- जवाहर नवोदय विद्यालय का चार छात्र कोरोना संक्रमित
उत्तराखंड मा फिर बढ़ण लगिन कोरोना का केस, जनपद मुख्यालय रुद्रपुर स्थित जवाहर नवोदय विद्यालय का चार छात्रों मा कोरोना की पुष्टि से मचि हड़कंप, स्वास्थ्य विभाग की टीम विद्यालय पौंचि कनि च अन्य छात्रों की सैंपलिंग, पॉजिटिव अया तीनी छात्रों थै करि होम आइसोलेट, जबकि, एक च अस्पताल मा भर्ती.
- उक्रांद ना अपणा प्रत्याशियों की पेलि सूची करि जारी
विधानसभा चुनौ 2022 खुण उत्तराखंड क्रांति दल ना करि शंखनाद, क्षेत्रीय पार्टी उक्रांद ना विधानसभा चुनौ खुण अपणा प्रत्याशियों की पेलि सूची जारी कयालि. 16 विधानसभा सीटों पर उक्रांद ना अपणा प्रत्याशियों कू नामों कू आज ऐलान करि. ये चुनौ मा उक्रांद कू मुख्य एजेंडा मा पलायन, बेरोजगारी, भू-कानून जन मुद्दा शामिल छिन.
- आम आदमी पार्टी ना 42 विधानसभाओं मा प्रभारी करिन नियुक्त
2022 उत्तराखंड विधानसभा चुनौ मा आम आदमी पार्टी अब बीजेपी और कांग्रेस से अगने निकलदि दिखेणी च, वखि बूथ लेवल से लेकि विधानसभा स्तर तक आम आदमी पार्टी अपणि पकड़ बनाण मा जुटी च, ये कड़ी मा अब आप ना प्रदेश की 42 विधानसभा सीटों पर विधानसभा प्रभारियों की नियुक्ति कयालि. जु आगामी चुनौ मा पार्टी की रीति नीति थै मतदाता तक पहुंचाला.
- हरिद्वार सम्मान यात्रा कू हरीश रावत ना करि आगाज
बीजेपी की विजय शंखनाद रैली का बाद अब कांग्रेस ना भी अपणी विधानसभा चुनौ की तैयारी तेज कयालि, आज पूर्व मुख्यमंत्री हरीश रावत भगवानपुर पौंचि हरिद्वार सम्मान यात्रा की शुरुवात करि. भगवानपुर बटि शुरु या यात्रा जिला का तमाम विधानसभा क्षेत्रों मा निकाली जालि.
- अस्पताल थै पीपीपी मोड से हटाणा की मांग थै लेकि आत्मदाह कू ऐलान
सामुदायिक स्वास्थ्य केंद्र डोईवाला थै पीपीपी मोड मा दिये जाणा कू विरोध तेज. अस्पताल का भैर यूकेडी का कार्यकर्ताओं कू आमरण अनशन जारी, आंदोलनकारियों थै मिली कांग्रेस कू साथ. कांग्रेस नेता भारत भूषण ना सामुदायिक स्वास्थ्य केंद्र डोईवाला थै पीपीपी मोड बटि हटाणा कि मांग थै लेकि 25 दिसंबर का दिन करि आत्मदाह कू ऐलान.
- भाजपा का प्रदेश महामंत्री सुरेश भट्ट ना कालाढूंगी मा करि जनसंपर्क
भाजपा का प्रदेश महामंत्री सुरेश भट्ट ना कालाढूंगी विधानसभा क्षेत्र मा अपणु जनसंपर्क अभियान करि तेज, भट्ट ना लौखु थै सरकार की जनकल्याणकारी योजनाओं और नीतियों से कराई अवगत, वखि ज्यादा से ज्यादा संख्या मा 30 दिसंबर का दिन पीएम मोदी की हल्द्वानी मा हुण वलि रैली मा पौंचणा कू करि आग्रह.
- राज्यपाल गुरमीत सिंह कू एक दिवसीय बनबसा दौरा
राज्यपाल गुरमीत सिंह आज अपणा एक दिवसीय दौरा मा चंपावत का बनबसा पौंचिन, जैका बाद राज्यपाल ना गुरमीत सिंह ना यख आर्मी कैंट कू दौरा का बाद जिला प्रशासन का अधिकारियों दगणि एक बैठक करि. वखि मीडिया से बातचीत का दौरान राज्यपाल गुरमीत ना बता कि ऊना आर्मी कैंट का कमांडिंग ऑफिसर का रूप मा बनबसा मा भी 1997 से 2000 अपणि सेवा दे छ्या.
- उत्तराखंड का पहाड़ी इलाकों मा ठंड कू प्रकोप जारी
उत्तराखंड मा ठंड कू प्रकोप जारी, पहाड़ी जिलोंमा त ठंड से बुरा हाल छिन, सुबेर भीषण ठंड का कारण आमजन जीवन भी प्रभावित हुणु च, रुद्रप्रयाग मा दुकानदार ठंड क चलदा सुबेर अपणि अपणि दुकान देर से खुना छिन. वखि ठंड का कारण स्कूली बच्चों थै सबसे ज्यादा परेशानी हुणी च, बजार मा लोग बाग ठंड से बचणा खुण आग तपड़ा छिन.
- कॉर्बेट पार्क मा गुणी और बांदरों की गिनती शुरू
उत्तराखंड वन विभाग का आदेश पर विश्व प्रसिद्ध जिम कॉर्बेट नेशनल पार्क मा साल 2015 का बाद कॉर्बेट प्रशासन ना गुणी और बांदरों की गिनती शुरू कयालि. वखि, गुणी और बांदरों की गिनती कना खुण वनकर्मियों थे पार्क प्रशासन की ओर से विशेष प्रशिक्षण भि दिये ग्या. कॉर्बेट मा भौल बटि गुणी और बांदरों की गिनती शुरू किये जालि.
- मुख्यमंत्री इलेवन ना 4 रनों से जीती क्रिकेट मैच
राजधानी देहरादून मा आज अभिमन्यु क्रिकेट ग्राउंड मा सीएम इलेवन और बीजेपी युवा मोर्चा इलेवन का बीच क्रिकेट मैच खेल्ये ग्या. ये मैच मा मुख्यमंत्री इलेवन की टीम ना 4 रनों से जीत हासिल करि. बीजपी युवा मोर्चा इलेवन टीम कू नेतृत्व भाजयुमो का राष्ट्रीय अध्यक्ष तेजस्वी सूर्या न करि. वखि ये मैच मा सीएम धामी ना 13 रनों की नाबाद पारी खेली.
