1. श्रद्धालुओं का दर्शनार्थ खोले गिन भगवान बदरीविशाल का कपाट: आज सुबेर ब्रह्म मूहर्त पर विधि विधान का साथ छह महीना खुण श्रद्धालुओं का दर्शनार्थ खोले गिन भगवान बदरी विशाल का कपाट, ये मौका पर भारी संख्या मा बदरीधाम पौंच्या छाई श्रद्धालु, कपाट खुना का अवसर पर शीतकाल का दौरान भगवान बदरी विशाल थै औढयां घी लेपित कंबल कू प्रसाद श्रद्धालुओं मा किये ग्या वितरित. वखि बदरीनाथ धाम का साथ ही सुभांई गौं स्थित भविष्य बदरी धाम का भी खोले गिन कपाट.
2. हरिद्वार मा गंगा महोत्सव कू आगाज: गंगा सप्तमी का अवसर पर सीएम पुष्कर सिंह धामी ना हरिद्वार पौंचि मां गंगा की करि पूजा अर्चना, जैका बाद सीएम ना यश गंगा महोत्सव की करि शुरूवात. हरिद्वार श्री गंगा सभा पेलि बार मां गंगा का अवतरण दिवस का रूप मा मनाणी च गंगा महोत्सव, भौल हरकी पौड़ी किये जालु भजन संध्या कू आयोजन.
3. गंगोत्री-यमुनोत्री पौंचिन 50 हजार से ज्यादा श्रद्धालु: गंगोत्री-यमुनोत्री धाम का कपाट खुलणा का बाद सुचारू रूप से चनि च चारधाम यात्रा, कपाट खुना का पांच दिनों का भितर 50 हजार से ज्यादा श्रद्धालुओं ना करिन मां गंगा और यमुना का दर्शन, गंगोत्री धाम मा अबतक 25,775 त वखि यमुनोत्री धाम मा 25,075 तीर्थयात्रियों ना करिन दर्शन.
4. सीएम धामी ना विश्व भारती विश्वविद्यालय कू करि भूमि पूजन: राष्ट्रगान का रचियता गुरू रवींद्रनाथ टैगौर की 161वीं जयंती का मौका पर सीएम धामी ना नैनीताल मा आयोजित कार्यक्रम मा करि शिकरत. जैका बाद सीएम धामी ना रामगढ़ मा विश्व भारती विश्वविद्यालय कू करि भूमि पूजन. गुरू रवींद्र नाथ की कर्मस्थली रामगढ़ का नाम जुड़ी एक और उपलब्धि, जल्द ही विश्व भारती विश्वविद्यालय का कैंपस तैयार हो जाएगा.
5. बागेश्वर जिला अस्पताल मा डॉक्टरों की भारी कमी: उत्तराखंड मा इनदिनों डॉक्टरों की कमी से जूझणा छिन कई सरकारी अस्पताल, जनपद बागेश्वर का जिला अस्पताल मा 41 डॉक्टरों मा मुकाबला मात्र 18 डॉक्टर ही तैनात, डॉक्टरों का 23 पद रिक्त हुणा कि वजह से मरीजों थै नि मिनु च बेहतर इलाज, वखि डॉक्टरों की कमी का चलदा ज्यादातर मरीज कना छिन अन्य जिलों कू रूख.
6. देहरादून मा राजीव गांधी कॉम्प्लेक्स की स्थित बदहाल: राजधानी देहरादून मा डिस्पेंसरी रोड स्थित राजीव गांधी कॉम्प्लेक्स की स्थित बदहाल, रखरखाव का अभाव मा कॉम्प्लेक्स मा लगी गंदगी कू अंबार, वखि कॉम्प्लेक्स मा जिला खाद्य आपूर्ति, तहसील, नगर विकास प्राधिकरण जना महत्पूर्ण कार्यालय भि हुणा छिन संचालित, बावजूद येका कॉम्प्लेक्स मा दिगणी छिन अव्यवस्थाएं.
7. देवप्रयाग मा पांच लौखु की सड़क दुर्घटना मा दर्दनाक मौत: देवप्रयाग थाना क्षेत्र मा कौड़ियाला का पास ह्वे दर्दनाक हादसा, गहरी खाई मा गिरी तेज रफ्तार कार, वाहन मा पांच लोग छाई सवार, ये घटना मा कार सवार सबि पांच लौखु की दर्दनाक मौत, हादसा मा मुन वला सबि लोग चमोली का रैण वला छाई, जू ब्यौ की शॉपिंग कना खुण ऋषिकेश जाणा छाई. राज्यपाल ना हादसा मा मुन वलों का परिजनों से जताई शोक संवेदना.
8. सोशल मीडिया मा छलकी आनंद रावत कू दर्द: पूर्व सीएम हरीश रावत का बेटा आनंद रावत कू सोशल मीडिया पर छलकी दर्द, आनंद रावत ना सोशल मीडिया पोस्ट पर कांग्रेस और बीजेपी का बड़ा नेताओं का दगणि पिता हरीश रावत पर कसी तंज, बोली- मेरा विचारों और चिंतन से परेशान रंदिन पिताजी हरीश रावत, शायद ऊना मेरी बत्था हमेशा नेता का तौर सुणी और समझि मिथे लाटु.
9. ऋषिकेश-गंगोत्री हाईवे पर चंबा का पास बणि सुरंग मा आवाजाही सुरंग: ऋषिकेश-गंगोत्री राष्ट्रीय राजमार्ग बणि पेलि सुरंग मा वाहनों की आवाजाही शुरू ह्वे ग्या. चंबा का बणि ईं सुरंग से गंगोत्री और यमुनोत्री धाम की यात्रा पर आण वला यात्रियों खुण काफी सहूलियत ह्वे ग्याई. वख अब चंबा शहर मा लगण वला जाम से भी पर्यटकों थै राहत मिनि च, सुरंग का बण से यात्रियों की समय की बचत भी हुणि च.
