ಕಾಶ್ಮೀರ: ಲಷ್ಕರ್-ಇ-ತೈಬಾದ ಮೂವರು ಉಗ್ರರನ್ನು ಭಾನುವಾರ ಪುಲ್ವಾಮದ ಡ್ರಬ್‌ಗಮ್‌ ಎಂಬಲ್ಲಿ ಜಮ್ಮು ಕಾಶ್ಮೀರ ಪೊಲೀಸರು ಹೊಡೆದುರುಳಿಸಿದ್ದಾರೆ. ಈ ಕಾರ್ಯಾಚರಣೆ ಶನಿವಾರ ರಾತ್ರಿಯಿಂದ ಆರಂಭವಾಗಿದ್ದು ಸುಮಾರು 12 ಗಂಟೆಗಳ ನಡೆದಿದೆ. ಹತ್ಯೆಯಾದ ಮೂವರನ್ನು ಜುನೈದ್‌ ಶೀರ್‌ಗೋಜ್ರಿ, ಫಾಜಿಲ್‌ ನಜೀರ್ ಭಟ್‌ ಮತ್ತು ಇರ್ಫಾನ್‌ ಅಹ್ ಮಲಿಕ್ ಎಂದು ಪೊಲೀಸರು ಗುರುತಿಸಿದ್ದಾರೆ.
ಈ ಕುರಿತು ಮಾಹಿತಿ ನೀಡಿದ ರಾಜ್ಯ ಪೊಲೀಸ್ ಮಹಾನಿರ್ದೇಶಕ ವಿಜಯ್ ಕುಮಾರ್, 'ಹತ್ಯೆಯಾದ ಎಲ್ಲಾ ಉಗ್ರರು ಸ್ಥಳೀಯ ನಿವಾಸಿಗಳೇ ಆಗಿದ್ದು, ಲಷ್ಕರ್-ಇ-ತೈಬಾ ಸಂಘಟನೆಯೊಂದಿಗೆ ಸಂಬಂಧ ಹೊಂದಿದ್ದರು. ಈ ಪೈಕಿ ಜುನೈದ್‌ ಶೀರ್‌ಗೋಜ್ರಿ ಮೇ 13ರಂದು ನಮ್ಮ ಸಹೋದ್ಯೋಗಿ ಅಧಿಕಾರಿ ರಿಯಾಜ್ ಅಹಮ್ಮದ್‌ರನ್ನು ಕೊಂದು ಹಾಕಿದ್ದ' ಎಂದು ಮಾಹಿತಿ ನೀಡಿದರು. ಉಗ್ರರಿಂದ ಸ್ಫೋಟಕಗಳು, ಎಕೆ 47 ರೈಫಲ್ಸ್‌, ಪಿಸ್ತೂಲ್‌ ಸೇರಿದಂತೆ ಇತರೆ ಶಸ್ತ್ರಾಸ್ತ್ರಗಳನ್ನು ವಶಪಡಿಸಿಕೊಳ್ಳಲಾಗಿದೆ.
ಇದನ್ನೂ ಓದಿ: ಜಮ್ಮು-ಕಾಶ್ಮೀರದ ಶೋಪಿಯಾನ್ನಲ್ಲಿ ಯೋಧರ ಗುಂಡೇಟಿಗೆ ಉಗ್ರ ಬಲಿ
