ಕಾರ್ಗೂನ್(ಮಧ್ಯಪ್ರದೇಶ): ಬಾಲಿವುಡ್ ಸ್ಟಾರ್ ನಟಿ ದೀಪಿಕಾ ಪಡುಕೊಣೆ ಫೋಟೋ ಬಳಕೆ ಮಾಡಿಕೊಂಡು ನರೇಗಾ ಜಾಬ್ ಕಾರ್ಡ್ ರಚನೆ ಮಾಡಲಾಗಿದ್ದು, ಇದೀಗ ಜಿಲ್ಲಾ ಪಂಚಾಯ್ತಿ ಸೆಕ್ರೆಟರಿ ಸೇರಿ ಅನೇಕರ ಅಮಾನತುಗೊಳಿಸಲಾಗಿದೆ.
ಮಹಾತ್ಮ ಗಾಂಧಿ ರಾಷ್ಟ್ರೀಯ ಗ್ರಾಮೀಣ ಉದ್ಯೋಗ ಖಾತರಿ ಯೋಜನೆ (ಮನ್ರೇಗಾ) ಯೋಜನೆಯಡಿ ಮಧ್ಯಪ್ರದೇಶದ ಪಿಪಾರ್ಖೆಡಾ ನಾಕಾ ಪಂಚಾಯ್ತಿಯಲ್ಲಿ ಬಾಲಿವುಡ್ ನಟಿ ಫೋಟೋ ಬಳಕೆ ಮಾಡಿ ನಕಲಿ ಜಾಬ್ ಕಾರ್ಡ್ ರಚನೆ ಮಾಡಿದ್ದರು. ಈ ಅಕ್ರಮ ಹೊರಬರುತ್ತಿದ್ದಂತೆ ಇದೀಗ ಪಂಚಾಯತ್ ಅಧ್ಯಕ್ಷ ,ಕಾರ್ಯದರ್ಶಿ ಮತ್ತು ಸೆಕ್ರೆಟರಿ ಅಮಾನತು ಮಾಡಲಾಗಿದೆ.
ಗ್ರಾಮದಲ್ಲಿ 10ಕ್ಕೂ ಹೆಚ್ಚು ಜನರ ಹೆಸರಿಗೆ ದೀಪಿಕಾ ಪಡುಕೊಣೆ ಫೋಟೋ ಬಳಕೆ ಮಾಡಿಕೊಂಡು ಜಾಬ್ ಕಾರ್ಡ್ ರಚನೆ ಮಾಡಿದ್ದು, ಈ ಮೂಲಕ ಹಣ ತೆಗೆದುಕೊಳ್ಳಲಾಗುತ್ತಿತ್ತು ಎಂದು ತಿಳಿದು ಬಂದಿದೆ.
ಮೋನು ದುಬೆ ಎಂಬ ವ್ಯಕ್ತಿ ಹೆಸರಿನ ಜಾಬ್ ಕಾರ್ಡ್ನಲ್ಲಿ ಬಾಲಿವುಡ್ ನಟಿ ದೀಪಿಕಾ ಪಡುಕೋಣೆ ಅವರ ಭಾವಚಿತ್ರವಿದೆ. ಜತೆಗೆ ಮೋನು ದುಬೆ ಅಕೌಂಟ್ನಿಂದ 30 ಸಾವಿರೂ ಡ್ರಾ ಮಾಡಲಾಗಿದೆ. ಈ ಪ್ರಕರಣ ಹೊರಬರುತ್ತಿದ್ದಂತೆ ಜಿಲ್ಲಾಧಿಕಾರಿ ತನಿಖೆಗೆ ಆದೇಶ ಹೊರಡಿಸಿದ್ದರು. ಇದೀಗ ಮನ್ರೇಗಾದಲ್ಲಿ ಲಕ್ಷಾಂತರ ರೂ. ಅವ್ಯವಹಾರ ನಡೆದಿರುವುದು ಬೆಳಕಿಗೆ ಬಂದಿದೆ.
