एक मंच पर नजर ऐन बीजेपी-कांग्रेस का दिग्गज: अल्मोड़ा का जैंती क्षेत्र मा स्थित धामदेव मा आज सालम क्रांति दिवस मनये गी. जख स्वतंत्रता सेनानी नर सिंह व टीका सिंहै बरसी पर कांग्रेस और बीजेपी का बड़ा नेता एक ही मंच पर नजर ऐन. यख नेता प्रतिपक्ष यशपाल आर्य, सीएम धामी का बगल मा बैठ्यां नजर ऐन. हरीश रावत भी ये दौरान मंच पर मौजूद छा. कार्यक्रम मा मुख्यमंत्री पुष्कर सिंह धामी से लेकी कांग्रेस नेता हरीश रावत न शहीदूं थै श्रद्धांजलि दिनी.
राज्य स्तरीय बैंकर्स समिति की बैठक: देहरादून मा आज राज्य स्तरीय बैंकर्स समिति की बैठक आयोजित करे गी. बैंकर्स समिति की ईं बैठक मा सीएम धामी न शिरकत करी. ये दौरान सीएम धामी न बैंक आधारित सरकारी योजनाऊं की समीक्षा भी करी. कार्यक्रम मा मुख्यमंत्री पुष्कर सिंह धामी न बोली हर तीन मैना मा होंण वाली बैंकर्स समिति की बैठक काफी अहम होंदी. ऊंन बथै बैठक मा मुद्रा योजना राष्ट्रीय, आजीविका मिशन योजना और अन्य स्वरोजगार से जुड़ी योजनाऊं की समीक्षा होंदी.
37वां राष्ट्रीय नेत्रदान पखवाड़ा कु शुभारंभ: देहरादून मा आज बटी 37वां राष्ट्रीय नेत्रदान पखवाड़ै शुरुआत ह्वे गी. स्वास्थ्य मंत्री धन सिंह रावत न 37वां राष्ट्रीय नेत्रदान पखवाड़ा कार्यक्रम कु शुभारंभ करी. ये दौरान धन सिंह रावत न नेत्रदान थै लेकी पंजीकरण करै की शपथपत्र भी भरी. ऊंका दगड़ा ही देहरादून मेयर सहित एक दर्जन जनप्रतिनिधियूं और अधिकारियूं न भी नेत्रदान थै रजिस्ट्रेशन करैकी शपथपत्र भरी. ये दौरान धन सिंह रावत न लोखूं से नेत्रदान कन्नै अपील भी करी
फिर खुलली कर्मकार कल्याण बोर्डै फाइल: धामी सरकार एक बार फिर से कर्मकार कल्याण बोर्डै फाइल खोन्न वाली च. अबरी बोर्ड मा खरीद मामलै दोबारा जांच किये जाली. मामला मा राज्य सरकार 2017 से 2022 तकै सभी खरीदूं की ऑडिट करौणै तैयारी कन्नी च. ये दौरान हरक सिंह रावत ये विभाग की मंत्री छा. जानकारी का अनुसार ईं जांच से पूर्व कैबिनेट मंत्री हरक सिंह रावतै घेराबंदी की तैयारी किये जांणी च
धामी कैबिनेट विस्तारै चर्चा शुरू: उत्तराखंड भाजपा मा प्रदेश अध्यक्ष बदलना बाद अब मंत्रिमंडल विस्तारै चर्चा शुरू ह्वे गीन. फिलहाल धामी मंत्रिमंडल मा मंत्रियूं का तीन पद खाली छन. प्रदेश मा नई सरकार का गठन का बाद से मणै जांणू छौ कि मदन कौशिक थै संगठनै जिम्मेदारी से मुक्त करी उंथै सरकार मा जगह दिये जै सकदी, अब उंका संगठन से मुक्त होंणा बाद या चर्चा फिर से तेज ह्वे गी.
जल्द होलू खिलाड़ी उद्यमान योजना कु शुभारंभ: खेल मंत्री रेखा आर्य न आगामी 29 अगस्त राष्ट्रीय खेल दिवस की तैयारियूं थै लेकी खेल विभाग का अधिकारियूं दगड़ि समीक्षा बैठक करी. या बैठक रेखा आर्य का यमुना कॉलोनी स्थित शासकीय आवास पर ह्वे. बैठक मा खेल मंत्री रेखा आर्य न बथै की 29 अगस्तौ राष्ट्रीय खेल दिवस का मौके पर 8 से 14 वर्ष तक का बच्चों थै मुख्यमंत्री खिलाड़ी उदयमान योजना कु शुभारंभ करला. या का तहत बच्चों थै 1500 रुप्या की खेल छात्रवृत्ति प्रदान किये जाली.
राज्यपाल से मिली कांग्रेस प्रतिनिधिमंडल: UKSSSC पेपर लीक मामला सहित अन्य भर्तियूं मा धांधली का मामला थै लेकी कांग्रेस प्रतिनिधिमंडल न आज राज्यपाल गुरमीत सिंह दगड़ी मुलाकात करी. लेकी कांग्रेस प्रतिनिधिमंडल न ये मामलै जांच सीबीआई से करौणै मांग करी. ज्या कु थै लेकी कांग्रेस प्रतिनिधिमंडल न राज्यपाल थै ज्ञापन सौंपी. वहीं, उत्तरकाशी मा भी कांग्रेस नेताऊं न वीपीडीओ परीक्षा पेपर लीक मामला थै लेकी राज्य सरकार कु पुतला दहन करी.
पांच सितंबर बटी केदारनाथै तीसरा चरणै यात्रा शुरू: प्रदेश मा केदारनाथ यात्रा कु पैलू और दूसरू चरण पूरू ह्वे गी. पैला चरणै यात्रा मई और जून मैना मा ह्वे. या मा लगभग नौ लाख तीर्थ यात्री केदारनाथ धाम पौंछिन. जबकि, दूसरा चरणै यात्रा जुलाई और अगस्त मैना मा ह्वे. या मा अब तक एक लाख से ज्यादा भक्त केदारनाथ पौंछिन. अब प्रशासन केदारनाथ यात्रा का तीसरा चरणै तैयारियूं मा जुट गी. पांच सितंबर से केदारनाथै तीसरा चरणै यात्रा शुरू होली. मौसम खुन्ना बाद केदारनाथ थै हेली सेवाऊं कु संचालन भी पांच सितंबर बटी दोबारा शुरू किये जालू.
उत्तराखंड मा फिर बढ़ी कोरोना: उत्तराखंड मां एक बार फिर से कोरोना का मामलौ मा बढौतरी होंणी च. ज्या का कारण सरकार और स्वास्थ्य विभाग चिंतित छन. आज प्रदेश मा कोरोना का 136 नया मामला समणि ऐनी, ज्या का बाद प्रदेश मा कोरोना संक्रमितू की संख्या 102,717 ह्वे गी, जबकि यां से मन्न वालौ की संख्या 318 च.
