ನವದೆಹಲಿ : ಕೋವಿಡ್-19 ಸಾಂಕ್ರಾಮಿಕ ರೋಗವನ್ನು ಎದುರಿಸಲು ಜಗತ್ತು ದಾರಿಗಳನ್ನು ಹುಡುಕುತ್ತಿದ್ರೆ, ಮತ್ತೊಂದು ಜ್ವರ ಇತ್ತೀಚೆಗೆ ಭಾರತೀಯರಲ್ಲಿ ಆತಂಕ ಸೃಷ್ಟಿಸಿತು. ಇತ್ತೀಚೆಗೆ ಬರ್ಡ್ ಫ್ಲೂ ಅಥವಾ ಏವಿಯನ್ ಇನ್ಫ್ಲುಯೆನ್ಸ್ ಪ್ರಕರಣ ಹೆಚ್ಚಾಗುತ್ತಿರುವುದು ಮಾಧ್ಯಮಗಳಲ್ಲಿ ಮತ್ತು ಹೆಚ್ಚಿನ ಸಂಖ್ಯೆಯಲ್ಲಿ ಪಕ್ಷಿಗಳು ಸತ್ತಿರುವುದು ಹೃದಯ ವಿದ್ರಾವಕ ಚಿತ್ರಗಳು ವೈರಲ್ ಆಗಿವೆ.
ಆದರೆ, ಹಕ್ಕಿಜ್ವರವು ಕೋವಿಡ್-19ನಷ್ಟು ಗಂಭೀರವಾಗಿದೆಯೇ? ಇದು ಕೂಡ ಮಾರಕವಾಗಬಹುದೇ? ಇದರ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳಲು ಈಟಿವಿ ಭಾರತ್ ಸುಖಿಭವ ತಂಡ ಡಾ.ಪ್ರದೀಪ್ ಕಿರ್ ಅವರೊಂದಿಗೆ ಮಾತನಾಡಿದೆ.
ಬರ್ಡ್ ಫ್ಲ್ಯೂ ಅಂದ್ರೇನು ಮತ್ತು ಅದು ಹೇಗೆ ಹರಡುತ್ತೆ?
ಏವಿಯನ್ ಇನ್ಫ್ಲುಯೆನ್ಸಾ (ಎಐ) ಸಾಮಾನ್ಯವಾಗಿ ಬರ್ಡ್ ಫ್ಲ್ಯೂ ಎಂದು ಕರೆಯಲಾಗುತ್ತದೆ. ಇದು ಟೈಪ್ ಎ ಇನ್ಫ್ಲುಯೆನ್ಸ್ ವೈರಸ್ಗಳಿಂದ ಉಂಟಾಗುವ ಪಕ್ಷಿಗಳ ಸಾಂಕ್ರಾಮಿಕ ಕಾಯಿಲೆಯಾಗಿದೆ. ಈ ವೈರಸ್‌ಗಳು ಸಾಮಾನ್ಯವಾಗಿ ದೇಶೀಯ ಕೋಳಿಗಳು, ಬಾತುಕೋಳಿಗಳು, ಕ್ವಿಲ್‌ಗಳು ಮತ್ತು ಹೆಬ್ಬಾತುಗಳಂತಹ ಕೋಳಿಗಳಿಗೆ ಸೋಂಕು ತರುತ್ತವೆ.
ಕಾಡು ಜಲವಾಸಿ ಪಕ್ಷಿಗಳು- ವಿಶೇಷವಾಗಿ ಕೆಲವು ಕಾಡು ಬಾತುಕೋಳಿಗಳು, ಹೆಬ್ಬಾತುಗಳು, ಹಂಸಗಳು, ಗಲ್ಸ್, ಶೋರ್ ಬರ್ಡ್ಸ್- ಹೆಚ್ಚಿನ ಇನ್ಫ್ಲುಯೆನ್ಸ ಟೈಪ್ ಎ ವೈರಸ್‌ಗಳಿಗೆ ತುತ್ತಾಗುತ್ತವೆ. ವೈರಸ್ ಸಾಮಾನ್ಯವಾಗಿ ಲೋಳೆಯ, ಲಾಲಾರಸ ಅಥವಾ ಪಕ್ಷಿ ಹಿಕ್ಕೆಗಳ (ಮಲ) ಮಾಲಿನ್ಯದ ಮೂಲಕ ಒಂದು ಹಕ್ಕಿಯಿಂದ ಇನ್ನೊಂದಕ್ಕೆ ಹರಡುತ್ತದೆ.
ಹಕ್ಕಿಜ್ವರ ಮೊದಲು ಏಕಾಏಕಿ, ಹೆಚ್‌ಪಿಎಐ ಎ (ಎಚ್ 5 ಎನ್ 1) ವೈರಸ್ 1997ರಲ್ಲಿ ಚೀನಾದಲ್ಲಿ ದಾಖಲಾಗಿದೆ. ಆದರೆ, ಎಲ್ಲಾ ರೀತಿಯ ಎಐ ವೈರಸ್ ಮನುಷ್ಯರ ಮೇಲೆ ಪರಿಣಾಮ ಬೀರುವುದಿಲ್ಲ. ಮಾನವರಲ್ಲಿ ಗಂಭೀರ ಸೋಂಕು ಉಂಟು ಮಾಡುವ ಎರಡು ಪ್ರಮುಖ ವೈರಸ್‌ಗಳು ಎ (ಹೆಚ್ 5 ಎನ್ 1) ಮತ್ತು ಎ (ಹೆಚ್ 7ಎನ್ 9). ಮಾನವ ಜನಸಂಖ್ಯೆಯ ಮೇಲೆ ಪರಿಣಾಮ ಬೀರಿದ ಇತರ ಪ್ರಕಾರಗಳು H7N3, H7N7 ಮತ್ತು H9N2.
ಹಕ್ಕಿಜ್ವರ ಲಕ್ಷಣಗಳು ಮತ್ತು ತೊಡಕುಗಳು
ಹಕ್ಕಿಜ್ವರ ಲಕ್ಷಣಗಳು ಇತರ ಜ್ವರಕ್ಕಿಂತ ಭಿನ್ನವಾಗಿರುವುದಿಲ್ಲ ಎಂದು ಡಾ. ಪ್ರದೀಪ್ ಹೇಳುತ್ತಾರೆ. ಒಬ್ಬರಿಗೆ AI ಸೋಂಕು ತಗುಲಿದ್ರೆ, ಅವನು/ಅವಳು ಈ ಕೆಳಗಿನ ರೋಗ ಲಕ್ಷಣಗಳನ್ನು ಪ್ರಸ್ತುತಪಡಿಸಬಹುದು.
- ಶೀತ
- ಮೂಗು ಸೋರುವಿಕೆ
- ಜ್ವರ
- ಸೀನುವುದು
- ಗಂಟಲು ಕೆರೆತ
- ಕಫ
- ಮೈ ನೋವು
ವಿಪರೀತ ಸಂದರ್ಭಗಳಲ್ಲಿ ಒಬ್ಬರಿಗೆ ಉಸಿರಾಟದ ತೊಂದರೆ ಇರಬಹುದು. ಸೋಂಕು ಪ್ರಕ್ರಿಯೆ ಅಥವಾ ಸಂಕೀರ್ಣವಾಗುತ್ತಿದ್ದಂತೆ, ಒಬ್ಬ ವ್ಯಕ್ತಿಯು ತೀವ್ರವಾದ ನ್ಯುಮೋನಿಯಾ, ಉಸಿರಾಟದ ವೈಫಲ್ಯ ಮತ್ತು ಬಹು ಅಂಗಾಂಗ ಅಪಸಾಮಾನ್ಯ ಸಿಂಡ್ರೋಮ್ (MODS) ನಿಂದ ಬಳಲಬಹುದು.
ಅಂದರೆ ವೈರಸ್ ಉಸಿರಾಟದ ವ್ಯವಸ್ಥೆಗಿಂತ ಇತರ ಅಂಗಗಳ ಮೇಲೆ ಪರಿಣಾಮ ಬೀರಬಹುದು. ಆದರೆ, ಇಂತಹ ನಾಟಕೀಯ ತೊಡಕುಗಳಿಗೆ ಕಾರಣವಾಗುವ ಹಕ್ಕಿಜ್ವರ ಅಷ್ಟು ಸಾಮಾನ್ಯವಲ್ಲ. ಸೋಂಕಿತ ಪ್ರಕರಣಗಳು 600-1000ರಿಂದ ಇರಬಹುದು. ಆದರೆ, ಸಾವು 100ಕ್ಕಿಂತ ಕಡಿಮೆ, ಇದರ ಮೂಲಕ ಇದು ಪ್ರಸ್ತುತ ಸಾಂಕ್ರಾಮಿಕ ರೋಗದಂತೆ ಮಾರಕವಲ್ಲ ಎಂದು ನಾವು ಹೇಳಬಹುದು.
ಇದನ್ನು ತಡೆಗಟ್ಟುವುದು ಹೇಗೆ?
ತಡೆಗಟ್ಟುವಿಕೆಯು ಗುಣಪಡಿಸುವುದಕ್ಕಿಂತ ಉತ್ತಮವಾಗಿರುವುದರಿಂದ, ಪಕ್ಷಿ ಜ್ವರವನ್ನು ಸಹ ಹಲವಾರು ರೀತಿ ತಡೆಯಬಹುದು. ನಮ್ಮ ತಜ್ಞರು ಈ ಕೆಳಗಿನವುಗಳನ್ನು ವಿವರಿಸುತ್ತಾರೆ.
ಪ್ರತ್ಯೇಕತೆ - ಪಕ್ಷಿ ಜ್ವರ ಹರಡುವಿಕೆಯ ಲಕ್ಷಣಗಳು ಮತ್ತು ರೋಗಲಕ್ಷಣಗಳನ್ನು ಸರ್ಕಾರವು ಗಮನಿಸಿದ ಕೂಡಲೇ, ಅವರು ಆ ಪ್ರದೇಶವನ್ನು ಪ್ರತ್ಯೇಕಿಸಬೇಕು, ಅಲ್ಲಿ ಕೋಳಿ ಸಾಕಾಣಿಕೆ ಕೇಂದ್ರಗಳಂತೆ 1 ಕಿ.ಮೀ.ವರೆಗೆ ಪಕ್ಷಿಗಳು ಸತ್ತಂತೆ ಕಂಡು ಬರುತ್ತವೆ, ಇದರಿಂದ ಅದು ಮತ್ತಷ್ಟು ಹರಡುವುದಿಲ್ಲ.
ಕೊಲ್ಲುವುದು - ಕೊಲ್ಲುವುದು ಎಂದರೆ ಯಾವುದೇ ಸೋಂಕಿತ ಪಕ್ಷಿಗಳನ್ನು ಕೊಲ್ಲುವುದು, ಇದರಿಂದಾಗಿ ಇತರ ಆರೋಗ್ಯ ಪಕ್ಷಿಗಳು ಸೋಂಕಿಗೆ ಒಳಗಾಗುವುದಿಲ್ಲ.
ಕ್ವಾರಂಟೈನ್-ಯಾವುದೇ ವ್ಯಕ್ತಿ ಜ್ವರದ ತರಹದ ರೋಗ ಲಕ್ಷಣ ಹೊಂದಿದ್ದರೆ ಆತ ಕ್ವಾರಂಟೈನ್ ಆಗುವುದು, ವಿಶೇಷವಾಗಿ ಈ ಪಕ್ಷಿಗಳ ಸಂಪರ್ಕದಲ್ಲಿರುವವರನ್ನು ಜನ ಸಂಪರ್ಕದಿಂದ ನಿರ್ಬಂಧಿಸುವುದು.
ಲಸಿಕೆ - ಮಾನವರಿಗೆ ಈವರೆಗೂ ಲಸಿಕೆ ಲಭ್ಯವಾಗಿಲ್ಲ. ಆದರೆ, ಪಕ್ಷಿಗಳಿಗೆ ಕಾಲ ಕಾಲಕ್ಕೆ ಲಸಿಕೆ ಲಭ್ಯವಿದೆ, ಇದು ಅಷ್ಟೊಂದು ಪರಿಣಾಮಕಾರಿಯಾಗಿಲ್ಲ.
ಸರಿಯಾಗಿ ಬೇಯಿಸುವುದು-ಕೋಳಿ ಮಾಂಸ ಅಥವಾ ಫೌಲ್ಟ್ರಿಗೆ ಸಂಬಂಧಿಸಿದ ಉತ್ಪನ್ನಗಳನ್ನು ಚೆನ್ನಾಗಿ ಕುದಿಸಿ ಸೇವಿಸಬೇಕು. ಹಸಿ ಮಾಂಸದ ಇಲ್ಲವೆ ಯಾವುದೇ ರಕ್ಷಣೆಯೂ ಇಲ್ಲದೆ ಮಾಂಸವನ್ನು ಮುಟ್ಟವುದಾಗಲಿ ಮಾಡಬಾರದು.
ಚಿಕಿತ್ಸೆ : ಹಕ್ಕಿಜ್ವರ ಚಿಕಿತ್ಸೆಗಾಗಿ ಪ್ರಸ್ತುತ ನಾಲ್ಕು ಔಷಧಿಗಳು ಲಭ್ಯವಿದೆ ಎಂದು ಡಾ. ಪ್ರದೀಪ್ ಮಾಹಿತಿ ನೀಡುತ್ತಾರೆ. ಅವುಗಳೆಂದರೆ..
1. ಒಸೆಲ್ಟಾಮಿವಿರ್
2. ಜನಾಮಿವಿರ್
3. ಪೆರಾಮಿವಿರ್
4. ಬಲೋಕ್ಸಾವಿರ್ ಮಾರ್ಬಾಕ್ಸಿಲ್ (ಇತ್ತೀಚಿನ ಔಷಧ)
ಆದ್ದರಿಂದ, ನೀವು ಮೇಲೆ ತಿಳಿಸಿದ ರೋಗಲಕ್ಷಣಗಳಿಗೆ ಸಾಕ್ಷಿಯಾದ ತಕ್ಷಣ ಮತ್ತು ನೀವು ವೈರಸ್‌ಗೆ ತುತ್ತಾಗಿರಬಹುದು ಎಂದು ನೀವು ಭಾವಿಸಿದ ತಕ್ಷಣ ವೈದ್ಯರನ್ನು ಸಂಪರ್ಕಿಸಿ. ನೀವಾಗಿಯೇ ಮನೆ ಔಷಧಿ ಸೇವಿಸಬೇಡಿ. ಈ ಔಧಿಗಳನ್ನು ಹಂದಿ ಜ್ವರ ಚಿಕಿತ್ಸೆಗಾಗಿ ಸಹ ಬಳಸಬಹುದು.
ಕೋವಿಡ್-19 ಮತ್ತು ಬರ್ಡ್ ಫ್ಲೂ
ಕೊರೊನಾ ವೈರಸ್ ಸೋಂಕಿತ ವ್ಯಕ್ತಿಯಲ್ಲಿ ರೋಗ ನಿರೋಧಕ ಶಕ್ತಿ ಕಡಿಮೆ ಮಾಡುತ್ತದೆ. ಆದ್ದರಿಂದ, ಜನರಲ್ಲಿ ಅಡ್ಡ ಸೋಂಕಿನ ಸಾಧ್ಯತೆಗಳು ಇರಬಹುದು. ಕೋವಿಡ್-19 ರೋಗಿಯು ಹಕ್ಕಿಜ್ವರಕ್ಕೆ ತುತ್ತಾಗುವ ಸಾಧ್ಯತೆಗಳು ಹೆಚ್ಚು. ಆಂಟಿಜೆನಿಕ್ ಶಿಫ್ಟ್ ಇರಬಹುದೆಂದು ವಿಜ್ಞಾನಿಗಳು ಈಗ ಚಿಂತಿತರಾಗಿದ್ದಾರೆ. ಅಂದರೆ ವೈರಸ್‌ಗಳು ಸೇರಿ ಹೊಸ ಉಪವಿಭಾಗವನ್ನು ರೂಪಿಸಬಹುದು, ಇದು ತುಂಬಾ ಅಪಾಯಕಾರಿ ಎಂದು ಡಾ.ಪ್ರದೀಪ್ ಹೇಳುತ್ತಾರೆ.
ಇದನ್ನೂ ಓದಿ: ಭಾರತದ ಮೇಲೆ ಮತ್ತೊಂದು ಮಾರಕ ವೈರಸ್ ದಾಳಿ... ಹಕ್ಕಿಜ್ವರ ಕುರಿತು ನಿರ್ಲಕ್ಷ್ಯ ಬೇಡ..!
