ಆಸ್ಪತ್ರೆ ಲ್ಯಾಬ್‌ನಲ್ಲಿ ಬೆಂಕಿ.. ಹೊಗೆಯಿಂದಾಗಿ ಮೂವರು ರೋಗಿಗಳು ಸೇರಿ ಐವರು ಅಸ್ವಸ್ಥ!

ಆಸ್ಪತ್ರೆ ಬಳಿಯ ಲ್ಯಾಬ್​ವೊಂದರಲ್ಲಿ ಬೆಂಕಿ ಕಾಣಿಸಿಕೊಂಡ ಪರಿಣಾಮ ಹೊಗೆ ಆವರಿಸಿಕೊಂಡಿದೆ. ಹೊಗೆ ಹಿನ್ನೆಲೆ ಮೂವರು ರೋಗಿಗಳು ಸೇರಿದಂತೆ ಐವರು ಅಸ್ವಸ್ಥಗೊಂಡಿರುವ ಘಟನೆ ಗುಜರಾತ್​ನ ಜುನಾಗಢದಲ್ಲಿ ನಡೆದಿದೆ.

ಜುನಾಗಢ: ಇಂದು ಬೆಳ್ಳಂಬೆಳಗ್ಗೆ ಖಾಸಗಿ ಆಸ್ಪತ್ರೆಯೊಂದರ ಪಕ್ಕದ ಲ್ಯಾಬ್‌ನಲ್ಲಿ ಬೆಂಕಿ ಕಾಣಿಸಿಕೊಂಡ ಪರಿಣಾಮ ಆಸ್ಪತ್ರೆಯ ತುಂಬಾ ಹೊಗೆ ಆವರಿಸಿಕೊಂಡು ಐವರು ಅಸ್ವಸ್ಥರಾಗಿರುವ ಘಟನೆ ನಗರದಲ್ಲಿ ನಡೆದಿದೆ.

ಹೌದು, ಖಾಸಗಿ ಆಸ್ಪತ್ರೆಯ ಬಳಿಯ ಲ್ಯಾಬ್​ವೊಂದರಲ್ಲಿ ಬೆಂಕಿ ಕಾಣಿಸಿಕೊಂಡ ಪರಿಣಾಮ ಆಸ್ಪತ್ರ ತುಂಬೆಲ್ಲ ಹೊಗೆ ಆವರಿಸಿಕೊಂಡಿದೆ. ಹೊಗೆ ಹಿನ್ನೆಲೆ ಮೂವರು ರೋಗಿಗಳು ಮತ್ತು ಇಬ್ಬರು ವ್ಯಕ್ತಿಗಳು ಸೇರಿ ಐವರಿಗೆ ಉಸಿರಾಟದ ತೊಂದರೆಯಾಗಿದೆ. ಕೂಡಲೇ ಅವರನ್ನೆಲ್ಲ ಚಿಕಿತ್ಸೆಗಾಗಿ ಮತ್ತೊಂದು ಆಸ್ಪತ್ರೆಗೆ ರವಾನಿಸಲಾಗಿದೆ ಎಂದು ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ

ಓದಿ:ರಾಮಾನುಜಾಚಾರ್ಯರ 1000ನೇ ಜಯಂತಿ: ಫೆ.2 ರಿಂದ ಪ್ರಾರಂಭವಾಗುವ ಉತ್ಸವಗಳಿಗೆ ಮುತ್ತಿನ ನಗರಿ ಸಜ್ಜು

ಒಟ್ಟು ಹತ್ತು ಮಂದಿ ರೋಗಿಗಳನ್ನು ರಕ್ಷಿಸಿ ಸಿವಿಲ್ ಆಸ್ಪತ್ರೆಗೆ ರವಾನಿಸಲಾಗಿದೆ. ಬೆಂಕಿ ಹೊತ್ತಿಕೊಂಡ ಲ್ಯಾಬ್​ ಆಸ್ಪತ್ರೆಯು ಕಾರ್ಯನಿರ್ವಹಿಸುತ್ತಿದ್ದ ಅದೇ ಮಹಡಿಯಲ್ಲಿದೆ ಎಂದು ಅವರು ಹೇಳಿದರು.

ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ