ನವದೆಹಲಿ: ಸತತ 4 ದಿನಗಳಿಂದ ಪೆಟ್ರೋಲ್ ದರ ಏರಿಕೆಯಾಗುತ್ತಲೇ ಇದೆ. ಈ ಮೂಲಕ ವರ್ಷದಲ್ಲಿ ಈವರೆಗಿನ ಗರಿಷ್ಠ ಮಟ್ಟಕ್ಕೆ ತಲುಪಿದೆ. ಆದರೆ, ಡೀಸೆಲ್ ದರ ತಟಸ್ಥವಾಗಿದೆ.
ಅಂತಾರಾಷ್ಟ್ರೀಯ ಮಾರುಕಟ್ಟೆ, ತೈಲೋತ್ಪನ್ನ ಕಂಪನಿಗಳು ದರ ಹೆಚ್ಚಿಸಿರುವ ಪರಿಣಾಮ ಭಾರತದಲ್ಲಿ ಪೆಟ್ರೋಲ್, ಡೀಸೆಲ್ ದರ ಮತ್ತಷ್ಟು ಏರಿಕೆಯಾಗುವ ಸಂಭವವಿದೆ. ಈ ಮೂಲಕ ವಾಹನ ಸವಾರರ ಕಿಸೆಗೆ ಕತ್ತರಿ ಬೀಳುವ ಸಾಧ್ಯತೆ ಇದೆ.
ದೆಹಲಿ, ಕೋಲ್ಕತ್ತಾದಲ್ಲಿ ಒಂದು ಲೀಟರ್ ಪೆಟ್ರೋಲ್ಗೆ ₹ 12 ಪೈಸೆ, ಮುಂಬೈ ಮತ್ತು ಚೆನ್ನೈನಲ್ಲಿ ₹13 ಪೈಸೆ, ಬೆಂಗಳೂರಿನಲ್ಲಿ ₹7 ಪೈಸೆ ಏರಿಕೆಯಾಗಿದೆ. ಆದರೆ, ಡೀಸೆಲ್ ದರದಲ್ಲಿ ಬದಲಾವಣೆ ಕಂಡಿಲ್ಲ. ನಾಲ್ಕು ದಿನಗಳಿಂದ ದೆಹಲಿಯಲ್ಲಿ ₹46 ಪೈಸೆ ಹೆಚ್ಚಳವಾಗಿದೆ.
ಭಾರತೀಯ ತೈಲ ನಿಗಮದ ವೆಬ್ ಸೈಟ್ ಪ್ರಕಾರ ಸೋಮವಾರ ದೆಹಲಿ, ಕೋಲ್ಕತ್ತಾ, ಮುಂಬೈ ಮತ್ತು ಚೆನ್ನೈನಲ್ಲಿ ಕ್ರಮವಾಗಿ ₹ 74.66, ₹ 77.34, ₹ 80.32 ಮತ್ತು ₹ 77.62 ಪೆಟ್ರೋಲ್ ದರವಿದೆ. ಭಾನುವಾರ ಲೀಟರ್ ಪೆಟ್ರೋಲ್ಗೆ ₹ 74.84,₹ 76.82, ₹ 80.38 ಮತ್ತು ₹ 77.69 ಇತ್ತು.
ಡೀಸೆಲ್ ದರದಲ್ಲಿ ಯಾವುದೇ ಬದಲಾವಣೆ ಕಂಡು ಬಂದಿಲ್ಲ. ಸೋಮವಾರ ಲೀಟರ್ ಡೀಸೆಲ್ಗೆ ದೆಹಲಿ, ಕೋಲ್ಕತ್ತಾ, ಮುಂಬೈ ಮತ್ತು ಚೆನ್ನೈನಲ್ಲಿ ಕ್ರಮವಾಗಿ ₹ 65.73, ₹ 68.14, ₹ 68.94 ಮತ್ತು ₹ 69.47 ದರವಿದ್ದು, ತಟಸ್ಥ ನಿಲುವು ತಾಳಿದೆ.
ಕಚ್ಚಾ ತೈಲ ಅಂತಾರಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಈ ತಿಂಗಳು ಬ್ಯಾರೆಲ್‌ಗೆ ಸುಮಾರು ಮೂರು ಡಾಲರ್ ಏರಿಕೆಯಾಗಿದೆ.
