ಹೈದರಾಬಾದ್(ತೆಲಂಗಾಣ): ದೇಶಾದ್ಯಂತ ಕೋವಿಡ್-19 ಪ್ರಕರಣ ಹೆಚ್ಚಾಗುತ್ತಿದ್ದಂತೆ ರಾಜ್ಯಗಳಲ್ಲಿ ಲಾಕ್‌ಡೌನ್ ಸಡಿಲಗೊಳಿಸುವಿಕೆಯೂ ಹೆಚ್ಚುತ್ತಿದೆ. ಹಾಗೆಯೇ ವ್ಯಾಪಾರ ಮತ್ತು ಸಾರಿಗೆ ಚಟುವಟಿಕೆಗಳು ಕೂಡ ಭರದಿಂದ ಸಾಗಿವೆ.
ಈ ಸನ್ನಿವೇಶದಲ್ಲಿ ಪ್ರತಿಯೊಬ್ಬರು ಸುರಕ್ಷಿತವಾಗಿರಲು, ಸದೃಢವಾಗಿರಲು ಸೂಕ್ತ ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳುವುದು ಅತ್ಯಗತ್ಯ. ಈ ಮುನ್ನೆಚ್ಚರಿಕೆಗಳಲ್ಲಿ ಮುಖ್ಯವಾದುದು ಎಂದರೆ ಮುಖಗವಸುಗಳನ್ನು ಧರಿಸುವುದು. ಹೀಗಾಗಿ ಜನರು ಯಾವ ರೀತಿಯ ಮುಖಗವಸುಗಳನ್ನು ಬಳಸಿದರೆ ಸೂಕ್ತ. ಆರೋಗ್ಯ ವೃತ್ತಿಪರರು ಬಳಸಿಕೊಳ್ಳುವ ಮಾಸ್ಕ್ಗಳಿಗಿಂತ ಅವು ಹೇಗೆ ಭಿನ್ನವಾಗಿವೆ ತಿಳಿಯುವುದು ಅವಶ್ಯಕ. ವಿಶ್ವ ಆರೋಗ್ಯ ಸಂಸ್ಥೆ (ಡಬ್ಲ್ಯುಹೆಚ್‌ಒ) ಮಾರ್ಗಸೂಚಿಗಳ ಪ್ರಕಾರ ಈ ಮುಖಗವಸುಗಳನ್ನು ಬಳಸುವಾಗ ಗಮನಿಸಬೇಕಾದ ಕೆಲವು ಮುನ್ನೆಚ್ಚರಿಕೆಗಳನ್ನು ಈ ಕೆಳಗೆ ನೀಡಲಾಗಿದೆ :
ಮುಖಗವಸುಗಳ ವಿಧಗಳು :
* ವೈದ್ಯಕೀಯ ಮುಖವಾಡಗಳು : ಕೋವಿಡ್‌ನಿಂದ ಹಾನಿಗೊಳಗಾದ ಪ್ರದೇಶಗಳಲ್ಲಿ ಮತ್ತು ಸುತ್ತಮುತ್ತ ಸೇವೆ ಸಲ್ಲಿರುತ್ತಿರುವವರು N95 ವೈದ್ಯಕೀಯ ಮುಖವಾಡಗಳನ್ನು ಬಳಸಬೇಕು. ಹೃದಯ-ನಾಳೀಯ ಕಾಯಿಲೆಗಳು, ದೀರ್ಘಕಾಲದ ಕಾಯಿಲೆಗಳು ಮತ್ತು ದೀರ್ಘಕಾಲೀನ ರೋಗಿಗಳ ಆರೈಕೆ ಕೇಂದ್ರಗಳಿಗೆ ಸಂಬಂಧಿಸಿದ ಇಲಾಖೆಗಳಲ್ಲಿ ಕೆಲಸ ಮಾಡುವ ಆರೋಗ್ಯ ವೃತ್ತಿಪರರು ಸಹ N95 ವೈದ್ಯಕೀಯ ಮುಖವಾಡಗಳನ್ನು ಬಳಸಬೇಕು.
ಕೊರೊನಾ ವೈರಸ್ ಸೋಂಕಿತರು ಕೂಡ ವೈದ್ಯಕೀಯ ಮುಖವಾಡಗಳನ್ನು ಬಳಸಬೇಕು :
ಸಾಮಾನ್ಯ ಜನರಿಗೆ ಸರಳ ಮುಖವಾಡಗಳು :
* ಕೊರೊನಾ ವೈರಸ್ ಹಾವಳಿ ನಡುವೆಯೂ ಹೊರಗೆ ಹೋಗಬಯಸುವವರು, ಸಾರ್ವಜನಿಕ ಸಾರಿಗೆಯಾದ ಬಸ್ಸುಗಳು, ರೈಲುಗಳು, ಆಟೋ ಇತ್ಯಾದಿಗಳಲ್ಲಿ ಪ್ರಯಾಣಿಸುವಂತಹ ಸಾಮಾನ್ಯ ಜನರು ಈ ಸರಳ ಮುಖವಾಡಗಳನ್ನು ಬಳಸಬೇಕು. ಅದರಲ್ಲೂ ಕಿಕ್ಕಿರಿದ ಸ್ಥಳಗಳು, ಮಾಲ್‌ಗಳು, ಅಂಗಡಿಗಳಿಗೆ ಹೋಗುವವರು ಮಾಸ್ಕ್ ಬಳಸುವುದು ಅತ್ಯಗತ್ಯ.
* ಈ ಸರಳ ಮುಖಗವಸುಗಳು ದೇಶೀಯವಾಗಿ ಬಟ್ಟೆ ಇತ್ಯಾದಿಗಳನ್ನು ಬಳಸಿ ಮನೆಯಲ್ಲಿ ತಯಾರಿಸಿದವಾಗಿರುತ್ತವೆ. ಹೊರಗೆ ಖರೀದಿಸಿದ ಮುಖಗವಸುಗಳನ್ನು ಎಚ್ಚರಿಕೆಯಿಂದ ಮತ್ತು ಕಾಳಜಿಯ ಮುನ್ನೆಚ್ಚರಿಕೆಗಳೊಂದಿಗೆ ಬಳಸಬೇಕು.
* 3-ಲೇಯರ್ಡ್ ಮುಖಗವಸಿಗೆ ಹೆಚ್ಚಿನ ಆದ್ಯತೆ ನೀಡಲಾಗುತ್ತದೆ.
ಧರಿಸುವುದು ಹೇಗೆ:
* ಮೊದಲು ಕೈಗಳನ್ನು ಸೋಪ್-ನೀರಿನಿಂದ ತೊಳೆಯಿರಿ (ಕನಿಷ್ಠ 40-60 ಸೆಕೆಂಡುಗಳವರೆಗೆ) ಅಥವಾ ಸ್ಯಾನಿಟೈಜರ್ ಬಳಸಿ (ಸುಮಾರು 20-30 ಸೆಕೆಂಡುಗಳವರೆಗೆ) ಕೈಗಳನ್ನು ಸ್ವಚ್ಛತೆಗೊಳಿಸಿ ಆನಂತರ ಮಾಸ್ಕ್ ಧರಿಸಿ.
* ಮುಖಗವಸಿನಲ್ಲಿ ಕೊಳಕಿಲ್ಲ ಮತ್ತು ಬಟ್ಟೆಯಲ್ಲಿ ಯಾವುದೇ ಸೋರಿಕೆ ಅಥವಾ ರಂಧ್ರಗಳಿಲ್ಲ ಎಂಬುದನ್ನು ಖಚಿತಪಡಿಸಿಕೊಳ್ಳಿ. ಮುಖಗವಸು ಮೂಗು, ಬಾಯಿ ಮತ್ತು ಗಲ್ಲವನ್ನು ಒಳಗೊಂಡಿರುವ ಮುಖದ ಸಂಪೂರ್ಣ ಪ್ರದೇಶವನ್ನು ಮುಚ್ಚಬೇಕು
ಮುಖಗವಸುಗಳನ್ನು ತೆಗೆದುಹಾಕುವಾಗ ತೆಗೆದುಕೊಳ್ಳಬೇಕಾದ ಕ್ರಮ :
* ಮುಖಗಗವಸಿನ ಮುಂಭಾಗವನ್ನು ಮುಟ್ಟದೆ ತೆಗೆಯಬೇಕು. ಮುಖಸವಸಿನ ಟ್ಯಾಗ್‌ಗಳ ತುದಿಗಳನ್ನು ಹಿಡಿದುಕೊಂಡು ಅದನ್ನು ತೆಗೆದುಹಾಕಬೇಕು ಮತ್ತು ಆಕಸ್ಮಿಕವಾಗಿ ಸ್ಪರ್ಶಿಸಿದರೆ, ಕೈಗಳನ್ನು ತಕ್ಷಣ ಸೋಪ್ ಮತ್ತು ನೀರಿನಿಂದ ತೊಳೆಯಬೇಕು.
ಕಡ್ಡಾಯ ಕ್ರಮಗಳು :
* ಮುಖಗವಸುಗಳನ್ನು ಬೇರೆಯವರೊಂದಿಗೆ ಹಂಚಿಕೊಳ್ಳಬಾರದು, ಅವುಗಳನ್ನು ಪ್ರತ್ಯೇಕವಾಗಿ ಮಾತ್ರ ಬಳಸಬೇಕು.
* ಬಟ್ಟೆ ಮುಖಗವಸುಗಳನ್ನು ಧರಿಸಿ ತೆಗೆದ ನಂತರ ಪ್ರತಿದಿನ ಸೋಪ್ ಮತ್ತು ಬಿಸಿ ನೀರಿನಿಂದ ತೊಳೆಯಿರಿ.
* ಮುಖಗವಸುಗಳನ್ನು ಧರಿಸುವುದರ ಜೊತೆಗೆ ದೈಹಿಕ ಅಂತರ ಕಾಪಾಡಿಕೊಳ್ಳುವುದು, ಸಾಬೂನು ಹಾಕಿ ನೀರಿನಿಂದ ಆಗಾಗ ಕೈ ತೊಳೆಯುವುದು ಅಥವಾ ಸ್ಯಾನಿಟೈಜರ್‌ನೊಂದಿಗೆ ನಿಯಮಿತವಾಗಿ ಸ್ವಚ್ಛಗೊಳಿಸುವುದು ಸಹ ಕಡ್ಡಾಯ. ಸೋಂಕಿತ ವ್ಯಕ್ತಿಯ ಬಾಯಿ ಮತ್ತು ಮೂಗಿನಿಂದ ಹೊರಸೂಸುವ ದ್ರವದಿಂದ ಹರಡುವ ಕಾಯಿಲೆಯಿಂದ ಮುಖಗವಸುಗಳು ನಮ್ಮನ್ನು ರಕ್ಷಿಸುತ್ತವೆ.
