महाराष्ट्र मां भाजपा पर तिगड़ी पड़ी भारी
महाराष्ट्र मां सरकार बनोणौं ते लेकर दिनभर मची रै खींचतान, एनसीपीन शिवसेना तै दिनी अपणु समर्थन, बीजेपी बैठली विपक्ष मां.
जेएनयू मां छात्रूं कू हल्ला बोल
फीस बढ़ोत्तरी का खिलाफ गुस्सा व्हैंया जेएनयू का छात्रूं करि प्रदर्शन, पुलिस दगणी ह्वै धक्का-मुक्की, आपतै पता हौंण चैंदू कि आज जेएनयू मां छौ कंवोकेशन कू कार्यक्रम.
29 नवंबर मां अयोध्या जै सकदां हरदा
पूर्व मुख्यमंत्री हरीश रावत 29 नवंबर मां जा सकदा अयोध्या, कांग्रेसी नेता सुरेंद्र अग्रवालन बतै हरदा कू यू फैसला स्वागत योग्य.
जेपी पांडे का सड़क हादसा मां मौत
राज्य आंदोलनकारी समिति का अध्यक्ष जेपी पांडे का सड़क हादसा मां मौत, ऊंकी अचानक मौत पर राज्य आंदोलनकारियों मां शोके लहर.
रानीखेत हादसा मां एकै मौत
रानीखेत मा बढु सड़क हादसा, हादसा मां ड्राइवर की मौत, 5 लोग ह्वयां घायल, बतै जांणू च कि सभी हरिद्वार बटिं पूजा कना बाद रानीखेत व्हैंया छा रवाना.
नौना कू बाघन करि शिकार
पिथौगढ़ मां बाघन पांच साले एक नौना कू करि शिकार, घटना का बाद से गौंवलूं वन विभागै खिलाफ खोली मोर्चा.
होमगार्ड पर सरकार व्है मेहरबान
प्रदेशा कई विभागूं मां तैनात 6 हजार होमगार्ड तै मिल सकदी 600 रुपिया मानदेय, कैबिनेट बैठक मां सरकार रख सकदी प्रस्ताव.
चरस तस्कर पुलिस चंगुल बटिं फरार
बनबसा मां चरस तस्करी का आरोप मां गिरफ्तार व्है बदमाश पुलिसा चंगुल बटिं भागी, अब पुलिसकर्मियों का खिलाफ व्है सकदी कार्रवाई.
आईआईपीनै नई खोज, खाणौं तेल बटिं दौड़ली गाड़ी
भारतीय पेट्रोलियम संस्थानन खास तकनीकै करि खोज, इ तकनीका का मदद से खाणौं तेल बटिं निकाल सकदा डीजल.
आशीष डंगवालै नयी मुहिम
उत्तरकाशी स्कूल बटिं ट्रांसफर व्हैके टिहरी पौंछ्या आशीष डंगवालौ एक वीडियो ऐ समणीं, आशीषन टिहरी मां स्कूला बच्चों दगड़ी शुरू करि घराटौं कू नयू रूप दैंण.
