1. 2025 का भ्रष्टाचार मुक्त बड़लु उत्तराखंड- सीएम धामी: मुख्यमंत्री पुष्कर सिंह धामी ना सुशासन, पारदर्शी एवं भ्रष्टाचार मुक्त उत्तराखंड का संबंध मा एक कार्यक्रम मा करि शिरकत, ये मौका पर सीएम धामी ना विजिलेंस खुण 2 करोड़ रुपये कू रिवॉल्विंग फंड की करि घोषणा, सीएम धामी ना बोली- 2025 तक भ्रष्टाचार मुक्त बड़लु उत्तराखंड.
2. राज्य मा बंद ह्वेलि सिंगल यूज प्लास्टिक मैन्युफेक्चरिंग: आज सचिवालय मा सीएम धामी की अध्यक्षता मा राज्य स्तरीय उद्योग मित्र समिति की बैठक किये ग्या आयोजित, राज्य मा सिंगल यूज प्लास्टिक का विकल्प का तौर पर तैयार किये ग्या पॉलिसी, जैसे सिंगल यूज प्लास्टिक मैन्युफेक्चरिंग उद्योग से जुड़या लौखु थै वैकल्पिक उद्योगों मा कार्य कन मा मिललि मदद.
3. यशपाल आर्य ना धामी सरकार पर साधी निशाना: मॉनसून मा आपदा प्रबंधन थै नेता प्रतिपक्ष यशपाल आर्य ना जमकर साधी धामी सरकार पर निशाना, बोली- बरखा से पहाड़ों मा मचि च त्राहि त्राहि, कई जगह सड़क और मकान जमींदोज, वखि बीजेपी सरकार हवा-हवा मा कनि च बात, जनता थै मिनि च कुई राहत
4. हरिद्वार जेल मा 43 कैदी मिलिन कोरोना पॉजिटिव: उत्तराखंड मा फिर बढ़ना छिन कोरोना का केस, हरिद्वार जेल मा 43 कैदियों की कोरोना जांच रिपोर्ट पॉजिटिव, वखि इतका बड़ी संख्या मा कोरोना का पॉजिटिव केस मिलणा का बाद स्वास्थ्य विभाग मा मचि हड़कंप, जैका बाद सभी संक्रमित कैदियों थै जेल मा ही किये ग्या आइसोलेट.
5. पेड़ गिन से मसूरी-देहरादून मार्ग पर यातायात बाधित: मसूरी-देहरादून मार्ग पर बारिश का चलदा घनानंद स्कूल का पास पेड़ गिन से यातायात बाधित, सड़क का द्विया ओर लंबी वाहनों की लंबी कतार, पेड़ गिना की सूचना पर मौका पर पौंचि वन विभाग और लोनिवि की टीम रस्ता मा गिरयां पेड़ थै जेसीबी मशीन की मदद से करि साइड, जैका बाद मसूरी-देहरादून मार्ग पर दुबरा सुचारू ह्वे ग्याई यातायात.
6. बागेश्वर मा पिंजरा मा कैद गुलदार: बागेश्वर मा आतंक कू पर्याय बड़यु गुलदार पिंजरा मा ह्वाई कैद, गुलदार का पकड़े जाण से ग्रामीणों ना ल्याई राहत की सांस, 4 दिन पैलि असों गौं मा गुलदार ना बुजुर्ग महिला थै बणै छाई शिकार, जैका बाद वन विभाग की टीम ना गुलदार थै पकड़णा खुण गौं मा लगै छाई पिंजरा, आखिरकार पिंजरा मा कैद ह्वे ग्याई गुलदार.
7. मंदिर मा मगरमच्छ घुसण से मचि हड़कंप: रुड़की का ढंडेरी ख्वाजापुर गौं मा तालाब से निकलिकी मंदिर मा घुसी मगरमच्छ, जैका बाद ग्रामीणों ना वन विभाग थै करि सूचित, वखि 10 घंटा का बाद मगरमच्छ रेस्क्यू कना खुण मौका पर पौंचि वन विभाग की टीम, एक घंटा की कड़ी मशक्कत का बाद वन विभाग का कर्मचारियों ना मंदिर से मगरमच्छ थै करि रेस्क्यू, ग्रामीणों ना ल्याई राहत की सांस.
8. श्रीनगर मा अफ्रीकन स्वाइन फ्लू कू कहर: उत्तराखंड का श्रीनगर गढ़वाल मा अफ्रीकन स्वाइन फ्लू की दस्तक से खौफजदा लोग, अभीतकक स्वाइन की चपेट मा आण से 300 से अधिक सुअरों की मौत, शहर मा नगर निगम और पशु चिकित्सों की टीम ना संक्रमित सुअरों थै करि चिन्हित, जैका बाद संक्रमित सुअरों थै बेहोश कैरिकी मरणि च टीम.
9. नैनीताल हाईकोर्ट ना प्लास्टिक बैन पर मांगी प्रगति रिपोर्ट: नैनीताल हाईकोर्ट ना आज राज्य मा प्लास्टिक पर पूर्ण प्रतिबंध का मामला मा दायर जनहित याचिका पर करि सुनवै, वखि कोर्ट ना ये मामला मा जिलाधिकारियों द्वारा अभी तक प्रगति रिपोर्ट पेश न कन पर जताई नाराजगी. साथ ही सभी जिलाधिकारियों से जल्द से जल्द प्रगति रिपोर्ट पेश कना कू दे आदेश.
10. इको फ्रेंडली वैदिक राखियों की भारी डिमांड: रक्षा बंधन का त्योहार का चलदा बाजार मा डिजाइनर राखियों की धूम, वखि इबर दा बाजार मा गाय का गोबर से बणि इको फ्रेंडली वैदिक राखियों की भारी डिमांड, वैदिक राखियों थै खूब पसंद कना छिन ग्राहक, पौड़ी जिला मा डिमांड पर तैयार किये जाणि च वैदिक राखी, उत्तराखंड का अलावा दिल्ली, राजस्थान, गुजरात आदि राज्यों से खूब मिना छिन राखियों का ऑर्डर.
