कोरोना कू कहर, देश मा अब तलक 1568 लोखुं की मौत
दुनिया मा कोरोना कू कहर जारी च. देश मा अब तलक 1568 लोखुं मौत ह्व़े गी. त संक्रमितों की संख्या पोंछी 46433. देश मा कोरोना से अब तक 12727 लोग होयां ठीक. दुनिया मा कोरोना संकट का बीच इजरायल का रक्षा मंत्री कू दावा कि उन्कू देश न ढूंढे ली कोरोना वायरसे एंटीबाडी .
जम्मू कश्मीर मा सीआरपीएफ का बस पर ग्रेनेड से हमला
जम्मू कश्मीर का बडगाम जिला मा आज आतंकियों न सीआरपीएफ का एक बस मा ग्रेनेड से हमला करी. ये हमला मा एक जवान, एक पुलिस कर्मी समेत 6 लोग घायल ह्व़े गिन.
जुलाई मा होली जेईई-मेन्स और नीट परीक्षा
मानव संसाधन विकास मंत्री रमेश पोखरियाल निशंक न आज घोषणा करी कि इंजीनियरिंग मा प्रवेश कन्न वला छात्रों की जेईई-मेन्स परीक्षा 18 से 23 जुलाई तक होली. जबकि मेडिकल प्रवेश खुंण छात्रों की नीट परीक्षा 26 जुलाई का दिन करी जाली.
देहरादून कू लक्खीबाग कंटेनमेंट जोन बटी भेर
देहरादून कू लक्खीबाग इलाका अब कंटेनमेंट जोन बटी भेर ह्व़े गी. उधर, ऋषिकेश एम्स मा कोरोना संक्रमण कू 7 केस का बाद प्रदेश मा कोरोना मरीजों की संख्या ह्व़े गी 61. ब्याली एम्स मा एक मेहला तीमारदार मा ह्व़े छे कोरोना की पुष्टि.
IDBI बैंके हरिद्वार शाखा सील
हरिद्वार रोड पर IDBI बैंके शाखा ते प्रशासन न 14 दिन ते करी सील. बते दयां कि बिता दिन ऋषिकेश एम्स मा एक नर्सिंग स्टाफ पर निकली छो कोरोना. वेकू पति हरिद्वार रोड पर IDBI बैंक मा कर्मचारी च. प्रशासन न वेते क्वारंटाइन मा भेजे ली.
अल्मोड़ा कू लाल दिनेश पंचतत्व मा विलीन
जम्मू-कश्मीर का हंदवाड़ा मा आतंकवादियों से लड़े मा शहीद ह्व़े अल्मोड़ा कू लाल दिनेश सिंह कू पार्थिव शरीर आज उन्कू पैतृक गौ मिर पोंछी. जख सैन्य सम्मान का साथ ह्व़े अंतिम संस्कार.
बड़ सकदी यूपी विधायक अमन मणि त्रिपाठी की मुश्किल
लॉकडाउन का दौरान अपना दोस्तों का साथ बदरीनाथ घूमण ते निकल्याँ यूपी विधायक अमन मणि त्रिपाठी की मुश्किल बड़ सकदी. प्रशासन का टीम का साथ बदसलूकी पर उन्का खिलाफ दर्ज ह्व़े सकदु धारा 332 और 353 का तहत अलग से मुकदमा.
एक दिन मा देहरादून मा लोखुं पीये ली 1 करोड़ से ज्यादा की शराब
लॉकडाउन 3.0 का पहला दिन सोमवार बटी शराबे दुकान खुल गी. पहला दिन ही देहरादून जिला मा लोखुं पीये ली 1 करोड़ 34 लाखे शराब. हालांकि, इं बीच पुलिस ते लोखुं भीड़ कम कन्नो मुश्किल होणी च.
शराब का खिलाफ एक जुट हव्या मेहला
इधर शराबे दुकान खुन्न से ठेकों पर लोखुं भारी भीड़ लगीं च. वखि, मेहलो न शराबे दुकान बंद कन्ने मांग करी. उत्तरकाशी मा मेहलों न शराबे दुकान बंद कन्ने मांग करी. उन बोली लॉक डाउन का कारण यख खानों नि मिन्नू, त शराबे दुकान खुन्न से उन्की परेशानी बड़ गी.
पुलित्जर पुरस्कारों की घोषणा, तीन भारतीय भी शामिल
कोलंबिया विश्वविद्यालय न सोमवार का दिन 15 पत्रकारिता और सात पुस्तक, नाटक और संगीत श्रेणियों मा पुलित्जर पुरस्कारों की घोषणा करी. इं मा तीन भारतीय चन्नी आनंद, मुख्तार खान और डार यासिन भी शामिल छिन.
