ವಂಶಿ(ಮಹಾರಾಷ್ಟ್ರ): ಈಗಾಗಲೇ 18 ವರ್ಷದ ಮಗುವಿನೊಂದಿಗೆ ಜೀವನ ಕಳೆಯುತ್ತಿರುವ 39 ವರ್ಷದ ಯುವತಿಯೊಬ್ಬಳಿಗೆ ಆಕೆಯ ಮಾಜಿ ಲವರ್ ಬ್ಲಾಕ್ ಮೇಲ್ ಮಾಡಲು ಶುರು ಮಾಡಿದ್ದು, ಬರೋಬ್ಬರಿ 5 ಲಕ್ಷ ರೂ ಹಣ ನೀಡುವಂತೆ ಬೇಡಿಕೆಯಿಟ್ಟಿದ್ದಾನೆ.
ಮಹಾರಾಷ್ಟ್ರದ ವಂಶಿಯಲ್ಲಿ ಈ ಘಟನೆ ನಡೆದಿದ್ದು, ಕುಡಿತದ ಚಟಕ್ಕೆ ಗಂಡ ಒಳಗಾಗಿದ್ದ ಕಾರಣ ಕಳೆದ 17 ವರ್ಷಗಳ ಹಿಂದೆ ಆತನಿಂದ ದೂರವಾಗಿ ಮಹಿಳೆ ತನ್ನ ಮಗ ಹಾಗೂ ಸಹೋದರನೊಂದಿಗೆ ಜೀವನ ಸಾಗಿಸುತ್ತಿದ್ದಾರೆ. ಇದರ ಮಧ್ಯೆ ಇದೀಗ ಆಕೆಯ ಮಾಜಿ ಲವರ್ 5 ಲಕ್ಷ ಹಣ ನೀಡುವಂತೆ ಬೇಡಿಕೆಯಿಟ್ಟಿದ್ದು, ಒಂದು ವೇಳೆ ನೀಡದಿದ್ದರೆ ಆಕೆಯ ಖಾಸಗಿ ಫೋಟೋ ವೈರಲ್ ಮಾಡುವ ಬೆದರಿಕೆ ಹಾಕಿದ್ದಾನೆ.
ಘಟನೆ ನಡೆದಿದ್ದು ಹೇಗೆ!?
ಬೇರೆ ಮದುವೆಯಾಗಿ ಸಂಸಾರ ನಡೆಸುತ್ತಿದ್ದ ಮಹಿಳೆ ಕಳೆದ ಮೂರು ವರ್ಷಗಳ ಹಿಂದೆ ಸಂಬಂಧಿಕರ ಮದುವೆ ಕಾರ್ಯಕ್ರಮದಲ್ಲಿ ಭಾಗಿಯಾಗಲು ಹೋಗಿದ್ದಳು. ಅಲ್ಲಿಗೆ ಆಕೆಯ ಮಾಜಿ ಲವರ್ ಸಹ ಆಗಮಿಸಿದ್ದನು. ಈ ವೇಳೆ ಪರಸ್ಪರ ಮಾತುಕತೆ ನಡೆಸಿರುವ ಇವರು, ನಂಬರ್ ಸಹ ಬದಲಾವಣೆ ಮಾಡಿಕೊಂಡಿದ್ದಾರೆ. ಇದಾದ ಬಳಿಕ ಮೇಲಿಂದ ಮೇಲೆ ಭೇಟಿ ಮಾಡಿರುವ ಇವರ ನಡುವೆ ಶಾರೀರಿಕ ಸಂಬಂಧ ಸಹ ನಡೆದಿದೆ.
ಇನ್ನು ತನ್ನೊಂದಿಗೆ ಮದುವೆಯಾಗುವಂತೆ ಆತ ಮದುವೆ ಪ್ರಸ್ತಾಪ ಸಹ ಮಾಡಿದ್ದಾನೆ. ಆದರೆ ಇದಕ್ಕೆ ಆಕೆ ನಿರಾಕರಣೆ ಮಾಡಿದ್ದರಿಂದ ಆಕ್ರೋಶಗೊಂಡ ವ್ಯಕ್ತಿ ಅಶ್ಲೀಲ ವಿಡಿಯೋ ವೈರಲ್ ಮಾಡುವ ಬೆದರಿಕೆ ಹಾಕಿದ್ದು, 5 ಲಕ್ಷ ರೂಪಾಯಿ ಹಣ ನೀಡುವಂತೆ ಬೇಡಿಕೆಯಿಟ್ಟಿದ್ದಾನೆ. ಇದೀಗ ಘಟನೆಗೆ ಸಂಬಂಧಿಸಿದಂತೆ ಪ್ರಕರಣ ದಾಖಲಾಗಿದ್ದು, ಪೊಲೀಸರು ತನಿಖೆ ನಡೆಸುತ್ತಿರುವುದಾಗಿ ಹೇಳಿದ್ದಾರೆ.
