उत्तराखंड मा इगास पर्व पर रालु राजकीय अवकाश: प्रदेश मा इगास बग्वाल पर्व पर रालु राजकीय अवकाश, मुख्यमंत्री पुष्कर सिंह धामी ना बग्वाल पर छुट्टी की करि घोषणा, दिवली का 11 दिन बाद उत्तराखंड मा मनै जादुं च लोकपर्व इगास, मुख्यमंत्री ना बोली- नई पीढ़ी थै लोकसंस्कृति से रूबरू कराणा कू च उद्देश्य, उत्तराखंड मा धूमधाम से मनै जालु इगास कू पर्व.
उत्तराखंड मा आतिशबाजी से बढ़ी वायु प्रदूषण: दिवली मा आतिशबाजी का चलदा खतरनाक स्तर पर पौंचि वायु प्रदूषण, राजधानी देहरादून समेत कई शहरों में एयर क्वालटी इंडेक्स कू आंकड़ा पौंचि 250 का पार, श्वास संबंधी मरीजों थै सांस लिणा मा हुणी च परेशानी, कई जिलों मा दिवली की राति लौखु ना जमकर करि आतिशबाजी जैसे उत्तराखंड मा बढ़ी वायु प्रदूषण.
कमलेश्वर मंदिर मा 6 नंवबर का दिन होलु खडू़ दीया अनुष्ठान: श्रीनगर गढ़वाल स्थित प्राचीन कमलेश्वर मंदिर मा आगामी 6 नवंबर का दिन होलु खड़ू दीया अनुष्ठान, निसंतान दंपति संतान की कामना थै लेकि बैकुंठ चतुर्दशी का दिन करदा छिन खडू़ दीया अनुष्ठान, अब तक 119 दंपत्तियों ना अनुष्ठान खुण कराई रजिस्ट्रेशन, वखि ये अनुष्ठान थै लेकि मंदिर प्रशासन की तैयारियां जोरों पर.
प्रदेश की खस्ताहाल सड़कों कू सीएम ना ल्याई संज्ञान: उत्तराखंड मा खस्ताहाल सड़कों पर मुख्यमंत्री ना अपनाई सख्त रूख, संबंधित अधिकारियों से हफ्ता का भीतर गड्ढा मुक्त सड़कों की मांगी स्टेटस रिपोर्ट, सीएम धामी ना पूछी- प्रदेश की सड़कों थै गड्ढा मुक्त बनाणा खुण अब ह्वाई कितगा काम और बरसात का बाद कितगा सड़कों की किये ग्या मरम्मत, सीए का ये आदेश का बाद अधिकारियों की हालत खराब.
यूपी का मंत्री जितिन प्रसाद पौंचिन नानकमत्ता गुरुद्वारा: यूपी का लोक निर्माण मंत्री जितिन प्रसाद आज पौंचिन उधमसिंह नगर, जैका बाद मंत्री जितिन प्रसाद ना नानकमत्ता साहिब मा टेकी मत्था और देश की जनता की खुशहाली खुण करि अरदास, ये दौरान मंत्री जितिन प्रसाद ना तीर्थयात्रियों और गुरुद्वारा कमेटी से भी करि बातचीत.
पूर्व डीजीपी समेत सात लौखु पर मुकदमा दर्ज: देहरादून मा जमीन कब्जाणा का मामला मा बढ़िन उत्तराखंड का पूर्व डीजीपी बीएस सिद्धू की मुश्किलें, राजपुर थाना पुलिस ना ये मामला मा बीएस सिद्धू समेत सात लौखु का खिलाफ मुकदमा करि दर्ज, शासन से अनुमति मिना का बाद ये मामला की मसूरी सीओ जूही मनराल थै सौंपे ग्या जांच.
हिमस्खलन मा लापता प्रशिक्षुओं थै ढूंढलु अब जीपीआर: उत्तरकाशी का द्रौपदी डांडा मा हुयां हिमस्खलन मा लापता द्वि प्रशिक्षु पर्वतारोहियों कू अबतक नहीं लगी कुई सुराग, यन मा अब निम ग्राउंड पेनेट्रेटिंग रडार से करलि द्विया लापता प्रशिक्षु की खोज, खासतौर से बेंगलुरु बटि निम ना मंगाई यू रडार. मिट्टी, चट्टान, मलबा, बर्फ, पानी और कंक्रीट की सतह पर मौजूद चीजों कू पता लगाण मा मददगार साबित होलु यू उपकरण.
जौलीग्रांट एयरपोर्ट पर जवानों ना ड्राइवर दगणि करि मारपीट: जौलीग्रांट एयरपोर्ट पर एक प्राइवेट गाड़ी मा सवारी बैठाण थै लेकि ह्वाई विवाद, जैका बाद सीआईएसएफ का जवानों ना स्थानीय टैक्सी यूनियन का ड्राइवर दगणि करि मारपीट, वखि घटना का बाद से टैक्सी यूनियन मा आक्रोश, विरोध स्वरूप जौलीग्रांट एयरपोर्ट पर टैक्सी कू संचालन करि बंद.
दिवली मा आतिशबाजी का चलदा कई जगह लगी आग: दिवली मा आतिशबाजी का चलदा रुड़की शहर मा जगह-जगह आग लगणा की घटनाएं ऐनि समणी, जैका चलदा दमकल विभाग की टीम रातभर हुणी राई भागदौड़, वखि आग लगणा की घटनाओं से ह्वाई भारी नुकसान, हालांकि, आग से जनहानि की कुई सूचना नि च, छिटपुट आग की घटनाओं पर लौखु ना पाई काबू.
रुद्रपुर मा मामूली विवाद मा युवक की मौत: रुद्रपुर मा पटखा फुड़न थै लेकि हुयां विवाद ना लेयि खूनी रूप, एक युवक ना दूसरा युवक पर करि फायरिंग, जैसे युवक की घटनास्थल पर ही दर्दनाक मौत, डीएम और एसएसपी कार्यालय से कुछ ही दूरी पर ह्वाई घटना, वारदात का बाद से फरार च आरोपी.
