1. उत्तराखंड मा बरखा कू कहर: उत्तराखंड मा बरखा जमकर कहर बरपाणी च, यनि बरखा के चलदा प्रदेश मा 14 स्टेट हाईवे समेत कुल 229 सड़कें बंद च, जैमा मुख्य जिला मार्ग, ग्रामीण सड़कों समेत 126 पीएमजीएसवाई की सड़कें भी शामिल छिन, वखि आज भी मौसम विभाग ना राजधानी देहरादून समेत कई जिलों मा बरखा कू येलो अलर्ट जारी करयुं च.
2. कुसुम यादव की जमानत याचिका निरस्त: नैनीताल हाईकोर्ट ना आज आय से अधिक संपत्ति रखण वला पूर्व आईएएस अधिकारी रामविलास यादव की पत्नी कुसुम यादव की अग्रिम जमानत याचिका पर करि सुनवै, ये मामला से सुनणा का बाद न्यायमूर्ति रविंद्र मैठाणी की एकलपीठ ना जमानत याचिका थै करि निरस्त. सरकार ना कुसुम यादव पर पूछताछ मा सहयोग न कना कू लगाई आरोप.
3. UKSSSC पेपरलीक मामला मा कार्रवाई जारी: उत्तराखंड अधीनस्थ सेवा चयन आयोग परीक्षा पेपर लीक मामला मा एसटीफ की कार्रवाई जारी, पिछला आठ दिनों मा एसटीएफ ना 12 आरोपियों थै करि गिरफ्तार, आरोपियों का कब्जा से सवा करोड़ रुपया भी बरामद, ये मामला मा अबि ह्वे सकदि और भी लौखु की गिरफ्तारी.
4. आईएफएस अफसरों का खिलाफ जांच पूरी: कॉर्बेट नेशनल पार्क मा अतिक्रमण और अवैध निर्माण मामला मा तीन आईएफएफ अफसरों की जांच पूरी, विजिलेंस टीम ना शासन थै भेजि तीनी अफसरों की जांच रिपोर्ट, वखि सरकार से अनुमति मिना का बाद आरोपी अधिकारियों का खिलाफ विजिलेंस जल्द दर्ज सकदि मुकदमा.
5. विधानसभा अध्यक्ष ना राष्ट्रपति से करि मुलाकात: उत्तराखंड विधानसभा अध्यक्ष ऋतु खंडूड़ी ना दिल्ली राष्ट्रपति भवन पौंचि राष्ट्रपति द्रौपदी मुर्मू से करि शिष्टाचार भेंट, ये मौके पर विधानसभा अध्यक्ष नवनिर्वाचित राष्ट्रपति मूर्मू थै दे बधै, भेंट का दौरान राष्ट्रपति और विधानसभा अध्यक्ष का बीच विभिन्न समसामयिक विषयों पर ह्वे चर्चा.
6. बिल्केश्वर कॉलोनी मा घुमदु दिखे ग्या हाथी: हरिद्वार मा थमणा कू नौ नि लिणु च मानव वन्यजीव संघर्ष, पॉश कॉलोनी बिल्केश्वर मा जानवरों की धमक से लोग परेशान, आज भी बिल्केश्वर कॉलोनी मा चहलकदमी करदु देखे ग्याई हाथी, हालांकि, हाथी ना कैथे भि नि पौंचाई नुकसान, कुछ देर कॉलोनी मा घुमणा का बाद वापस जंगल मा चलि ग्या हाथी.
7. जान जोखिम मा डालिकी गौला नदी मा नहेणा छिन लोग: उत्तराखंड मा भारी बारिश का चलदा उफान पर छिन नदी नाला, वखि पुलिस और प्रशासन की चेतावदी थै ठेंगा दिखणा छिन लोग, जान जोखिम मा डालिकी गौला नदी मा नहेणा कू वीडियो सोशल मीडिया मा वायरल, एसएसपी नैनीताल ना कार्रवाई का देनि आदेश.
8. श्रीनगर मा अफ्रीकन स्वाइन फ्लू कू प्रकोप: पौड़ी का श्रीनगर मा तेजी से फैलड़ू च अफ्रीकन स्वाइन फ्लू, संक्रमण की चपेट मा आण से अभीतक 300 से अधिक सुअरों की मौत, नगर पालिका ना आनन-फानन मा पशु पालकों की बुलाई बैठक, संक्रमित सुअरों थै मना का देनि आदेश.
9. ठगी कू आरोपी लखनऊ से गिरफ्तार: फर्जी करारनामा दिखेकी रुद्रपुर की एक फर्म से 38 लाख रुपये की धोखाधड़ी कन वला शातिर थै ट्रांजिट कैंप पुलिस ना लखनऊ बटि करि गिरफ्तार, आरोपी राशन कार्ड टेंडर दिणा का नाम पर ठगी थै दिंदु छाई अंजाम, आरोपी का खिलाफ नैनीताल मा भी धोखाधड़ी कू मुकदमा दर्ज.
10. एसडीआरएफ ना युवकों थै करि रेस्क्यू: ऋषिकेश का चीला बैराज मार्ग पर बीन नदी का तेज बहाव का बीच आधी रात मा फंसी कार, कार सवार युवकों ना आपदा कंट्रोल रूम मा सूचना देकि लगाई मदद की गुहार, देर रात मौका पर पौंचि एसडीआरएफ की टीम ना सभी कार सवार युवकों थै सकुशल करि रेस्क्यू.
