ಕೋವಿಡ್ ಮಹಾಮಾರಿಗೆ ಅಸ್ಸೋಂ ಸಿಂಗರ್​​ ವಿಟಾಲಿ ದಾಸ್​ ಬಲಿ!

ಮಹಾಮಾರಿ ಕೊರೊನಾ ವೈರಸ್​ಗೆ ಇದೀಗ ಅಸ್ಸೋಂ ಸಿಂಗರ್​ ವಿಟಾಲಿ ದಾಸ್​ ಬಲಿಯಾಗಿದ್ದಾರೆ. ಕಳೆದ ಕೆಲ ದಿನಗಳಿಂದ ಅವರು ಸೋಂಕಿಗೆ ಚಿಕಿತ್ಸೆ ಪಡೆದುಕೊಳ್ಳುತ್ತಿದ್ದರು.

ಗುವಾಹಟಿ(ಅಸ್ಸೋಂ): ಜನಪ್ರೀಯ ಹಾಡುಗಾರ್ತಿ ವಿಟಾಲಿ ದಾಸ್ ಮಹಾಮಾರಿ ಕೊರೊನಾ ವೈರಸ್​ಗೆ ಬಲಿಯಾಗಿದ್ದಾರೆ. ಕೊರೊನಾ ಸೋಂಕಿಗೊಳಗಾಗಿದ್ದ ವಿಟಾಲಿ ಏಪ್ರಿಲ್​ 14ರಿಂದ ಚಿಕಿತ್ಸೆ ಪಡೆದುಕೊಳ್ಳುತ್ತಿದ್ದರು. ಆದರೆ, ಅವರ ಆರೋಗ್ಯ ಸ್ಥಿತಿ ಗಂಭೀರಗೊಂಡಿದ್ದ ಕಾರಣ ಐಸಿಯುನಲ್ಲಿ ಚಿಕಿತ್ಸೆ ನೀಡಲಾಗುತ್ತಿತ್ತು.

ಗುವಾಹಟಿಯ ಕಲ್ಪಾಹರ್​ ಕೋವಿಡ್ ಕೇರ್​ ಸೆಂಟರ್​​ನಲ್ಲಿ ಚಿಕಿತ್ಸೆ ಪಡೆದುಕೊಳ್ಳುತ್ತಿದ್ದ ಸಿಂಗರ್​ ಚಿಕಿತ್ಸೆ ಫಲಕಾರಿಯಾಗದೇ ಸಾವನ್ನಪ್ಪಿದ್ದಾರೆ. ಅಸ್ಸೋಂನ ಪ್ರಮುಖ ಹಾಡುಗಾರ್ತಿಯಾಗಿದ್ದ ವಿಟಾಲಿ ದಾಸ್​​ ಅನೇಕ ಜನಪ್ರೀಯ ಹಾಡುಗಳನ್ನ ಹಾಡಿದ್ದು, ಎಲ್ಲರಿಂದಲೂ ಮೆಚ್ಚುಗೆಗೆ ಪಾತ್ರರಾಗಿದ್ದರು.

ಕಳೆದ ಕೆಲ ದಿನಗಳಿಂದ ಅಸ್ಸೋಂನಲ್ಲಿ ಎರಡನೇ ಹಂತದ ಕೋವಿಡ್​ ಪ್ರಕರಣ ಹೆಚ್ಚಾಗುತ್ತಿದ್ದು, ಅನೇಕರು ಡೆಡ್ಲಿ ವೈರಸ್​ಗೆ ಬಲಿಯಾಗುತ್ತಿದ್ದಾರೆ.