ऋषभ पंत का फैन्स थै अच्छी खबर: भारतीय क्रिकेटर ऋषभ पंत का फैन्स थै अच्छी खबर च. ताजा जानकारी का मुताबिक ऋषभ पंतै हालत पैली से बेहतर च. ऋषभ पंत थै क्वी बड़ी इंजरी नी च. ज्या का बाद ऋषभ पंत थै एयरलिफ्ट कन्नै संभावना बहुत कम च. ई कड़ी मा आज सुबेर अभिनेता अनिल कपूर और अनुपम खेर भी आज मैक्स अस्पताल पौंछिन. यख द्वी अभिनेताऊं न ऋषभ पंत दगड़ि मुलाकात करी. द्वी अभिनेताऊं न बथै ऋषभ पंत बिल्कुल ठीक छन. ऊंन बोली वु भगवान से प्रार्थना करदन की पंत जल्द ही स्वस्थ हों.
ऋषभ पंत से मिलीन DDCA डायरेक्टर: देहरादून का मैक्स हॉस्पिटल बटी ऋषभ पंत (Rishabh Pant latest news) थै एयरलिफ्ट करे जालू या नी करे जालू, यां कु फैसला बीसीसीआई करली. अबी डीडीसीए का डॉक्टरुं की टीम भी ऋषभ पंतै मेडिकल रिपोर्टौ अध्ययन कन्नी च. यां का बाद ही बीसीसीआई अगनै क्वी निर्णय ल्याली. डीडीसीए निदेशक श्याम सुंदर शर्मा आज ऋषभ पंत से मिन्नौ पौंछिन. ज्यां का बाद ऊंन या जानकारी दिनी.
Rishabh Pant Accident का घटनास्थल पौंछि केंद्रीय जांच टीम: क्रिकेटर ऋषभ पंतै कार दुर्घटना (Rishabh Pant car accident) का कारणूं की जांच थै केंद्रीय टीम नारसन बॉर्डर(Central investigation team reached Narsan border) पौंछि. ईं जांच टीम मा देश का बड़े एक्सपर्ट शामिल छन, यू एक्सपर्ट दुर्घटना का कारण और भविष्य मा वे से बचाव का बारे मा एक विस्तृत रिपोर्ट बंणाला, ज्या का बाद या रिपोर्ट केंद्र सरकार थै सौंपे जाली. जांच टीम मा एनएच, रुड़की परिवहन विभाग, यातयात पुलिस, मंगलौर पुलिस का अधिकारी भी शामिल छन.
उत्तरकाशी मा गुब्बारौं दगड़ि मिलिन पाकिस्तानी झंडा: उत्तरकाशी मा चिन्यालीसौड़ का तुलियाडा गौं (Uttarkashi Tuliada Village) की झाड़ियूं मा गुब्बारौं (Uttarkashi Pakistan Balloons) दगड़ि पाकिस्तानी झंडे मिली. यां का अलावा उर्दू मा लिख्यां बैनर भी मौका पर मिलिन, ई घटना का बाद खुफिया एजेंसियां सतर्क ह्वे गीन. ऊ घटना की जानकारी स्थानीय लोखूं न पुलिस थै दिनी. बैनर मा लाहौर बार एसोसिएशन लिख्यूं छौ. बथै द्या उत्तरकाशी जिला सामरिक महत्व से काफी संवदनशील च.
विंटर लाइन कार्निवाल कु समापन: मसूरी मा आज विंटर लाइन कार्निवाल (Mussoorie Winter Line Carnival) कु समापन ह्वे गी. समापन समारोह का मौका पर विंटर लाइन कार्निवाल मा सांस्कृतिक संध्या कु आयोजन करे गी. ज्या मा शिमला का पहाड़ी कलाकार विक्की चौहान (Vicky Chauhan in Winter Line Carnival) न प्रस्तुति दिनी. विक्की चौहान का एक का बाद हिट गाणौं से दर्शक झूमण पर मजबूर ह्वे गीन.
दिल्ली की तर्ज पर रानीपोखरी मा बणली भव्य एरोसिटी: डोईवाला का रानीपोखरी मा दिल्ली की एरोसिटी की तर्ज एरोसिटी बणये जाली. या की कवायद तेज ह्वे गी. जौलीग्रांट एयरपोर्ट का आसपास ई परियोजना थै जमीनै तलाशी किये जांणी च. रानीपोखरी ग्राम पंचायत मा स्थित रेशम विभागै खाली पड़ी 60 बीघा जमीन थै एरोसिटी का चयनै प्रक्रिया चन्नी च, अगर यां कु थै ई जमीनौ चयन ह्वे जांदू त जल्द ही यख एरोसिटी कु काम शूरू ह्वे जालू. एरोसिटी का तहत फाइव स्टार होटल, मॉल, कैफे, रेस्टोरेंट, सड़क से लेका सबी अत्याधुनिक सुविधा यख उपलब्ध करये जाली.
नया साल का जश्न थै तैयार नैनीताल: थर्टी फर्स्ट और न्यू ईयर का जश्न थै लेकी नैनीताल पूरी तरह से तैयार (New Year Celebration in Nainital) ह्वे गी. नैनीताल का करीब 90 फीसदी होटल बुक ह्वे गीन. नैनीताल शहर थै खूबसूरत लाइटों से सजये गी. नैनीताल मा लगातार पर्यटकूं की आवाजाही जारी च. नए साल का जश्न थै पुलिस और प्रशासन न भी तैयारी पूरी करेन. यां का अलावा नैनीताल, हल्द्वानी और रामनगर थै भी ट्रैफिक प्लान जारी करे गी.
प्रदेशभर मा खुलेला 14 क्रिटिकल केयर ब्लॉक: सड़क दुर्घटनाऊं मा घायलूं और अन्य गंभीर बीमारियूं से ग्रसित मरीजूं का बेहतर इलाज थै प्रदेश भर मा 14 क्रिटिकल केयर ब्लॉक स्थापित किये जाला. यां का पैला चरण मा सात जिलों मा क्रिटिकल केयर ब्लाक बणौणै डीपीआर भी तैयार ह्ववे गी. यूं जिलों मा चमोली, चंपावत, बागेश्वर, पौड़ी, नैनीताल, रुद्रप्रयाग, उत्तरकाशी शामिल छन. स्वास्थ्य मंत्री डॉ. धन सिंह रावत न सबी अधिकारियूं थै क्रिटिकल केयर ब्लाक का काम मा तेजी लौणा निर्देश दिनीन.
Uttarakhand Board Exam 2023 परीक्षा : उत्तराखंड विद्यालयी शिक्षा परिषद द्वारा संचालित हाई स्कूल और इंटरमीडिएट बोर्ड परीक्षाऊं थै लेकी बोर्डे बैठक (Meeting regarding 2023 board exams) ह्वे. बैठकै अध्यक्षता परिषद निदेशक आरके कुंवर (Council Director RK Kunwar) न करी. ईं बैठक मा प्रदेश भर का मुख्य शिक्षा अधिकारियूं न प्रतिभाग करी. ये दौरान आरके कुंवर न बथै साल 2023 मा संपन्न होंण वाली बोर्डै प्रैक्टिकल परीक्षा फरवरी मा आयोजित होली, जबकि लिखित परीक्षाएं मार्च व अप्रैल मा होली.
