उत्तराखंड मा फिर बढ़ी कोरोना : उत्तराखंड मां एक बार फिर से कोरोना का मामलौ मा बढौतरी होंणी च. ज्या का कारण सरकार और स्वास्थ्य विभाग चिंतित छन. आज प्रदेश मा कोरोना का 182 नया मामला समणि ऐनी, ज्या का बाद प्रदेश मा कोरोना संक्रमितू की संख्या 96,132 ह्वे गी, जबकि यां से मन्न वालौ की संख्या 287 च. प्रदेश मा कोरोना संक्रमित मरीजुं की रिकवरी रेट 96.10% च.
कोरोना की नई गाइडलाइन जारी: राज्य में कोरोना संक्रमण को लेकर आईसीएमआर के जरूरी दिशा निर्देशों का करने से जुड़े निर्देश दिए गए हैं. जारी गाइडलाइन मा 5 सूत्रीय रणनीति, ज्या मा जांच, निगरानी, उपचार, टीकाकरण और कोविड-19 उपयुक्त व्यवहार कु अनुपालन कन्ना निर्देश छन. या का दगड़ा ही लोखूं थै कोरोना संक्रमण का दौरान एहतियात बरतणा निर्देश भी दिये गीन. अस्पातालू मा ऑक्सीजन सिलेंडर, कंसंट्रेटर, बेड वेंटीलेटर, आईसीयू बेड समेत तमाम जरूरी उपकरणूं थै पर्याप्त संख्या मा रखणा निर्देश भी या मा दिये गीन.
सीएम धामी न नितिन गडकरी से करी मुलाकात: मुख्मंत्री पुष्कर सिंह धामी आजकल दिल्ली दौरा पर छन. ये दौरा का दौरान आज सीएम धामी न दिल्ली स्थित संसद भवन कक्ष मा केंद्रीय सड़क परिवहन मंत्री नितिन गडकरी दगड़ि मुलाकात करी. ये दौरान सीएम धामी न नितिन गडकरी से राज्य का विकास कार्यूं थै लेकी विस्तार से चर्चा करी. मुख्यमंत्री न केंद्रीय मंत्री गडकरी से प्रदेश का विभिन्न राजमार्गूं थै राष्ट्रीय राजमार्ग का रूप मा अधिसूचित कन्नौ अनुरोध भी करी. दगड़ा मा ही ऊंन उत्तराखंड मा सड़क एवं परिवहन विभाग का क्षेत्र की योजनाउं की जानकारी भी परिवहन मंत्री थै दिनिन.
आंगनबाड़ी कार्यक्रत्री पुरस्कार शुरू करली धामी सरकार: धामी सरकार तीलू रौतेली पुरस्कार का दगड़ि ही आंगनबाड़ी कार्यक्रत्री पुरस्कार भी शुरू कन्न वाली च. कैबिनेट मंत्री रेखा आर्य न बथै सभी जिलों बटी यां कु थै आंगनबाड़ी वर्करुं की लिस्ट मंगै गी. 8 अगस्तौ तीलू रौतेली पुरस्कार का दगड़ि ही आंगनबाड़ी वर्करुं थै भी सम्मानित किये जाली, ज्या कु थै लेकी कार्य योजना भी तैयार ह्वे गी. यां मा ऊं महिलाऊं थै सम्मानित किये जालू जौन शिक्षा, समाज, पर्यावरण सहित अन्य क्षेत्रूं मा उत्कृष्ट कार्य करी हो.
गैरसैंण मा जल्द बणलू उप जिला चिकित्सालय: स्वास्थ्य मंत्री डॉ. धन सिंह रावत न आज राजकीय महिला बेस अस्पताल सिमली, सामुदायिक स्वास्थ्य केंद्र गैरसैंण कु निरीक्षण करी. ये दौरान ऊंन उप जिला अस्पताल का शीघ्र निर्माण कार्य शुरू कन्नौ विभागीय अधिकारियूं थै निर्देश दिनीन. यां कु थै लेकी सरकार न 3.06 करोड़ै धनराशि भी स्वीकृत करेली. अगस्त बटी अस्पताल भवन कु निर्माण कार्य शुरू किये जालू. उप जिला अस्पताल बणन से क्षेत्रै एक बड़ी आबादी थै गैरसैंण मा ही बेहतर इलाज मिललू.
26 जुलाई कु सबी जिलों मा भाजयुमो की तिरंगा यात्रा: भारतीय जनता पार्टी युवा मोर्चा की ओर से कारगिल विजय दिवस पर द्वी दिवसीय तिरंगा यात्रा निकले जाली. 26 जुलाई कु सभी जिलों मा भाजयुमो कार्यकर्ताऊं की ओर से प्रभात फेरी निकले जाली. ये कार्यक्रम थै लेकी सभी जिलों मा भाजयुमो कार्यकर्ताऊं न तैयारी तेज करेनी. मा भाजयुमो का राष्ट्रीय अध्यक्ष तेजस्वी सूर्या का नेतृत्व मा 25 जुलाई कु कारगिल विजय दिवस पर तिरंगा यात्रा शुरू किये जाली.या यात्रा जम्मू कश्मीर का श्रीनगर लाल चौक से शुरू ह्वे की कारगिल मा संपन्न होली.
यूरोपीय देशूं का दौरा पर जाला 6 विधायक: उत्तराखंड का कृषि मंत्री गणेश जोशी दगड़ि सत्ता और विपक्ष का 6 विधायक और अधिकारियूं कु दल यूरोपीय देशूं का दौरा पर जाला. सत्ताधारी दल का चार विधायकूं मा राम सिंह कैड़ा, सुरेश गड़िया, प्रदीप बत्रा और रेनू बिष्ट शामिल छन. यां का अलावा द्वी कांग्रेस का विधायकूं मा मनोज तिवारी व हरीश धामी शामिल छन. यू सबी यूरोपीय देशूं मा कृषि मा इस्तेमाल होंण वाली टेक्नोलॉजी की गहन जानकारी ल्याला. गणेश जोशी न बोली न या से प्रदेशै इकोनॉमी थै मजबूती मिलली.
कांवड़ वाहनूं थै हरिद्वार टोल प्लाजा फ्री: उत्तराखंड मा कांवड़ यात्रा आखिरी चरण मा च. इन मा धर्मनगरी हरिद्वार मां कांवड़्यूं कु जनसैलाब उमड़नू च. या थै देखी पुलिस और प्रशासन लगातार व्यवस्था बणौण मा लग्यां छन. ई क्रम मा अब डाक कांवड़ वाहनूं थै विशेष व्यवस्था करे गी. डाक कांवड़ वाहनूं थै हरिद्वार टोल प्लाजा थै 26 जुलाई तक फ्री करे गी.
किच्छा मा कैदियूं थै हाईटेक जेल: उत्तराखंडै जेलूं मा अत्यधिक कैदियूं की संख्या थै देखी उधमसिंह नगर मा अत्याधुनिक जेल कु निर्माण किये जांणू च. ई जेल का निर्माण द्वी फेज मा पूरु किये जालू. पैलू फेज का निर्माण कार्य शुरू ह्ले गी. पैला फेज मा 480 कैदियूं थै कारागार बणये जांणू च. या जेल किच्छा का रजपुरा गौ मा 40 एकड़ मा बणये जांणी च. ई जेल मा करीब 2,580 कैदी राला. ई जेल कु काम जुलाई 2023 तक पूरू ह्वे जालू.
मानसूनै दस्तक दगड़ि डेंगू कु खतरा: मानसूनै दस्तक का दगड़ि ही नगर निगम और स्वास्थ्य विभाग का अधिकारियूं थै डेंगू फैन्नै चिंता सतौण लग गी. नगर आयुक्त न अफसरुं थै हिदायत दिनी कि नगर निगम का सभी सुपरवाइजरुं की अगुवाई मा वार्डवार डोर-टू-डोर सघन अभियान चलये जौ. अभियान मा सुपरवाइजरुं का अलावा आशा कार्यकर्ताऊं और एएनएमै भी मदद लिये जौ. या का तहत नगर निगम की टीम हर रोज 100 घौरुं मा जाली.
