ವಾರಣಾಸಿ: ಪ್ರಧಾನಿ ನರೇಂದ್ರ ಮೋದಿ ವಾರಣಾಸಿಯಲ್ಲಿ ನೂರಾರು ದೇಗುಲಗಳನ್ನು ಧ್ವಂಸ ಮಾಡಿದ್ದಾರೆ. ಅವರೊಬ್ಬ ಆಧುನಿಕ ಔರಂಗಜೇಬ್ ಎಂದು ಕಾಂಗ್ರೆಸ್ ನಾಯಕ ಸಂಜಯ್ ನಿರುಪಮ್ ಆರೋಪಿಸಿದ್ದಾರೆ.
ನಾನು ವಾರಣಾಸಿಗೆ ಬಂದಾಗ ಇಲ್ಲಿನ ನೂರಾರು ದೇಗುಲಗಳನ್ನು ಧ್ವಂಸ ಮಾಡಿದ್ದನ್ನು ನೋಡಿದೆ. ಔರಂಗಜೇಬ್ ತನ್ನ ಕಾಲದಲ್ಲಿ ದೇಗುಲಗಳನ್ನು ಧ್ವಂಸ ಮಾಡಿದಂತೆ, ಮೋದಿ ಈಗ ಮಾಡಿದ್ದಾರೆ. ಅವರೊಬ್ಬ ಆಧುನಿಕ ಔರಂಗಜೇಬ್ ಎಂದು ಕುಟುಕಿದ್ದಾರೆ.
ಮೋದಿ ವಿರುದ್ಧ ಕಾಂಗ್ರೆಸ್ ನಾಯಕ ಸಂಜಯ್ ನಿರುಪಮ್
ಈ ಆಧುನಿಕ ಔರಂಗಜೇಬ್ ದೇವರ ದರ್ಶನಕ್ಕೆ ಹೆಚ್ಚಿನ ತೆರಿಗೆಯನ್ನು ಭಕ್ತರ ಮೇಲೆ ಹೊರಿಸುತ್ತಿದ್ದಾರೆ. ಒಂದೆಡೆ ಹಿಂದೂ ನಂಬಿಕೆಗಳನ್ನು ರಕ್ಷಿಸುತ್ತೇನೆ ಎನ್ನುವ ಮೋದಿಯೇ ಹೀಗೆ ಮಾಡುತ್ತಿರುವುದು ಖಂಡನೀಯ ಎಂದು ಕಿಡಿಕಾರಿದ್ದಾರೆ.
ಮಾಜಿ ಪ್ರಧಾನಿ ರಾಜೀವ್ ಗಾಂಧಿ ಬಗ್ಗೆ ಮೋದಿ ಇಲ್ಲಸಲ್ಲದ ಮಾತುಗಳನ್ನಾಡಿದ್ದಾರೆ. ನಾನು ಸಾವಾಲು ಹಾಕುತ್ತೇನೆ, ರಾಜೀವ್ ಗಾಂಧಿ ಹೆಸರಿನಲ್ಲಿಯೇ ನಾವು ಚುನಾವಣೆ ಎದುರಿಸುತ್ತೇವೆ ಎಂದಿದ್ದಾರೆ.
