ಬರ್ಮೆರ್ (ರಾಜಸ್ಥಾನ) : ರಾಜಸ್ಥಾನದ ಬರ್ಮೆರ್ನಲ್ಲಿ ಅಪ್ರಾಪ್ತ ಬಾಲಕಿ ಹೊತ್ತೊಯ್ದು ಸಾಮೂಹಿಕ ಅತ್ಯಾಚಾರ ಮಾಡಿದ ಘಟನೆ ನಡೆದಿದೆ. ಶಿವ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಕಾಮುಕರು ಈ ಕೃತ್ಯ ಎಸಗಿದ್ದಾರೆ.
ಯಾರೂ ಇಲ್ಲದ ಸಮಯ ನೋಡಿ ಮನೆಯಲ್ಲಿ ಒಂಟಿಯಾಗಿದ್ದ 15 ವರ್ಷದ ಬಾಲಕಿಯನ್ನು ಅಪಹರಿಸಿದ ಇಬ್ಬರು ಕಾಮಾಂಧರು, ಬೈಕ್ ಮೂಲಕ ಏಕಾಂತ ಸ್ಥಳಕ್ಕೆ ಕರೆದೊಯ್ದು ಅತ್ಯಾಚಾರ ಎಸಗಿದ್ದಾರೆ ಎನ್ನಲಾಗುತ್ತಿದೆ. ಅಲ್ಲದೇ ಇಬ್ಬರು ಈ ಕೃತ್ಯವನ್ನು ತಮ್ಮ ಫೋನ್ಗಳಲ್ಲಿ ಚಿತ್ರೀಕರಿಸಿದ್ದಾರೆ.
ಕೃತ್ಯದ ಬಳಿಕ ಸಂತ್ರಸ್ತೆಯನ್ನು ಬಿಟ್ಟು ಕಾಮುಕರು ಸ್ಥಳದಿಂದ ಕಾಲ್ಕಿತ್ತಿದ್ದಾರೆ. ಪ್ರಜ್ಞಾಹೀನ ಸ್ಥಿತಿಯಲ್ಲಿದ್ದ ಸಂತ್ರಸ್ತೆಯನ್ನು ನೋಡಿದ ಕುಟುಂಬದ ಸದಸ್ಯರು, ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಘಟನೆ ಬಗ್ಗೆ ಸ್ಥಳೀಯ ಪೊಲೀಸ್ ಠಾಣೆಯಲ್ಲಿ ದೂರು ಸಹ ನೀಡಿದ್ದಾರೆ.
ಬರ್ಮರ್ ಜಿಲ್ಲಾಧಿಕಾರಿ ವಿಶ್ರಮ್ ಮೀನಾ ಮತ್ತು ಪೊಲೀಸ್ ವರಿಷ್ಠಾಧಿಕಾರಿ ಆನಂದ್ ಶರ್ಮಾ ಆಸ್ಪತ್ರೆಗೆ ಭೇಟಿ ನೀಡಿ ಈ ಬಗ್ಗೆ ಮಾಹಿತಿ ಪಡೆದಿದ್ದಾರೆ. ಅ.4ರಿಂದ ಇತ್ತೀಚೆಗೆ ಇಲ್ಲಿನ ಜಲೋನ್ ಜಿಲ್ಲೆ ಸೇರಿ ಎರಡು ಘಟನೆ ನಡೆದಿವೆ.
ಇದೀಗ ಮತ್ತೊಂದು ಮಾನಗೇಡಿ ಪ್ರಕರಣ ವರದಿಯಾಗಿರುವುದು ಕಂಡು ಬಂದಿದೆ. ಹಥ್ರಾಸ್ ಘಟನೆಯ ನಂತರ ಕಾಮುಕರ ಪೈಶಾಚಿಕ ಕೃತ್ಯ ನಡೆಯುತ್ತಲೇ ಇದ್ದು, ದೇಶಾದ್ಯಂತ ಆಕ್ರೋಶ ಸಹ ವ್ಯಕ್ತವಾಗಿದೆ.
