ಮದುವೆಯಿಂದ ಹಿಂದಿರುಗಿದವರು ಹೋಗಿದ್ದು ಮಾತ್ರ ಸ್ಮಶಾನಕ್ಕೆ! ನಡೆದಿದ್ದಾದರೂ ಏನು?

ಪರಿಚಯಸ್ಥರ ಮದುವೆ ಮುಗಿಸಿ ಕಾರಿನಲ್ಲಿ ಮನೆಗೆ ತೆರಳುತ್ತಿದ್ದ ವೇಳೆ ಮರಕ್ಕೆ ಕಾರು ಗುದ್ದಿದ ಪರಿಣಾಮ ಕಾರಿನಲ್ಲಿದ್ದ ಮೂವರು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ.

ಬಲಿಯಾ(ಉತ್ತರ ಪ್ರದೇಶ): ಇಲ್ಲಿನ ಪಾಟ್ಪರ್​​ ಗ್ರಾಮದ ಬಳಿ ಇಂದು ಮುಂಜಾನೆ ವೇಗವಾಗಿ ಬಂದ ಕಾರೊಂದು ಮರಕ್ಕೆ ಗುದ್ದಿದ ಪರಿಣಾಮ ಸ್ಥಳದಲ್ಲೇ ಮೂವರು ಮೃತಪಟ್ಟಿದ್ದಾರೆ.

ಅಭಿಷೇಕ್ ಗುಪ್ತಾ (17), ಅನುಪ್ ಗುಪ್ತಾ (18) ಮತ್ತು ಸುನಿಲ್ ಗುಪ್ತಾ (42) ಮೃತ ದುರ್ದೈವಿಗಳು ಎಂದು ಗುರುತಿಸಲಾಗಿದೆ. ಈ ಮೂವರು ಪರಿಚಯಸ್ಥರ ಮದುವೆಗೆ ತೆರಳಿದ್ದು, ಶುಭಕಾರ್ಯ ಮುಗಿಸಿ ಹಿಂತಿರುಗುವ ವೇಳೆ ಈ ಅಪಘಾತ ಸಂಭವಿಸಿದೆ ಎನ್ನಲಾಗಿದೆ.

ಸ್ಥಳಕ್ಕೆ ಪೊಲೀಸ್​​ ಅಧಿಕಾರಿಗಳು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದು, ಮೃತದೇಹಗಳನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ.