ನವದೆಹಲಿ: ಆಸ್ಟ್ರೇಲಿಯಾ ವಿರುದ್ಧದ ಫೈನಲ್ ಪಂದ್ಯದಲ್ಲಿ ಟೀಂ ಇಂಡಿಯಾ ಸ್ಫೋಟಕ ಬ್ಯಾಟ್ಸ್ಮನ್ ರೋಹಿತ್ ಶರ್ಮಾ ಹೊಸ ದಾಖಲೆ ಬರೆದಿದ್ದಾರೆ. ಈ ಪಂದ್ಯದಲ್ಲಿ 46ರನ್ಗಳಿಕೆ ಮಾಡುತ್ತಿದ್ದಂತೆ ಹಿಟ್ಮ್ಯಾನ್ ಖ್ಯಾತಿಯ ಮುಂಬೈಕರ್ ಏಕದಿನದಲ್ಲಿ 8 ಸಾವಿರ ರನ್ ಕ್ಲಬ್ ಸೇರಿಕೊಂಡಿದ್ದಾರೆ.
ಟೀಂ ಇಂಡಿಯಾ ಪರ ಒಟ್ಟು 206 ಏಕದಿನ ಪಂದ್ಯಗಳನ್ನಾಡಿರುವ ರೋಹಿತ್ ತಮ್ಮ 200ನೇ ಇನ್ನಿಂಗ್ಸ್ನಲ್ಲಿ ಈ ದಾಖಲೆ ಬರೆದಿದ್ದಾರೆ. ಇನ್ನು ಈ ದಾಖಲೆ ನಿರ್ಮಾಣ ಮಾಡಿರುವ ವಿಶ್ವದ 31ನೇ ಹಾಗೂ ಭಾರತದ 9ನೇ ಆಟಗಾರರಾಗಿದ್ದಾರೆ. ಇದರಲ್ಲಿ 264ರನ್ ಅವರ ಅತಿದೊಡ್ಡ ಸ್ಕೋರ್ ಆಗಿದೆ. ಆಸ್ಟ್ರೇಲಿಯಾ ವಿರುದ್ಧ ಕೊನೆ ಪಂದ್ಯದಲ್ಲಿ 56ರನ್ಗಳಿಕೆ ಮಾಡಿ ವಿಕೆಟ್ ಒಪ್ಪಿಸಿದ್ದಾರೆ.
8 ಸಾವಿರ ರನ್ಗಳಿಕೆ ಮಾಡಿರುವ ಪ್ಲೇಯರ್ಸ್
- ವಿರಾಟ್ ಕೊಹ್ಲಿ 175 ಇನ್ನಿಂಗ್ಸ್
- ಎಬಿ ಡಿವಿಯರ್ಸ್ 182 ಇನ್ನಿಂಗ್ಸ್
- ಸೌರವ್ ಗಂಗೂಲಿ/ರೋಹಿತ್ ಶರ್ಮಾ 200 ಇನ್ನಿಂಗ್ಸ್
- ರಾಸ್ ಟೇಲರ್ 203 ಇನ್ನಿಂಗ್ಸ್
- ಸಚಿನ್ ತೆಂಡೂಲ್ಕರ್ 210 ಇನ್ನಿಂಗ್ಸ್
- ಲಾರಾ 211 ಇನ್ನಿಂಗ್ಸ್
ಟೀಂ ಇಂಡಿಯಾ ಪರ ಸಚಿನ್ ತೆಂಡೂಲ್ಕರ್(18426), ಎಂಎಸ್ ಧೋನಿ(10500),ಸೌರವ್ ಗಂಗೂಲಿ (11363), ರಾಹುಲ್ ದ್ರಾವಿಡ್(10889), ವಿರಾಟ್ ಕೊಹ್ಲಿ (10823), ಅಜರುದ್ದೀನ್ (9378), ಯುವರಾಜ್ ಸಿಂಗ್ (8701) ಸೆಹ್ವಾಗ್(8273) ಈ ದಾಖಲೆ ನಿರ್ಮಿಸಿದ್ದಾರೆ.
