जल्द उत्तराखंड दौरा पर आला पीएम मोदी और राहुल गांधी: प्रधानमंत्री नरेंद्र मोदी(PM Modi Uttarakhand visit ) और कांग्रेस नेता राहुल गांधी जल्द ही उत्तराखंड दौरे पर ऐ सकदन. बथये जांणू च की पीएम मोदी लोहाघाट स्थित अद्वैत मायावती आश्रम(PM Modi will visit Advait Mayawati Ashram) कु दौरा करला. दगड़ा मा ही राहुल गांधी भी नैनीताल का हैड़ाखान आश्रम(Rahul Gandhi visit Haidakhan Ashram) पौंछला. यू द्वी नेता यू आश्रमूं मा ध्यान लगाला. हालांकि, अभी तक द्वी नेताऊं का दौरा थै लेकी क्वी भी आधिकारिक जानकारी नी च.
हल्द्वानी अतिक्रमण मामला मा SC बटी राहत: सुप्रीम कोर्ट न हल्द्वानी अतिक्रमण मामला मा बड़ी राहत दिनी. हल्द्वानी मा अतिक्रमण पर फिलहाल बुलडोजर नी चललू. सुप्रीम कोर्ट न नैनीताल हाईकोर्ट का आदेश पर रोक लगयेली. सुप्रीम कोर्ट न हाईकोर्ट का आदेश पर रोक लगै की उत्तराखंड सरकार और भारतीय रेलवे से मामला मा जवाब मांगी. सुप्रीम कोर्ट मा अब ये मामला मा 7 फरवरी कु अगली सुणवै होली.
जोशीमठ बचौणौ चमोली प्रशासन कु बड़ू फैसला: चमोली जिला का जोशीमठ मा जमीन धंसणौ सिलसिला लगातार बढ़णू च. पिछला साल नवंबर बटी ही जोशीमठ मा जमीन धंसणा च, ज्या का कारण घौरुं मा दरार औंणी छन. जोशीमठ मा भू-धंसाव की समस्या थै देखी जिला प्रशासन न एक बड़ू फैसला लिनी. जिला प्रशासन न हेलंग बाईपास और एनटीपीसी तपोवन विष्णुगाड़ जल विद्युत परियोजना का निर्माण कार्यूं पर रोक लगयेली. या रोक अग्रिम आदेशूं तक जारी राली.
उधमसिंह नगर थै विकासै सौगात: मुख्यमंत्री पुष्कर सिंह धामी आज उधम सिंह नगर जनपद का दौरा पर रैन. सीएम धानी न गदरपुर और खटीमा मा ₹265 करोड़ै लागत से बण्यां बाईपास कु सीएम धामी और केंद्रीय सड़क एवं परिवहन मंत्री नितिन गडकरी (Union Road and Transport Minister Nitin Gadkari) न उद्घाटन करी. दगड़ा मा ही मुख्यमंत्री पुष्कर सिंह धामी (CM Pushkar Singh Dhami) और केंद्रीय रक्षा राज्य मंत्री अजय भट्ट न ₹95 करोड़ से अधिकै विभिन्न विकास योजनाऊं कु भी शिलान्यास करी.
नार्को टेस्ट पर 10 जनवरी कु फैसला: अंकिता हत्याकांड मामला (ankita murder case) मा नार्को टेस्ट पर अब 10 जनवरी कु सुणवै होली. ये मामला मेा पैली 3 और फिर पांच जनवरी कु सुणवै की तिथि नियत करे गी छै, लेकिन यां का बाद भी नार्को टेस्ट पर फैसला नहीं ह्वे साकी. आज ये मामला मा अभियोग पक्ष का अधिवक्ता न और टैम मांगी, ज्या का बाद अब ये मामला मा 10 जनवरी (Decision on narco test in Ankita murder case) कु सुणवै होली.
देहरादून मा स्पा सेंटरै की आड़ मा सेक्स रैकेट: देहरादून का राजपुर रोड क्षेत्र मा स्पा सेंटरै आड़ मा देह व्यापार कु मामला समणि ऐ. मामला मा एंटी ह्यूमन ट्रैफिकिंग यूनिट और डालनवाला पुलिस न 11 महिलाऊं समेत 13 लोखूं थै गिरफ्तार करी, ज्या मा स्पा सेंटर संचालक और प्रबंधक भी शामिल छन. मौके पर स्पा सेंटर बटी आपत्तिजनक सामग्री और धनराशि भी बरामद करे गी. पुलिस न सभी आरोपियूं का खिलाफ अनैतिक व्यापार निवारण अधिनियम का तहत मुकदमा दर्ज कर कोर्ट मा पेश करी, जख बटी सब्यूं थै जेल भेजे गी.
प्रदेशभर मा खुलेला 14 क्रिटिकल केयर ब्लॉक: सड़क दुर्घटनाऊं मा घायलूं और अन्य गंभीर बीमारियूं से ग्रसित मरीजूं का बेहतर इलाज थै प्रदेश भर मा 14 क्रिटिकल केयर ब्लॉक स्थापित किये जाला. यां का पैला चरण मा सात जिलों मा क्रिटिकल केयर ब्लाक बणौणै डीपीआर भी तैयार ह्ववे गी. यूं जिलों मा चमोली, चंपावत, बागेश्वर, पौड़ी, नैनीताल, रुद्रप्रयाग, उत्तरकाशी शामिल छन. स्वास्थ्य मंत्री डॉ. धन सिंह रावत न सबी अधिकारियूं थै क्रिटिकल केयर ब्लाक का काम मा तेजी लौणा निर्देश दिनीन.
Uttarakhand Board Exam 2023 परीक्षा : उत्तराखंड विद्यालयी शिक्षा परिषद द्वारा संचालित हाई स्कूल और इंटरमीडिएट बोर्ड परीक्षाऊं थै लेकी बोर्डे बैठक (Meeting regarding 2023 board exams) ह्वे. बैठकै अध्यक्षता परिषद निदेशक आरके कुंवर (Council Director RK Kunwar) न करी. ईं बैठक मा प्रदेश भर का मुख्य शिक्षा अधिकारियूं न प्रतिभाग करी. ये दौरान आरके कुंवर न बथै साल 2023 मा संपन्न होंण वाली बोर्डै प्रैक्टिकल परीक्षा फरवरी मा आयोजित होली, जबकि लिखित परीक्षाएं मार्च व अप्रैल मा होली.
जनवरी मा शुरू ह्ले सकदी जनगणना: उत्तराखंड मा जनगणना अगला साल जनवरी मा शुरू ह्ले सकदी. जनगणनै 2021 की शुरुआत अप्रैल 2020 से होंण छै, लेकिन कोरोना का कारण या जमगणना रुक गी छै. अब भारत का महा रजिस्ट्रार कार्यालय की ओर से या प्रक्रिया दोबारा शुरू होंण वाली च. अबरी जनगणना डिजिटल होली. यां का तहत मोबाइल एप का माध्यम से जनगणना मा हिस्सा लिये जै सकलू. पैली बार डिजिटल मोड मा जनगणना होंणी.
