ತೈನಾಂಪೆಟ್(ತಮಿಳುನಾಡು): ಕೊರೊನಾ ವೈರಸ್ನಿಂದ ಉಂಟಾಗುವ ಶೀತವನ್ನು ಗುಣಪಡಿಸುವ ಸಲುವಾಗಿ ಸೋಡಿಯಂ ನೈಟ್ರೇಟ್ ಬಳಸಿ ತಯಾರಿಸಿದ್ದ ಔಷಧಿಯನ್ನು ಸೇವಿಸಿದ ಫಾರ್ಮಸಿಸ್ಟ್ ಓರ್ವ ಮೃತಪಟ್ಟಿದ್ದಾನೆ.
ಮೃತನನ್ನು ಪೆರುಂಗುಡಿ ಮೂಲದ ಶಿವನೇಶನ್(47) ಎಂದು ಗುರುತಿಸಲಾಗಿದೆ. ಉತ್ತರಾಖಂಡ್ನ ಖಾಸಗಿ ಬಯೋಟೆಕ್ ಲ್ಯಾಬ್‌ವೊಂದರಲ್ಲಿ ಪ್ರೊಡಕ್ಷನ್ ಮ್ಯಾನೇಜರ್ ಆಗಿ ಕೆಲಸ ನಿರ್ವಹಿಸುತ್ತಿದ್ದ ಈತ, ಸದ್ಯ ಚೆನ್ನೈಗೆ ತೆರಳಿ ಕೊಡಂಬಕ್ಕಂನ ಬೂಪತಿ ನಗರದಲ್ಲಿನ ಸಂಸ್ಥೆಯೊಂದರಲ್ಲಿ ಕಾರ್ಯನಿರ್ವಹಿಸುತ್ತಿದ್ದ.
ಕೊರೊನಾ ವೈರಸ್ಗೆ ಇಡೀ ಪ್ರಪಂಚವೇ ತಲೆ ಕೆಡಿಸಿಕೊಂಡಿದ್ದು, ಇದರ ಲಸಿಕೆ ಹಾಗೂ ಔಷಧಿಗಳನ್ನು ಕಂಡು ಹಿಡಿಯುವಲ್ಲಿ ನಿರತರಾಗಿರುವ ಹಿನ್ನೆಲೆ ಶಿವನೇಶನ್ ಕೂಡ ಪ್ರಯತ್ನ ಪಟ್ಟಿದ್ದಾರೆ. ಸೋಡಿಯಂ ನೈಟ್ರೇಟ್ ಬಳಸಿ ಸೂತ್ರೀಕರಿಸಿದ ಔಷಧಿಯೊಂದನ್ನ ಪ್ರಯೋಗಿಸುವ ಸಲುವಾಗಿ ನಿನ್ನೆ ಸಂಜೆ ಸೇವಿಸಿದ್ದಾರೆ.
ಈ ಸೂತ್ರೀಕರಿಸಿದ ಔಷಧಿ ಸೇವಿಸ ಅಸ್ವಸ್ಥರಾದ ಶಿವನೇಶನ್ರನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಿದರೂ ಸಹ ಫಲಕಾರಿಯಾಗದೆ ಕೊನೆಯುಸಿರೆಳೆದಿದ್ದಾರೆ.
ಮೃತ ವ್ಯಕ್ತಿಯು ಸೋಡಿಯಂ ನೈಟ್ರೇಟ್ ಸೇವಿಸಿರುವುದರಿಂದ ಸಾವೀಗಿಡಾಗಿದ್ದಾನೆ ಎಂದು ಪ್ರಾಥಮಿಕ ತನಿಖೆಯಿಂದ ತಿಳಿದು ಬಂದಿದೆ. ಆದಾಗ್ಯೂ ಬೇರೆ ಯಾರದ್ದಾದರೂ ಕೈವಾಡವಿದೆಯೇ ಈ ಸಾವಿನಲ್ಲಿ ಎಂಬುದು ಪೋಸ್ಟ್ ಮಾರ್ಟ್ಮ್ ಬಳಿಕ ತಿಳಿಯಬೇಕಿದೆ ಎಂದು ಪೊಲೀಸ್ ಅಧಿಕಾರಿಗಳು ಹೇಳಿದ್ದಾರೆ.
