ದೊಡ್ಡಣ್ಣನ ಬಾಯಲ್ಲೂ ಡಿಡಿಎಲ್ಜೆ... ಬಾಲಿವುಡ್ ಬಗ್ಗೆ ಮೆಚ್ಚುಗೆ
ವರ್ಷಕ್ಕೆ 2ಸಾವಿರ ಚಿತ್ರಗಳನ್ನು ಬಿಡುಗಡೆ ಮಾಡುವ ಭಾರತೀಯ ಚಿತ್ರರಂಗದ ಬಗ್ಗೆ ನಿಜಕ್ಕೂ ಹೆಮ್ಮೆಯಾಗುತ್ತದೆ. ಅಷ್ಟು ಸೃಜನಶೀಲ ಕಲಾವಿದರನ್ನು ಹೊಂದಿರುವ ಚಿತ್ರರಂಗ ದೇಶದಲ್ಲಿ ಇನ್ನೆಲ್ಲೂ ಸಿಗಲು ಸಾಧ್ಯವಿಲ್ಲ. ಇಲ್ಲಿ ಸಸ್ಪೆನ್ಸ್, ಥ್ರಿಲ್ಲರ್, ರೊಮ್ಯಾಂಟಿಕ್, ಆಕ್ಷನ್, ಫ್ಯಾಮಿಲಿ ಮೆಲೋಡ್ರಾಮಾ, ಕಾಮಿಡಿ ಹೀಗೇ ಎಲ್ಲಾ ಬಗೆಯ ಸಿನಿಮಾಗಳನ್ನು ಕಾಣಬಹುದಾಗಿದೆ ಎಂದರು.
ಡಿಡಿಎಲ್ಜೆ ಸಿನಿಮಾ ನಿರ್ಮಿಸಿರುವ ದಾಖಲೆಯನ್ನು ಇನ್ಯಾವ ಸಿನಿಮಾ ಕೂಡ ಮುರಿಯಲು ಸಾಧ್ಯವಿಲ್ಲ. ಅಂತಹ ಪ್ರತಿಭಾವಂತರ ನಾಡಿನಲ್ಲಿ ನಾನು ಮಾತನಾಡುತ್ತಿರುವ ಬಗ್ಗೆ ಹೆಮ್ಮೆಯಾಗುತ್ತಿದೆ ಎಂದರು.
