ಒಂದೊಳ್ಳೆ ಸುದ್ದಿ: ಕೊರೊನಾ ಪೀಡಿತ ಪತ್ರಕರ್ತ ಹಾಗು ಮಗಳು ಗುಣಮುಖ; ಅಸ್ಪತ್ರೆಯಿಂದ ಡಿಸ್ಚಾರ್ಜ್

ಭೋಪಾಲ್​ನಲ್ಲಿ ತಂದೆ ಮತ್ತು ಮಗಳ ವರದಿ ನೆಗೆಟಿವ್ ಎಂದು​ ಬಂದಿರುವುದು ಎಲ್ಲರೂ ನೆಮ್ಮದಿಯ ನಿಟ್ಟುಸಿರು ಬಿಡುವಂತೆ ಮಾಡಿದೆ.

ಭೋಪಾಲ್​​(ಮಧ್ಯಪ್ರದೇಶ): ಕಳೆದ ಕೆಲ ದಿನಗಳ ಹಿಂದೆ ಲಂಡನ್​ನಿಂದ ವಾಪಸ್​ ಆಗಿದ್ದ ಮಹಿಳೆ ಹಾಗೂ ಪತ್ರಕರ್ತರಾಗಿದ್ದ ಆಕೆಯ ತಂದೆಯಲ್ಲಿ ಕೊರೊನಾ ಪಾಸಿಟಿವ್​ ಕಾಣಿಸಿಕೊಂಡಿತ್ತು. ಹೀಗಾಗಿ ಇಬ್ಬರನ್ನೂ ಆಸ್ಪತ್ರೆಗೆ ದಾಖಲಿಸಿ ವಿಶೇಷ ನಿಗಾದಲ್ಲಿ ಚಿಕಿತ್ಸೆ ನೀಡಲಾಗುತ್ತಿತ್ತು. ಇದೀಗ ಅವರು ಸಂಪೂರ್ಣವಾಗಿ ಗುಣಮುಖರಾಗಿದ್ದು ಆಸ್ಪತ್ರೆಯಿಂದ ಮನೆಗೆ ಮರಳಿದ್ದಾರೆ.

ಭೋಪಾಲ್​ನ AIIMS ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ಇಬ್ಬರ ಮೆಡಿಕಲ್ ರಿಪೋರ್ಟ್‌ ನೆಗೆಟಿವ್ ಎಂದು​ ಬಂದಿದೆ. ಮಾರ್ಚ್​ 21ರಂದು ಈ ಮಹಿಳೆಯಲ್ಲಿ ಕೊರೊನಾ ವೈರಸ್​ ಪಾಸಿಟಿವ್​ ಕಾಣಿಸಿಕೊಂಡಿತ್ತು. ಬಳಿಕ ತಂದೆಯಲ್ಲೂ ರೋಗದ ಲಕ್ಷಣಗಳು ಕಾಣಿಸಿಕೊಂಡಿದ್ದವು. ಹೀಗಾಗಿ ಇಬ್ಬರನ್ನೂ​ ಆಸ್ಪತ್ರೆಗೆ ದಾಖಲಿಸಲಾಗಿತ್ತು.