ಒಂದೇ ದಿನ 10.93 ಲಕ್ಷ ಕೋವಿಡ್​ ವ್ಯಾಕ್ಸಿನ್​​: 48 ದಿನಗಳಲ್ಲಿ ____ ಕೋಟಿ ಲಸಿಕೆ ಹಾಕಿದ​ ಭಾರತ!

ಭಾರತದಲ್ಲಿ ಕಳೆದ 48 ದಿನಗಳಿಂದ ಭಾರತದಲ್ಲಿ ಕೋವಿಡ್​ ವ್ಯಾಕ್ಸಿನ್ ನೀಡುವ ಕಾರ್ಯ ಆರಂಭಗೊಂಡಿದ್ದು, ಮೊದಲನೇ ಹಂತ ಸಂಪೂರ್ಣವಾಗಿ ಮುಕ್ತಾಯಗೊಂಡು ಮಾರ್ಚ್​ 1ರಿಂದ 2ನೇ ಹಂತದ ಅಭಿಯಾನ ಆರಂಭಗೊಂಡಿದೆ.

ನವದೆಹಲಿ: ಕೇಂದ್ರ ಆರೋಗ್ಯ ಇಲಾಖೆ ಇಂದು ಬರೋಬ್ಬರಿ 10.93 ಲಕ್ಷ ಕೋವಿಡ್​ ವ್ಯಾಕ್ಸಿನ್​ ನೀಡಿದ್ದು, ಕಳೆದ 48 ದಿನಗಳಲ್ಲಿ 1.77 ಕೋಟಿಗೂ ಅಧಿಕ ಡೋಸ್​​ ನೀಡಿದೆ.

ಪ್ರಮುಖವಾಗಿ 68,38,077 ಆರೋಗ್ಯ ಸಿಬ್ಬಂದಿಗೆ ವ್ಯಾಕ್ಸಿನ್​ ನೀಡಲಾಗಿದ್ದು, 60,22,136 ಮುಂಚೂಣಿ ಕಾರ್ಯಕರ್ತರು,14,95,016 ಡೋಸ್​ 60 ವರ್ಷ ಮೇಲ್ಪಟ್ಟವರಿಗೆ ಹಾಗೂ 2,18,939 ಡೋಸ್ 45 ವಯಸ್ಸು ಮೇಲ್ಪಟ್ಟವರಿಗೆ ನೀಡಲಾಗಿದೆ ಎಂದು ಕೇಂದ್ರ ಆರೋಗ್ಯ ಇಲಾಖೆ ತಿಳಿಸಿದೆ.

ಜನವರಿ 16ರಿಂದ ದೇಶಾದ್ಯಂತ ಕೋವಿಡ್​ ವ್ಯಾಕ್ಸಿನ್ ನೀಡುವ ಕಾರ್ಯ ಆರಂಭಗೊಂಡಿದ್ದು, ಮೊದಲನೇ ಹಂತ ಮುಕ್ತಾಯಗೊಂಡು ಇದೀಗ ಮಾರ್ಚ್​ 1ರಿಂದ 2ನೇ ಹಂತದ ಅಭಿಯಾನ ಆರಂಭಗೊಂಡಿದೆ. ಇಲ್ಲಿಯವರೆಗೆ 1,77,11,287 ಜನರಿಗೆ ವ್ಯಾಕ್ಸಿನ್ ನೀಡಲಾಗಿದೆ ಎಂದು ಆರೋಗ್ಯ ಇಲಾಖೆ ಹೇಳಿಕೊಂಡಿದೆ.