अपणुं उत्तराखंडः दिनभरै खास खबर, एक नजर मा

अपणुं उत्तराखंड मा देखा, दिनभरै खास खबर, एक नजर मा

पुलवामा आतंकी हमला मा शहीद हव्या उत्तराखंड कु लाल सीआरपीएफ जवान मोहन लाल ते मरणोपरांत पुलिस वीरता पुरस्कार मिलेलु. गणतंत्र दिवस का दिन राष्ट्रपति रामनाथ कोविंद ऊंका घौरवलों ते करला सम्मानित.

आज प्रधानमंत्री नरेंद्र मोदी न राष्ट्रीय बाल पुरस्कार का विजेताओं का साथ वीडियो कांफ्रेंसिग का जरिया बातचीत करी. इं दौरान देहरादून कु अनुराज रमोला न पीएम दगड़ी वीडियो कांफ्रेंसिग का जरिया बात करी.

इं बार गणतंत्र दिवस पर राजपथ मा एनएसजी कमांडो डोईवाला का माजरी ग्रांट स्थित मीलिट्री इक्विपमेंट सेंटर मा तैयार खास यूनिफार्म पेहनकी मार्च करला. सेंटर का संचालक विनोद कुमार न बते कि ऊंकी संस्था लंबा वक्त से सेना की यूनिफार्म बणोंणी च. इं बार एनएसडी कमांडो की यूनिफार्म बणोंण मा ऊंते गर्वे बात च.

भोल होंण वला गणतंत्र दिवस पर उत्तराखंड खुंण गौरवे बात च. प्रदेश का रोंण वला कैप्टन अक्षय रस्तोगी का पास थलसेना की कमान होली. वू थलसेना की मारक हथियार का संचालन करला.

हरिद्वार महाकुंभ खुंण केंद्र सरकार न एसओपी जारी करेली. नियम का मुताबिक, सभी श्रद्धालुओं ते रजिस्ट्रेशन का साथ ही आरटीपीसीआर टेस्टे नेगेटिव रिपोर्ट होंणी अनिवार्य च. साथ ही कोविड गाइडलाइन का पालन कन्न भी जरूरी होलु.

साल 2012 विधानसभा चुनाव का दौरान चुनाव आचार संहिता उल्लंघन मामला मा रुद्रप्रयाग जिला कोर्ट न कैबिनेट मंत्री डॉ. हरक सिंह रावत ते बड़ी राहत दे. ऊंते कोर्ट न मामला मा दोषमुक्त करार दे.

कांग्रेस नेता शिल्पी अरोड़ा भैंसा गाड़ी पर सवार होकी कृषि आंदोलन मा शामिल होंणो दिल्ली पौंछी. वू गणतंत्र दिवस पर दिल्ली मा किसानों की ट्रैक्टर परेड मा हिस्सा लेली. ऊंका भैंसा गाड़ी पर सवार होकी दिल्ली यात्रा कु वीडियो सोशल मीडिया पर खूब वायरल होंणू च.

उत्तराखंडे मशहूर लोक गायिका माया उपाध्याय न पूर्व सीएम हरीश रावत का ऊपर एक गाणुं तैयार करी. गीत ते 28 जनवरी का दिन पूर्व विधानसभा अध्यक्ष गोविंद सिंह कुंजवाल लॉन्च करला. गीत का माध्यम से माया हरदा का कार्यकाल मा ऊंकी उपलब्धि और कांग्रेस सरकारे योजनों की जानकारी देंणी च.