- किसानों आंदोलन थे मिली राजनैतिक दलों कू साथ
कृषि कानून का खिलाफ दिल्ली की सीमाओं पर किसानों कू प्रदर्शन जारी, आज शिव सेना नेता संजय राउत ना करि भाकियू का राष्ट्रीय प्रवक्ता राकेश टिकैत से मुलाकात, वखि, राहुल गांधी भी पहुंचिन किसानों का बीच, अपणा संबोधन मा राहुल बोलीं- दीवार बणाण का बजे, पुल बणांदि मोदी सरकार.
अपणुं उत्तराखंडः दिनभरै खास खबर, एक नजर मा - चार मार्च का दिन गैरसैंण मा पेश होलु प्रदेश कू बजट
मुख्यमंत्री की अध्यक्षता मा आज कैबिनेट बैठक आहूत किये ग्ये, ईं बैठक मा महांकुभ थे लेकि मंत्रिमंडल का बीच चर्चा किये ग्ये, साथ ही जल्द अब त्रिवेंद्र सरकार कुंभ थे लेकि एसओपी जारी करलि, वखि चार मार्च का दिन गैरसैंण मा पेश होलु बजट.
- शराब माफिया और सरकार बीच ह्युं च समझौता- प्रीतम सिंह
नई आबकारी नीति पर कांग्रेस ना त्रिवेंद्र सरकार की मंशा पर खड़ा करिन सवाल, प्रदेश अध्यक्ष प्रीतम सिंह ना बोली- शराब माफिया और सरकार का बीच ह्युं च गुप्त समझौता. भू-खनन और शराब माफियों का इशारा पर नचणि च सरकार.
- महंगाई का विरोध मा कांग्रेस कू प्रदेशव्यापी हल्ला बोल
आज कांग्रेस ना प्रदेश का सभी जिला मुख्यालयों पर कृषि कानून और महंगाई का खिलाफ जोरदार प्रदर्शन करि, ये दौरान कांग्रेसियों ना केंद्र की मोदी सरकार से तीनी कृषि कानून वापस लिणा की मांग करि. ये मौका फर आंदोलनकारियों न बोली- महंगाई पर काबू पाण पर केंद्र सरकार असमर्थ.
- अल्मोड़ा मा जिला विकास प्राधिकरण थे लेकि असमंजस जारी
मुख्यमंत्री त्रिवेंद्र सिंह रावत ना पहाड़ी जिलों मा गठित जिला विकास प्राधिकरण थे खत्म कना की घोषणा करि छै, जैका बाद भी डीडीए का खिलाफ अल्मोड़ा मा संघर्ष समिति कू आंदोलन जारी च, आंदोलनकारियों ना बोली- अभी तक सरकारन जारी नि करि शासनादेश, असमंजस बरकरार.
- चाय बागान मा पेड़ से लटकयुं मिली युवक कू शव
राजधानी का बसंत विहार इलाका मा चाय बागान क्षेत्र में एक युवक कू शव पेड़ से लटकयुं मिली. जैका बाद इलाका मा हड़कंप मचि ग्ये, आनन-फानन मा सूचना पाकर मौका पर पहुंचीं पुलिस ना शव थे कब्जा मा लेकि शुरू करि जांच.
- हत्याकांड कू पुलिसन करि खुलासा
पथरी थाना क्षेत्र मा ह्वे हत्याकांड कू पुलिसन करि खुलासा, हत्यारोपी पति ना अवैध संबंधों का शक मा पत्नी थे उतार छाई मौत का घाट, आरोपी का पास से हत्या मा प्रत्युत हथियार भी बरामद.
- सीएम त्रिवेंद्र कू द्वि दिवसीय रुद्रप्रयाग दौरा कल
बुधवार और गुरुवार का दिन सीएम त्रिवेंद्र रावत द्वि दिवसीय रुद्रप्रयाग का दौरा पर राला, ये दौरान सीएम सिंह रावत कई कार्यक्रमों मा प्रतिभाग और विकास योजनाओं कू उद्घाटन करला, साथ ही वुकूं कालीमठ क्षेत्र भ्रमण कू कार्यक्रम भी च.
उत्तराखंड से राज्यसभा सांसद अनिल बलूनी ना रेलमंत्री पीयूष गोयल थे चिट्ठी लेखि कोटद्वार-दिल्ली जन शताब्दी एक्सप्रेस कू नाम सिद्धबली जन शताब्दी एक्सप्रेस और टनकपुर-दिल्ली जन शताब्दी एक्सप्रेस कू नाम पूर्णागिरी जन शताब्दी एक्सप्रेस कना की मांग रख छै. जै पर अब रेल मंत्रालय न भि स्वीकृति दे दे.
- मास्टरप्लान का तहत बदरीनाथ धाम कू होलु कायाकल्प
2013 मा केदारघाटी मा ऐ भीषण आपदा का बाद पुनर्निर्माण कू कार्य जोरशोर से जारी च, वखि अब मास्टर प्लान का तहत जल्द ही बदरीनाथ धाम कू भी कायाकल्प किया जालु, सीएम त्रिवेंद्र सिंह रावत ना पुनर्निर्माण कार्यों थे लेकि आज सचिवालय मा अधिकारियों थे देनि दिशा-निर्देश.
