1. बारिश और बर्फबारी का कारण केदारनाथ यात्रा पर लगि ब्रेक: केदारघाटी समेत रुद्रप्रयाग मा हुणी च बारिश, वखि केदारनाथ धाम मा बर्फबारी जारी, जैसे केदारनाथ यात्रा पर लगि ब्रेक, एहतियान फाटा और गौरीकुंड मा हेलीकॉप्टर सेवाओं थै अस्थाई रूप से किये ग्या बंद, केदारनाथ धाम मा रुकया छिन करीब 10 से 12 हजार तीर्थयात्री.
2. साईं मंदिर मा सीएम धामी ना करि पूजा अर्चना: चंपावत उपचुनौ खुण जनसंपर्क कना बाद खटीमा मा सीएम धामी ना साईं मंदिर पौंचि करि पूजा अर्चना और साईं बाबा से प्रदेश की खुश समृद्धि और खुशहाली की करि कामना, जैका बाद खटीमा से देहरादून खुण बौड़िन सीएम पुष्कर सिंह धामी, वखि सीएम धामी ना बोली- चंपावत उपचुनौ मा जनता कू मिनु च भारी समर्थन.
3. जितेंद्र नारायण त्यागी जल्द संन्यास करला ग्रहण: शिया सेंट्रल वक्फ बोर्ड का पूर्व चेयरमैन जितेंद्र नारायण त्यागी उर्फ वसीम रिजवी जल्द बड़ला निरंजनी अखाड़ा का संत, जैका वास्ता आज जितेंद्र नारायण त्यागी और शांभवी धाम पीठाधीश्वर स्वामी आनंद स्वरूप ना अखाड़ा परिषद का अध्यक्ष महंत रविंद्र पुरी से करि मुलाकात, यै दौरान जितेंद्र नारायण त्यागी थै संन्यास दिले जाणा पर ह्वे चर्चा.
4. सीएम पुष्कर सिंह धामी लक्ष्य सेन थै करला सम्मानित: थॉमस कप जीतणा का बाद पेलि दा रामनगर पौंचण पर लक्ष्य सेन और ऊंका कोच डीके सेन कू लौखु ना करि जोरदार स्वागत, ये मौका पर लक्ष्य सेन ना युवा बैडमिंटन खिलाड़ियों दगणि करि बातचीत, बोली- खेल का दगणि-दगणि पढ़ाई भी भौत जरूरी, वखि आज देहरादून मा सीएम धामी और खेल मंत्री रेखा आर्य लक्ष्य सेन थै करला सम्मानित.
5. कर्नल कोठियाल ना बीजेपी करि ज्वाइन: उत्तराखंड मा आम आदमी पार्टी छोड़कि कर्नल अजय कोठियाल बीजेपी मा ह्वेनि शामिल, सीएम धामी और प्रदेश अध्यक्ष मदन कौशिक ना कर्नल कोठियाल दिलाई पार्टी की सदस्यता, विधानसभा चुनौ मा आम आदमी पार्टी का सीएम फेस का रूप मा गंगोत्री बटि कर्नल कोठियाल ना लड़ि छाई चुनाव, जमानत भी ह्वे ग्वे छाई जब्त.
6. करण महारा ना प्रदेश सरकार पर साधी निशाना: कांग्रेस प्रदेश अध्यक्ष करण माहरा ना गैंगस्टर यशपाल तोमर मामला मा आईएएस और पीसीएस अधिकारियों का नाम समणि आणा का बाद प्रदेश की बीजेपी सरकार पर साधी निशाना, वखि ये मामला मा अधिकारियों पर सरकार द्वारा कुई एक्शन ना लिये जाण फर खड़ा करिन सवाल.
7. बारिश का कारण रोके ग्या यमुनोत्री यात्रा: खराब मौसम और भारी बारिश का चलदा यमुनोत्री यात्रा पर भी लगी ब्रेक, एहतियातन उत्तरकाशी जिला प्रशासन ना जानकी चट्टी का पास श्रद्धालुओं थै रोकी. लगातार बारिश का कारण यमुनोत्री पैदल मार्ग पर आवाजाही मा बढ़ ग्या जोखिम, मौसम सामान्य हुणा का बाद फिर से तीर्थयात्रियों थै भेजे जालु यमुनोत्री धाम.
8. गंगा मा डूबिन दिल्ली का तीन युवक: ऋषिकेश का शिवपुरी मा ह्वे बड़ू हादसा, गंगा मा नहेणा का दौरान डूबिन दिल्ली का तीन युवक, सूचना का बाद एसडीआरएफ ना युवकों की तलाश मा चलाई रेस्क्यू ऑपरेशन, टीम ना बरामद करि एक युवक कू शव, जबकि, अभी भी द्वि युवक लापता, पुलिस ना युवकों का परिजनों थै घटना की दै सूचना.
9. साइबर फ्रॉड मामला मा एसटीएफ ना तीन आरोपियों थै करि गिरफ्तार: सेंट्रल बैंक ऑफ इंडिया मा 31 लाख का साइबर फ्रॉड मामला मा पुलिस ना करि खुलासा, बैंक का दिल्ली ब्रांच का मैनेजर समेत देहरादून ब्रांच का द्वि मैनेजर थै पुलिस ना करि गिरफ्तार, तीनी ना मिलिकी रचि छाई साइबर फ्रॉड की पटकथा, एसटीएफ ना तीनी आरोपियों कू करि भंडाफोड़.
10. कुमाऊं रेजीमेंट का जवानों ना दुर्गाकोट चोटी थै करि फतह: सुंदरढूंगा की 5,818 मीटर ऊंची माउंट दुर्गाकोट चोटी थै फतह कना का बाद वापस लौटी कुमाऊं रेजीमेंट जवानों कू दल, वखि वापसी से पेलि दल ना करि बाबा बागनाथ मंदिर मा पूजा अर्चना. जवानों ना मंदिर परिसर मा लगैन मां काली और बाबा भोलेनाथ का जयकारा.
